[ ᭔᭖ 46B]
᭔᭖᭞
ᬢᬸᬮ᭄ᬬᬦ᭄ᬤᭂᬗᬶᬮ᭄᭞ᬳᬤᬗ᭄ᬭᬭᬶᬲ᭄ᬩᬸᬦ᭄ᬢᬲ᭄᭞ᬓᬳᬸᬄᬗᬸᬗ᭄ᬲᬶᬳᬫ᭄ᬧᭂᬦᬦ᭄᭞ᬧᬫᬢᬶᬂᬫᬢᬭᬫ᭄ᬭᬭᬶᬲ᭄᭞ᬗᭀᬕᬾᬦ᭄ᬫᬜ᭄ᬚᬭᬄ᭞ᬩᬭᬂᬩᬭᬂᬓᬸᬫ᭄ᬧᭂᬦᬶ᭟ᬫᬘᭂᬫ᭄ᬫᬘᭂᬫ᭄ᬲᭀᬭᭀᬄᬧᬓᬓᬲᭂᬫᬧ᭄ᬭᬂ᭞ᬓᬮᬾᬯᬂ
ᬫᬶᬯᬄᬩ᭄ᬤᬶᬮ᭄᭞ᬭᬶᬂᬕᬶᬢ᭄ᬫᬢᭀᬂᬢᭀᬗᬦ᭄᭞ᬬᬸᬤᬦᬾᬩᬸᬓᬫᬮᬂ᭞ᬓᬾᬯᬮᬲᬮᬶᬂᬢᭂᬫᬗᬶᬦ᭄᭞ᬲᬶᬓᭂᬧ᭄ᬦᬕᬭ᭞ᬧᬕᭂᬄᬫᬗᬶᬢᭂᬃᬢᬶᬢᬶᬩ᭄᭞ᬍᬫᭂᬂᬍᬫᬲᬸᬦ᭄ᬤᬸᬮ᭄ᬲᬸᬦ᭄ᬤᬸᬮᬦ᭄ᬜᬗ᭄ᬕ᭄ᬭ᭞ᬫᬗ᭄ᬓᬶᬦ᭄ᬓᭀᬘᬧᬂᬯ᭄ᬗᬶ
ᬲᬕᬾᬢ᭄ᬤᬤᬓ᭄ᬢᭂᬓ᭞ᬳᬶᬲᬸᬭᬤᬤᬸᬧ᭄ᬘᬓ᭄᭞ᬓᬧᬭᬬᬫᬫᬭᬦᬶᬦ᭄᭞ᬭᬶᬂᬓ᭄ᬮᬧᬫᬸᬤ᭞ᬓᬸᬢᬦᬾᬓ᭄ᬮᭀᬤ᭄ᬓᬳᬸᬗ᭄ᬲᬶ᭄ᬧᬶᬮᬶᬄᬲᬸᬩᬲᬶᬜᬢᬢᬲ᭄ᬦ᭄ᬤᬶᬗᭂᬄᬳᭀᬃᬣ᭞ᬲ᭄ᬬᬢᬾᬤᬶᬦᬕᬭᬶ᭞ᬓ᭄ᬭᬡᬩᬳᬸ
ᬦᬶᬜ᭄ᬘᬧ᭄᭞ᬚ᭄ᬩᬕ᭄ᬓᬮᬶᬦ᭄ᬢᬂᬢᬗᬃ᭞ᬫᬶᬤᭂᬃᬫᬩ᭄ᬭᬶᬬᬸᬓ᭄ᬦᭂᬫᬗᬶᬦ᭄᭞ᬩᬦ᭄ᬩᭂᬤᬶᬮ᭄ᬕᬸᬗ᭄ᬲᬃ᭞ᬫᬭᬶᬬᭂᬫ᭄ᬜᬫ᭄ᬩᬋᬗᬶᬦ᭄᭟ᬢ᭄ᬯᬶᬗᭂᬲ᭄ᬗᭂᬲᭂᬦ᭄ᬲᬤᬾᬰᬦᬾᬤᬶᬢᬸᬫᭂᬦ᭄ᬤᬓ᭄᭞ᬳᬯᬦᬦ᭄ᬩᬾᬩᬲ᭄ᬭᬭᬶᬲ᭄᭞ᬧᬚᬮ
[ ᭔᭗ 47A]
ᬜᬢ᭄ᬓ᭞ᬤᬶᬤᬚᬦ᭄ᬧ᭄ᬭᬦᬕᬭ᭞ᬫᬸᬜᬶᬦ᭄ᬧ᭄ᬭᬾᬭᬾᬢ᭄ᬜᬗᭂᬫ᭄ᬩᬸᬢᬶᬦ᭄᭞ᬧᬶᬮᬶᬄᬗ᭄ᬯᬗ᭄ᬲᬶᬢᬶᬦ᭄᭞ᬩᬚᬓᬶᬦ᭄ᬓᬓᬓᬶᬲᬶᬓ᭄᭟ᬲᬓᬸᬫ᭄ᬧᭂᬦᬶᬲᬦᬾᬓᬭᬶᬚ᭄ᬭᭀᬦᬶᬂᬘᬓ᭄ᬭ᭞ᬓᬭᬂᬚᬗ᭄ᬓᭀᬂᬲᬫ
ᬮᬶᬄ᭞ᬯ᭄ᬬᬓ᭄ᬢᬶᬲᬦᬕᬭ᭞ᬲᬓᬶᬤᬸᬮ᭄ᬓᬮ᭄ᬯᬦ᭄ᬧᬸᬭ᭞ᬧᬤᬗᭂᬓᭂᬲ᭄ᬮᬸᬬᬸᬲᬫᬶ᭞ᬢ᭄ᬯᬭᬜ᭄ᬚᬕ᭄ᬭᬚᬕ᭄᭞ᬲᬧᬫᬃᬕ᭄ᬕᬶᬦ᭄ᬓᬸᬫ᭄ᬧᭂᬦᬶ᭟ᬩᬾᬜ᭄ᬚᬂᬩᬳᬸᬦᬧᬓ᭄ᬦᬫ᭄ᬧᬶᬤᬳᬸᬄᬢᬶᬕ᭞ᬳᬸᬘᬧᬂᬳᬶᬓᬸᬫ᭄ᬧᭂᬦᬶ
᭞ᬦᬾᬧ᭄ᬘᬓ᭄ᬫᬫᬃᬕ᭄ᬕᬓᬤᬾᬰᬩᬢᬸᬓ᭄ᬮ᭄ᬬᬂ᭞ᬭᬯᬸᬄᬧᬘᬂᬓᬦᬕᬭᬶ᭞ᬓᬸᬢᬦᬾᬧᬸᬃᬯ᭄ᬯ᭞ᬳᬶᬭᬶᬓᬓᬫᬃᬕ᭄ᬕᬶᬦᬶᬦ᭄᭟ᬓᬤᬶᬲ᭄ᬯᬾᬢᬢ᭄ᬯᬶᬲᬸᬩᬓᬲᬗ᭄ᬕ᭄ᬭᬳ᭞ᬳᬦ᭄ᬢᬸᬓ᭄ᬯᬢᭂᬓ᭄ᬩᬡ᭄ᬘᬶᬓ᭄᭞ᬧ᭄ᬭᬧᬸᬢ᭄ᬭᬫᬮᬶᬗ᭄ᬕ᭞ᬦ
ᬓ᭄ᬳᬕᬸᬂᬩᬕᬸᬲ᭄ᬓᬃᬢ᭞ᬢᬾᬫ᭄ᬩᭀᬓ᭄ᬲᬫ᭄ᬧᬸᬦ᭄ᬓᬘ᭄ᬭᭀᬂᬘᭀᬗᬶᬦ᭄᭞ᬲᬮᬦ᭄ᬢᬂᬫᬃᬕ᭄ᬕ᭞ᬧᬸᬗ᭄ᬕᬯᬫᬗᬾᬦ᭄ᬢᭂᬭᬶᬦ᭄᭟ᬩᬳᬸᬦᬧᬓ᭄ᬳᬶᬓᬸᬫ᭄ᬧᭂᬦᬶᬚ᭄ᬭᭀᬦᬶᬂᬓᬸᬢ᭞ᬓᬭᬶᬳᬶᬦᬶᬦ᭄ᬓᬩ᭄ᬤᬶᬤ᭄᭞ᬲᬓᬶᬂᬚ᭄ᬭᭀᬦᬶᬂ
Kaca:Bali-lontar-gaguritan-rusak-sasak-02-300ppi.pdf/47
Kaca puniki sampun kauji-wacén
