[ ᭔᭕ 45B]
᭔᭕᭞
ᬲᬭᬶ᭞ᬢᬫᬦ᭄ᬦᭂᬧᬶᬄᬳᬮᬲ᭄᭞ᬫᬫ᭄ᬢᭂᬂᬩᬶᬮᬂᬫᬃᬕ᭄ᬕ᭞ᬢᬸᬫ᭄ᬩᬓ᭄ᬩᭂᬤᬶᬤᬾᬫᬕᬢᬶᬓ᭄᭞ᬲᭀᬢᬦᬶᬂᬕᬗ᭄ᬲᬃ᭞ᬧᬚᬮᬦᬾᬫᬜ᭄ᬚᬶᬕ᭄ᬚᬶᬕ᭄᭟ᬯᬦ᭄ᬢᬄᬚᬦ᭄ᬢᭂᬦ᭄ᬓᬭᬯᭀᬲ᭄ᬢ᭄ᬯᬭᬩᬸᬳᬸᬗᬦ᭄᭞ᬘᬓ᭄ᬭᬫ
ᬢᬭᬫ᭄ᬓᬮᬶᬄᬤᬾᬰᬧᬕᭂᬲᬗᬦ᭄᭞ᬧᬕᬸᬢᬦ᭄ᬧᬘᬂᬭᬸᬲᬓ᭄᭞ᬓᬬᬸᬤᬳᬶᬦ᭄ᬩᬦ᭄ᬓᬸᬫ᭄ᬧᭂᬦᬶ᭞ᬢᭀᬂᬤᬸᬕᬮᬶᬦ᭄ᬢᬂ᭞ᬓᬮᬶᬄᬭᬳᬶᬦᬩᬺᬲᬶᬄ᭟ᬢᬦ᭄ᬳᬶᬦᬸᬘᬧ᭄ᬳᬦᬓ᭄ᬤᬯᬶᬃᬬ᭄ᬬᬚᬮᬚ᭞ᬫᬗ᭄ᬓᬶᬦ᭄ᬘᬭᬶ
ᬢᬦ᭄ᬫᬮᬶᬄ᭞ᬬᬸᬤᬦᬾᬭᬶᬂᬘᬓ᭄ᬭ᭞ᬫᬢᬭᬫ᭄ᬫᬦᬶᬦ᭄ᬤᬶᬳᬂ᭞ᬓᬸᬤᬂᬲᬸᬭᬤᬤᬸᬫᬢᬶ᭞ᬫᬓᬤᬶᬮᬾᬢ᭄ᬦᬦ᭄᭞ᬓᬧ᭄ᬢᬾᬦ᭄ᬳᬸᬩ᭄ᬭᬸᬲ᭄ᬫ᭄ᬩᬾᬮᬦᬶᬦ᭄᭟ᬫᬳᬸᬲᬸᬗᬦ᭄ᬳᬶᬲᬭᬤᬤᬸᬓᬾᬫ᭄ᬗᬦ᭄᭞ᬓᬾᬭᬶᬓᬦ
ᬦ᭄ᬫ᭄ᬩᭂᬤᬶᬮᬶᬦ᭄᭞ᬧᬸᬗ᭄ᬓᬸᬃᬳᬋᬧ᭄ᬗᭀᬢᬕ᭄᭞ᬫᬶᬫᬶᬲᬾᬩᬸᬓᬳᬜᬦ᭄᭞ᬲᭀᬢᬦᬶᬂᬲᬶᬓᭂᬧ᭄ᬦᬕᬭᬶ᭞ᬗᬸᬘᬶᬯᬾᬦ᭄ᬢᬥᬄ᭞ᬚ᭄ᬭᭀᬦᬶᬂᬓᬶᬓᬶᬲ᭄ᬫ᭄ᬩᭂᬤᬶᬮᬶᬦ᭄᭟ᬓᬮᬶᬄᬳᭂᬦ᭄ᬢᭀᬢ᭄ᬯᬦ᭄ᬚᬾᬦ᭄ᬤ᭄ᬭᬮ᭄ᬭᬶᬂᬲᬸᬫ
[ ᭔᭖ 46A]
ᬭᬂ᭞ᬭᬸᬲᬓ᭄ᬓ᭄ᬦᬩᬳᬦ᭄ᬫᬶᬫᬶᬲ᭄᭞ᬯᬶᬭᬾᬄᬢᬦ᭄ᬓᬶᬍᬲᬦ᭄᭞ᬫᬗᬤᬸᬓᬧᬸᬭᬸᬲᬦ᭄᭞ᬭᬶᬂᬘᬓ᭄ᬭᬓᬮᬶᬦ᭄ᬢᬂᬢᬶᬦ᭄ᬤᬶᬄ᭞ᬢᭀᬲ᭄ᬦᬶᬂᬧ᭄ᬭᬯᬶᬭ᭞ᬢᬦ᭄ᬯᬾᬦ᭄ᬢᭂᬦ᭄ᬳᬚ᭄ᬭᬶᬄᬗ᭄ᬫᬲᬶᬦ᭄᭟ᬩᬳᬸᬦᬫ᭄ᬧᬶᬕᬮᬂᬓᬗᬶᬦ᭄ᬤᬶᬢᬸᬗ᭄ᬭᬲ
᭞ᬳᬶᬲᬸᬭᬤᬤᬸᬲᬫᬶ᭞ᬦᬾᬤᬶᬤᬗᬶᬦ᭄ᬧᬲᬃ᭞ᬘᬓ᭄ᬭᬫᬗ᭄ᬕᭂᬮᬄᬤᬯ᭞ᬫᬶᬳᬶᬤᬦ᭄ᬓᬫᬾᬭᬸᬕ᭄ᬮᬶᬲ᭄᭞ᬫᬗᬦ᭄ᬤᬶᬓ᭄ᬤ᭄ᬯᬭ᭞ᬚ᭄ᬭᭀᬫᬗ᭄ᬓᬸᬫᬗᬸᬤᬶᬤᬶᬂ᭞ᬧᬩᬼᬲᬢ᭄ᬯᬾᬦ᭄ᬢᭂᬦ᭄ᬓᬦᬶᬦ᭄ᬲᬧ᭄ᬫᬓᬳᬤ᭄᭞ᬢᭀᬫᬫ᭄ᬧᬸ
ᬫᬦᬗ᭄ᬕᬮᬶᬦ᭄᭞ᬳᬦ᭄ᬢᬸᬓ᭄ᬓᬓᬶᬜ᭄ᬘᬶᬢᬦ᭄᭞ᬫᬗ᭄ᬫᬶᬢ᭄ᬭᬸᬫᬤᬾᬯ᭞ᬯᬾᬦ᭄ᬢᭂᬦ᭄ᬧ᭄ᬢᬂᬤᬰᬤᬶᬭᬶ᭞ᬳᬓᬾᬳᬦ᭄ᬚᬸᬤ᭞ᬢᬶᬦ᭄ᬤᬓᬾᬲᬫ᭄ᬧᬸᬦ᭄ᬗ᭄ᬕᬶᬮ᭄ᬕᬶᬮ᭄᭟ᬢᬸᬃᬓᬩᭂᬲ᭄ᬩᭂᬲ᭄ᬓᬳᭂᬦ᭄ᬢᬸᬗᬶᬦ᭄ᬩᬦ᭄ᬚᬋᬦᬢ᭄᭞ᬫᬳᬶᬭᬶᬩ᭄
ᬩ᭄ᬯᬄᬫᬗ᭄ᬕᬶᬲ᭄᭞ᬦᬾ ᬫᬗ᭄ᬓᬶᬦ᭄ᬓᭀᬘᬧᬂ᭞ᬬᬸᬤᬦᬾᬦᬾᬤᬶᬧᬚᬂ᭞ᬳᬶᬲᬸᬭᬤᬤᬸᬫ᭄ᬓᬮᬶᬦ᭄ᬤᬶᬄ᭞ᬲᬾᬲᬦᬶᬂᬭᬸᬲᬓ᭄᭞ᬫᬓᬶᬍᬲ᭄ᬓ᭄ᬮᭀᬤ᭄ᬓᬗᬶᬦ᭄᭟ᬗᬸᬗ᭄ᬲᬶᬓ᭄ᬱᬾᬢ᭄ᬭᬤᬶᬘᬸᬗ᭄ᬓᬸᬄᬩᬫᬲᬗᬶᬤᬦ᭄᭞ᬢᭀᬤᬶ
Kaca:Bali-lontar-gaguritan-rusak-sasak-02-300ppi.pdf/46
Kaca puniki sampun kauji-wacén
