[ ᭔᭗ 47B]
᭔᭗᭞
ᬓᬭᬂ᭞ᬳᬶᬲᬸᬭᬤᬤᬸᬩᬸᬬᬃ᭞ᬢᬂᬓ᭄ᬚᬸᬢ᭄ᬳᬓᬾᬄᬫᬮᬳᬶᬩ᭄᭞ᬳᬤᬗᬗᬶᬦᬂ᭞ᬳᬤᬗᬳᬸᬳᬂᬘ᭄ᬭᬶᬦᬶᬓ᭄᭟ᬭᬢᬦ᭄ᬫᭂᬳᬲ᭄ᬬᬢ᭄ᬤᬶᬦᬕᬭ᭞ᬳᬦᬾᬩᬦᬶᬫᬢᬶ᭞ᬫᬢᬓᭂᬃᬫᬸᬲᬸᬗᬦ᭄᭞ᬫᬗ᭄ᬮᬯᬦ᭄᭞ᬚ᭄ᬭᭀ
ᬦᬶᬂᬓᬭᬂ᭞ᬓᬾᬭᬶᬓᬦᬦ᭄ᬫᬫ᭄ᬩᭂᬤᬶᬮᬶᬦ᭄᭞ᬲᬓᭂᬧ᭄ᬦᬕᬭ᭞ᬩ᭄ᬤᬶᬮᬾᬫᬗᬫᬳᬶᬦ᭄᭟ᬳᬓᬾᬄᬫᬢᬶᬳᬶᬲᬸᬭᬤᬤᬸᬓᬾᬫ᭄ᬗᬸᬦ᭄᭞ᬲᬫ᭄ᬩᭂᬄᬩᬸᬬᬃᬫᬓᬶᬦ᭄ᬓᬶᬦ᭄᭞ᬫᬗ᭄ᬯᬍᬲ᭄ᬫᬗ᭄ᬭᬸᬲᬓ᭄᭞ᬲᬶᬂᬢᬶᬗ᭄ᬓᬄᬓᬳᬩᬤ
ᬦ᭄᭞ᬯᬾᬦ᭄ᬢᭂᬦ᭄ᬧ᭄ᬭᬬᬫᬗᬸᬗ᭄ᬕᬳᬶᬦ᭄᭞ᬓᬶᬓᬶᬲ᭄ᬳᬾᬗ᭄ᬕᬮᬦ᭄᭞ᬓᬢᬸᬫ᭄ᬩᬓ᭄ᬓᬓ᭄ᬮᬾᬯᬗᬶᬦ᭄᭟ᬓᬤᬶᬦᬯᬲ᭄ᬬᬢᬾᬩᬸᬓᬤᬶᬲᬸᬭᬢ᭄᭞ᬳᬶᬲᬸᬭᬤᬤᬸᬓᬶᬗᬶᬦ᭄᭞ᬫᬗ᭄ᬭᬲᬓᭀᬘᬶᬯ᭞ᬳᬤᬕ᭄ᬮᬶᬲ᭄
ᬜᬾᬗᭂᬳᬂ᭞ᬓᬭᬂᬲᬸᬯᬸᬂᬲᬶᬲᬶᬦ᭄ᬫᬃᬕ᭄ᬕᬶ᭞ᬤᬶᬢᬸᬫᬲ᭄ᬭ᭄ᬬᬓ᭄᭞ᬳᬶᬲᬸᬭᬤᬤᬸᬗ᭄ᬭᬜ᭄ᬚᬶᬂ᭟ᬢ᭄ᬯᬶᬬᬢ᭄ᬦᬲᬶᬓᭂᬧ᭄ᬦᬕᬭᬦᬾᬳᬾᬗ᭄ᬕᬮ᭄᭞ᬫᬗᬶᬢᭂᬃᬢ᭄ᬯᬭᬧᬶᬳᬶᬤ᭄᭞ᬚᬕ᭄ᬭᬓᬳᬾᬦ᭄ᬢᭂᬭᬦ᭄᭞ᬲᬶᬂᬕᬜ᭄ᬚᬶᬄᬓᬲᬂᬓᬺ
[ ᭔᭘ 48A]
ᬩᬦ᭄᭞ᬤᬾᬦᬶᬂᬲᬤᬯᬾᬦ᭄ᬢᭂᬦ᭄ᬓᬭᬶ᭞ᬧᬶᬮᬶᬄᬳᬢᬸᬲᬦ᭄᭞ᬳᬶᬲᬸᬭᬤᬤᬸᬦ᭄ᬤᭂᬗᭂᬮ᭄᭟ᬚ᭄ᬭᬾᬦᬶᬂᬓᬭᬂᬓᬢ᭄ᬫᬗᬶᬦ᭄ᬢ᭄ᬯᬭᬧ᭄ᬕᬢ᭄᭞ᬧᬤᬲᬮᬶᬂᬩ᭄ᬤᬶᬮᬶᬦ᭄᭞ᬩᬤᬸᬓᬧ᭄ᬭᬯᬶᬭᬦ᭄᭞ᬧᬶᬦᭂᬳᬦ᭄ᬲᬸᬭᬸᬧ᭄ᬲᬸᬃᬬ᭄ᬬ
ᬧᬗᬶᬢᭂᬭᬾᬢ᭄ᬯᬭᬧᬶᬳᬶᬤ᭄᭞ᬩ᭄ᬤᬶᬮ᭄ᬮᬾᬦ᭄ᬢᬸᬫ᭄ᬩᬓ᭄᭞ᬧᬫᬢᬶᬂᬭᬶᬂᬦᬕᬭᬶ᭟ᬩᬾᬜ᭄ᬚᬂᬘ᭄ᬭᬶᬢᬳᬦᬓ᭄ᬳᬕᬸᬂᬦᬾᬤᬶᬘᬓ᭄ᬭ᭞ᬫᬢᬭᬫ᭄ᬫᬦ᭄ᬤᬯᬸᬳᬶᬦ᭄᭞ᬦᭂᬮᭀᬓᬶᬦ᭄ᬦᭂᬤᭂᬲᬂ᭞ᬓᬸᬫ᭄ᬧᭂᬦᬶᬓᬮᬶᬄᬧᬲᬮ᭄᭞ᬦᬾ
ᬤᬶᬫᬾᬭᬸᬘᬓ᭄ᬭᬓᬮᬶᬄ᭞ᬤᬶᬓ᭄ᬱᬾᬢ᭄ᬭᬦ᭄ᬓᬭᬂ᭞ᬚᬗ᭄ᬓᭀᬗᬾᬲᬸᬩᬲ᭄ᬧᬶ᭟ᬲᬫᬶᬩᬸᬦ᭄ᬢᬲ᭄ᬧᬗᬸᬗ᭄ᬲᬶᬦᬾᬓᬳᬫ᭄ᬧᭂᬦᬦ᭄᭞ᬭᬶᬂᬲ᭄ᬯᬾᬢᬳᬸᬘᬫ᭄ᬫᬮᬶᬄ᭞ᬢ᭄ᬯᬦ᭄ᬓᬧ᭄ᬢᬾᬦ᭄ᬲᬸᬩ᭞ᬫᬦᬸᬦᬲ᭄ᬓᬳᬸᬭᬶᬧᬦ᭄᭞ᬫᬶᬯᬄᬲᬸ
ᬭᬤᬤᬸᬲᬫᬶ᭞ᬫᬲ᭄ᬭᬄᬕᬕᬫᬦ᭄᭞ᬓᬸᬃᬧᬭᬫᬗ᭄ᬓᬶᬦ᭄᭟ᬭᬶᬂᬳᬦᬓᬾᬳᬕᬸᬂᬗᬸᬭᬄᬮᬶᬦ᭄ᬢᬂᬲ᭄ᬯᬾᬘ᭞ᬓᬳᭀᬃᬫᬢᬶᬦ᭄ᬫᬗ᭄ᬭᬭᬶᬲ᭄᭞ᬧᬶᬲᬸᬕᬸᬄᬢᬦ᭄ᬓᬶᬭᬂ᭞ᬲᬳᬳᬶᬦᬸᬫ᭄ᬳᬶᬦᬸᬫᬦ᭄᭞ᬭᬶᬂᬬᬲᬓᬫ᭄ᬩᬂᬫᬗ᭄ᬭᬭᬶ
Kaca:Bali-lontar-gaguritan-rusak-sasak-02-300ppi.pdf/48
Kaca puniki sampun kauji-wacén
