Kaca:Bali-lontar-gaguritan-rusak-sasak-02-300ppi.pdf/40

Saking Wikisource
Kaca puniki sampun kauji-wacén

[ ᭓᭙ 39B]
᭓᭙᭞
ᬓ᭄‌ᬲᬗ᭄ᬓᬮᬕᬸᬂᬓᬧᬗ᭄ᬕᬶᬄ᭞ᬤᬾᬦ᭄ᬤᬦᬯᬂᬰᬰᬶᬄᬫᬢᬸᬃ᭞ᬭᬶᬂᬳᬦᬓ᭄ᬳᬕᬸᬂᬗᬸᬭᬄ᭞ᬳᬦ᭄ᬢᬸᬓ᭄ᬳᬶᬤᬭᬚᬧᬸᬢ᭄ᬭᬶᬧᬺᬦᬄᬧᬸᬢᬸ᭞ᬢᬭᬸᬦᬶᬳᬢᬶᬓᬧᬸᬢ᭄ᬭ᭞ᬳᬦ᭄ᬢᬸᬓ᭄ᬤᬾᬯᬢᬦᬾᬭᬶᬳᬶᬦ᭄᭟ᬭᬶᬂᬫ
ᬫᬶᬸᬳᬶᬲ᭄ᬧᬢᬶᬧᬸᬦᬶᬓ᭞ᬳᬦᬓ᭄ᬳᬕᬸᬂᬧᬸᬢᬸᬦᬾᬗᭂᬗ᭄ᬓᭂᬦ᭄ᬲᬶᬲᬶᬧ᭄᭞ᬕᬫ᭄ᬬᬫᬢ᭄ᬫᬸᬲᬮᬸᬮᬸᬢ᭄᭞ᬭᬶᬂᬳᬶᬤᬰᬸᬭᬳᬫ᭄ᬮ᭞ᬳᬦᬓ᭄ᬳᬕᬸᬂᬗᬸᬭᬄᬓᬮᬶᬦ᭄ᬢᬂᬓᬾᬯᬸᬄ᭞ᬧᬸᬧᬸᬢ᭄ᬲᬫ᭄ᬧᬸᬦ᭄ᬓᬧᬭᬾᬓ᭄ᬱ᭞ᬩᬩ
ᬯᭀᬲᬾᬮᬶᬦ᭄ᬢᬂᬕ᭄ᬮᬶᬲ᭄᭞ᬳᬦᬓ᭄ᬳᬕᬸᬂᬫᬥᬾᬓᬭᬂᬓᬮᬶᬄᬳᬶᬤᬳᬦᬓᬾᬳᬕᬸᬂᬳᬶᬲ᭄ᬢ᭄ᬭᬶ᭞ᬦᬾ ᬲᬶᬲᬶᬧ᭄ᬓᬭᬸᬲᬓ᭄ᬲᬫ᭄ᬧᬸᬦ᭄᭞ᬕ᭄ᬮᬶᬲ᭄ᬤᬤᬶᬓᬮᬸᬫ᭄ᬩ᭄ᬭᬄ᭞ᬓᬳᬫ᭄ᬧᭂᬦ᭄‌ᬳᭀᬃᬢᬦᬾᬓᬳᬢᬸᬃᬮᬚᬸ᭞
ᬭᬶᬂᬧᬮᬶᬗ᭄ᬕᬶᬄᬰ᭄ᬭᬶᬧᬤᬸᬓ᭞ᬢ᭄ᬯᬦ᭄ᬋᬲᬶᬤᬾᬦ᭄ᬗᬸᬢᬸᬲ᭄ᬭᬭᬶᬲ᭄᭟ᬢ᭄ᬯᬦ᭄‌ᬓᭀᬦ᭄ᬢᭂᬮᬶᬃᬓᬧᬃᬘ᭄ᬙᬬ᭞ᬲᬫ᭄ᬧᬸᬦ᭄ᬩ᭄ᬬᬲᬭᬯᬸᬄᬓᬲᬲᬓ᭄ᬗᬸᬦᬶ᭞ᬫᬳᬯᬦᬦ᭄ᬓᬸᬤᬮᬚᬸ᭞ᬧᬫᬃᬕ᭄ᬕᬶᬦᬾᬓᬘᬓ᭄ᬭ᭞ᬧᬘ
[ ᭔᭐ 40A]
ᬫ᭄ᬭᬾᬓ᭄ᬱᬮᬬᭀᬦ᭄ᬳᬶᬤᬳᬦᬓ᭄ᬳᬕᬸᬂ᭞ᬰᬸᬭᬳᬫ᭄ᬮᬲᬶᬲᬶᬧ᭄ᬕᬫ᭄ᬬ᭞ᬢᬦ᭄ᬘᬭᬶᬢᬦᬾᬭᬶᬂᬫᬃᬕ᭄ᬕᬶ᭟ᬕ᭄ᬮᬶᬲ᭄ᬭᬳᬸᬳᬾ ᬭᬶᬂᬘᬓ᭄ᬭ᭞ᬢᬸᬃᬓᬧᭂᬦ᭄ᬤᬓ᭄ᬮᬬᭀᬦᬾᬩᬳᬸᬫᬶᬚᬶᬮ᭄ᬭᬶᬂᬧᬫ᭄ᬧᬢᬦ᭄ᬫᬃᬕ᭄ᬕᬶᬳᬕᬸᬂ᭞ᬳᬶᬭᬶᬓᬓᬧᬭᬶ
ᬓ᭄ᬱ᭞ᬲᬫ᭄ᬧᬸᬦ᭄ᬲᬶᬦᬄᬳᬶᬢ᭄ᬯᬦ᭄‌ᬓᭀᬦ᭄ᬢᭂᬮᬶᬫᬶᬢᬸᬳᬸ᭞ᬳᬦᬓ᭄ᬳᬕᬸᬂᬫᬥᬾᬓᬭᬂ᭞ᬭᬸᬲᬓᬾᬫᬯᬦᬦ᭄‌ᬓ᭄ᬭᬶᬲ᭄᭟ᬮᬬᭀᬦᬾᬭᬭᬶᬲ᭄ᬓᬋᬫ᭄ᬩᬢ᭄᭞ᬓᬲᬕᬭᬓᬩᬸᬯᬂᬫᬓᬓᬮᬶᬄ᭞ᬳᬦᬓ᭄ᬳᬕᬸᬂᬳᬶ
ᬲ᭄ᬢ᭄ᬭᬶᬓᬓᬸᬂ᭞ᬫᬲᬶᬄᬢᬸᬢᬸᬕᬂᬳᬸᬘᬧ᭄᭞ᬤᬶᬚ᭄ᬭᭀᬳᬕᬸᬂᬢᬗᬶᬲᬾᬫᬯᬲ᭄ᬢᬦ᭄ᬯᬦ᭄ᬢᬸᬦ᭄᭞ᬓᬤᬶᬳᭀᬫ᭄ᬩᬓ᭄ᬫᬢᬶᬫ᭄ᬩᬮᬦ᭄᭞ᬢᬦ᭄ᬲᭀᬯᬂᬧᬭᬦᬶᬂᬯᬶᬲ᭄ᬢᬶ᭞ᬳᬫ᭄ᬩᭂᬓ᭄ᬚᬦᬓᬢᬦ᭄ᬤ᭄ᬭᬸᬳᬦ᭄᭞ᬭᬸᬧᬓᬤᬶᬓ
ᬳᬸᬭᬸᬕᬦ᭄ᬩᬦ᭄ᬮᬗᬶᬢ᭄᭞ᬧᬭᬫ᭄ᬩ᭄ᬭᬫᬲᬓ᭄ᬱᬢ᭄ᬭᬯᬸᬄ᭞ᬫᬢᬶᬦ᭄ᬤᬶᬄᬢᬶᬦ᭄ᬤᬶᬄᬢ᭄ᬓ᭞ᬓᬓᭀᬩᭂᬢᬦ᭄‌ᬲᬦᬕᬭᬲᬫ᭄ᬧᬸᬦ᭄‌ᬮᬸᬬᬸ᭞ᬢᬶᬕᬂᬢᬶᬩᬦ᭄ᬢᬦ᭄ᬭᬾᬭᬾᬦᬦ᭄᭞ᬧᬬᬸᬤᬦᬾᬫᬋᬧ᭄ᬓᬗᬶᬦ᭄᭟