[ ᭔᭘ 48B]
᭔᭘᭞
ᬲ᭄᭞ᬓᬧᬶᬲᬦ᭄ᬤᭂᬓᬂ᭞ᬧ᭄ᬭᬫᬤᬫᬶᬘᬸᬫᬯᬶᬲ᭄᭟ᬢᬦ᭄ᬳᬸᬘᬧᬦ᭄ᬲᭀᬭᭀᬄᬲᬦᬾᬧᬚᬚᬭᬄ᭞ᬩᬭᬂᬩᬭᬂᬓᬸᬫ᭄ᬧᭂᬦᬶ᭞ᬲᬧᬓᬓᬲ᭄ᬬᬸᬤ᭞ᬧᬭᬩᭀᬢ᭄ᬫᬧᬾᬮᬕᬦ᭄᭞ᬫᬗ᭄ᬓᬶᬦ᭄ᬳᬦᬓ᭄ᬳᬕᬸᬂᬮᬶᬗ᭄ᬲᬶᬃ᭞ᬫᬮᬶᬄᬳᬸᬘᬧᬂ
᭞ᬓᬢᬗ᭄ᬓᬶᬮ᭄ᬲ᭄ᬤᭂᬓ᭄ᬯᭂᬗᬶ᭟ᬧ᭄ᬭᬧᬸᬗ᭄ᬕᬯᬲᬫ᭄ᬧᬸᬦ᭄ᬳᬢᬧ᭄ᬳᬚᭂᬗᬦ᭄᭞ᬳᬦᬓᬾᬳᬕᬸᬂᬭᬭᬶᬲ᭄᭞ᬋᬦ᭄ᬢᭂᬄᬧᬗᬦ᭄ᬤᬶᬓ᭞ᬭᬶᬂᬧᬭᬩᬳᬸᬤᬦ᭄ᬤ᭞ᬫᬓᬳᬸᬦᬦ᭄ᬲᬓᬾᬂᬳᬭᬶᬲ᭄᭞ᬧᬘᬂᬫᬗ᭄ᬮᬾᬩᬂ᭞ᬳᬶᬲᬸᬭᬸᬤᬤᬸᬓ᭄ᬦᬶ᭟ᬯ
ᬲᬦᬜᬭ᭄ᬯᬧᬘᬂᬓᬲᬗ᭄ᬓᬸᬮ᭞ᬧᭀᬮᬶᬄᬫᬤᬦᬳᬸᬭᬶᬧ᭄᭞ᬫᬓᬤᬶᬬᬦ᭄ᬳᬤ᭞ᬲ᭄ᬯᬾᬘᬳᬶᬤᬪᬝᬵᬭ᭞ᬲᬓᬸᬫ᭄ᬧᭂᬦᬶᬓᬳᭂᬦ᭄ᬘᭂᬮᬶᬦ᭄᭞ᬓᬳᬶᬘᬦ᭄ᬗ᭄ᬭᬲ᭞ᬓᬧᬶᬄᬬᬸᬤᬦᬾᬤᬤᬶ᭞ᬯᬶᬭᬾᬄᬳᬤᬫᬓᬘᬶ
ᬦᬾ᭞ᬓᬢᬸᬮᬓ᭄᭞ᬘᬶᬳ᭄ᬦᬦᬶᬂᬢ᭄ᬯᬭᬕᬢᬶ᭞ᬳᬋᬧ᭄ᬫᬗᬤᬬᬂ᭞ᬓᬮᬶᬄᬳᬾᬭᬶᬂᬧᬲᬶᬳᬦ᭄᭞ᬧᬸᬗ᭄ᬕᬯᬫᬫᬢᬸᬢ᭄ᬲᬫᬶ᭞ᬫᬗ᭄ᬤᬗ᭄ᬕᬶᬮᬶᬲᬂ᭞ᬫᬋᬧ᭄ᬓᬤᬶᬗᬶᬦ᭄ᬚᬸᬭᬶᬂ᭟ᬳᬦᬓ᭄ᬳᬕᬸᬂᬫᬗᬦ᭄ᬤᬶᬓᬦᬄᬮᬳᬸᬢᬂ᭞ᬦᬾᬫᬦᬶᬧᬭᬸᬧᬸ
[ ᭔᭙ 49A]
ᬢᬶᬦ᭄᭞ᬮᬾᬩᬧᬂᬫ᭄ᬮᬄ᭞ᬭᬾᬄᬢ᭄ᬯᬭᬳᬤᬧᬮᬂ᭞ᬳᬶᬓᬸᬫ᭄ᬧᭂᬦᬶᬳ᭄ᬦᬸᬤᬶᬦᬶ᭞ᬫᬲᬶᬄᬤᬃᬣᬬᬂ᭞ᬥᬃᬫ᭄ᬫᬦ᭄ᬭᬯᭀᬲᬾᬚᬢᬶ᭟ᬭᬾᬄᬲᭀᬢᬦᬶᬂᬧᬘᭂᬗᭂᬮᬾᬭᬶᬂᬧᬲᬶᬳᬦ᭄᭞ᬫ᭄ᬮᬄᬧ᭄ᬯᬦ᭄ᬫᭂᬮᬄᬫᬦᬶ᭞ᬧᬸᬗ᭄ᬕ
ᬯᬗᬶᬸᬭᬶᬗᬸᬂ᭟ᬦᬓ᭄ᬳᬕᬸᬂᬲᬫ᭄ᬧᬸᬦ᭄ᬩᬸᬤᬮ᭄᭞ᬦᬾᬩᬾᬜ᭄ᬚᬂᬓᭀᬘᬧᬂᬕ᭄ᬮᬶᬲ᭄᭞ᬓᬸᬫ᭄ᬧᭂᬦᬶᬓᬩᬸᬤᬮ᭄᭞ᬫᬗ᭄ᬤᬤᬸᬄᬲᬦᬾᬓᬦᬶᬦ᭄᭟ᬳᬤᬓᬾᬧᬾᬓ᭄ᬳᬤᬧᬾᬭᭀᬢ᭄ᬓᬲᬓᬶᬢᬦ᭄᭞ᬫᬭᬾᬩᬾᬂᬭᬾ
ᬩᬾᬂᬓᬮᬶᬄ᭞ᬳᬤᬫᬫᬾᬄᬫᬾᬳᬦ᭄᭞ᬓᬢ᭄ᬕᭂᬦ᭄ᬩᬦ᭄ᬭᬦ᭄ᬢᬾᬬᬦ᭄᭞ᬳ᭄ᬦᭂᬧᬭᬶᬧᭀᬮᬄᬲᬫᬶ᭞ᬤᬶᬓᭀᬢᬘᬓ᭄ᬭ᭞ᬫᬢᬭᬫ᭄ᬧᬤᬲᬶᬸᬧᬶᬸ᭞ᬜᭂᬧᬶ᭟ᬗ᭄ᬳᬶᬂᬢᬦ᭄ᬫᬋᬦ᭄ᬓᬬᬸᬦ᭄ᬫᬦᬳᬾᬫᬭᬂᬫ᭄ᬩᬂ᭞ᬩᬲ᭄ᬯᭂᬓᬲ᭄ᬕᭂ
ᬤᬾᬢᬦ᭄ᬢᬫ᭄ᬧᬶ᭞ᬫᭂᬗ᭄ᬕᬳᬶᬂᬪᬝᬵᬭ᭞ᬓᬧᬶᬂᬭᭀᬢᬶᬕᬮᬭ᭞ᬧᬘᬂᬲᬧᬸᬦᬧᬶᬧᬗ᭄ᬕᬶᬄ᭞ᬲᬫ᭄ᬧᬸᬦ᭄ᬫᬗᬸᬘᬧ᭄᭞ᬧᬸᬲ᭄ᬧᬶᬢᬾᬂᬤᬍᬫ᭄ᬧᬸᬭᬶ᭟᭐᭟ᬧᬸᬧᬸᬄᬲᬶᬦᭀᬫ᭄᭟ᬧᬫᬸᬧᬸᬢᬶᬂᬕᭂᬂᬲᬤ᭄ᬤᬾᬬ᭞ᬳᭀ
Kaca:Bali-lontar-gaguritan-rusak-sasak-02-300ppi.pdf/49
Kaca puniki sampun kauji-wacén
