[ ᭓᭘ 38B]
᭓᭘᭞
᭞ᬲᬯᬢ᭄ᬭᬲᬫᬶᬯᬶᬓᬦ᭄᭞ᬳᬦᬓ᭄ᬳᬕᬸᬂᬗᬸᬭᬄᬫᬯᬘᬦᬳᬭᬸᬫ᭄᭞ᬧᬘᬂᬢ᭄ᬤᬸᬦ᭄ᬓᬦᬕᬭ᭞ᬩᬾᬜ᭄ᬚᬂᬯᬳᬸᬳᭂᬦ᭄ᬤᬕ᭄ᬳᬳᬶ᭟ᬳᬸᬦ᭄ᬢᬢ᭄ᬫ᭄ᬮᬫᬗᬶᬭᬶᬗᬂ᭞ᬲᬦᬾᬓᬭᬶᬳᬶᬭᬶᬓᬜᬾᬦ᭄ᬧᬢᬶ᭞ᬓ᭄ᬱ
ᬢ᭄ᬭ᭄ᬬᬯᬶᬬᭀᬲᬶᬂᬭᬢᬸ᭞ᬓᬧᬃᬘ᭄ᬙᬬᬢᬸᬃᬫᬸᬮ᭞ᬫᬗ᭄ᬕᬫ᭄ᬮᬂᬤᬾᬰᬓᬸᬢᬭᬚᬲᬫ᭄ᬧᬸᬦ᭄᭞ᬧᬸᬧᬸᬢ᭄ᬦᬫ᭄ᬧᬶᬧᬯᬘᬦᬦ᭄᭞ᬳᬶᬤᬳᬦᬓ᭄ᬳᬕᬸᬂᬮᬶᬗ᭄ᬲᬶᬃ᭟ᬩᬾᬜ᭄ᬚᬂᬩᬳᬸᬢᬢᬲᬼᬫᬄ᭞ᬩᬢᬸᬩᬢᬧᬋᬓ
ᬦ᭄ᬦᬧᬓ᭄ᬱᬫᬶ᭞ᬳᬦᬓ᭄ᬳᬕᬸᬂᬓᬮᬶᬄᬲᬫ᭄ᬧᬸᬦ᭄᭞ᬲᬫᬶᬫᬸᬗ᭄ᬕᬄᬭᬶᬂᬤᬫ᭄ᬧ᭞ᬢᬦ᭄ᬘᬭᬶᬢᬦ᭄ᬤᬶᬫᬃᬕ᭄ᬕᬶᬭᬳᬸᬳᬾᬗ᭄ᬭᬦ᭄ᬢᬦ᭄᭞ᬭᬶᬂᬦᬕᬭᬓᭀᬢᬘᬓ᭄ᬭ᭞ᬫᬗ᭄ᬭᬭᬶᬲ᭄ᬗ᭄ᬭᬜ᭄ᬚᬶᬂᬓᬧᬸᬭᬶ᭟ᬢᬦ᭄ᬧᬗᬦ᭄ᬢᬶᬤᬶ
ᬦᬮ᭄ᬬᬦ᭄᭞ᬳᬦᬓ᭄ᬳᬕᬸᬂᬗᬸᬭᬄᬗᬸᬢᬸᬲᬂᬕ᭄ᬮᬶᬲ᭄᭞ᬫᬳᬯᬦᬦ᭄ᬓᬸᬤᬮᬚᬸ᭞ᬫᬗᭂᬲᬾᬗᬶᬦ᭄ᬳᬶᬳᬦᬓ᭄᭞ᬲᬦᬾᬲᬓᬶᬂᬩᬮᬶᬦᬾᬫᬗ᭄ᬓᬶᬦ᭄ᬫᬮᬸᬗ᭄ᬕᬸᬄ᭞ᬭᬶᬂᬓᬢᬭᬮᭀᬤ᭄ᬧᬭᬬ᭞ᬳᬶᬭᬶᬓᬕ᭄ᬦᬄᬗᬸᬓᬸᬳᬶᬦ᭄
[ ᭓᭙ 39A]
᭟ᬳᬸᬢᬸᬲᬦ᭄ᬲᬫ᭄ᬧᬸᬦ᭄ᬫᬫᬃᬕ᭄ᬕ᭞ᬢᬦ᭄ᬳᬸᬘᬧᬦ᭄ᬍᬫᬍᬫᬳᬾᬭᬭᬶᬲ᭄᭞ᬘᬭᬶᬢᬦᬾᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬯᬶᬃᬬ᭄ᬬᬚᬮᬚᬦᬧᬓ᭄᭞ᬭᬶᬂᬭᬶᬸᬦᬕᬭᬓᭀᬢᬘᬓ᭄ᬭᬓᬮᬶᬄᬲᬫ᭄ᬧᬸᬦ᭄
᭞ᬳᬶᬳᬚᬶᬧᬸᬧᬸᬢ᭄ᬯᬘᬦ᭞ᬫᬶᬢ᭄ᬮᬲ᭄ᬭᬯᭀᬲᬾᬲᬫᬶ᭞ᬭᬶᬂᬧᬮᬶᬗ᭄ᬕᬶᬄᬳᬶᬤᬳᬶᬳᬦᬓ᭄᭞ᬳᬦᬓ᭄ᬳᬕᬸᬂᬕ᭄ᬥᬾᬚ᭄ᬮᬦ᭄ᬢᬶᬓ᭄ᬓᭂᬦᬶ᭞ᬳᬶᬳᬭᬶᬓᬮᬶᬄᬲᬢᬸᬭᬸᬢ᭄᭞ᬳᬸᬦ᭄ᬢᬢ᭄ᬳᬫ᭄ᬮᬦᬦᬶᬸᬕᬭ᭞ᬰᬸᬭᬳ
ᬫ᭄ᬮᬫᬶᬯᬄᬩᬳᬸᬤᬦ᭄ᬤᬧᬸᬧᬸᬢ᭄᭞ᬢᬦ᭄ᬧᬶᬯᬮ᭄ᬗᬶᬭᬶᬂᬯᬘᬦᬦ᭄᭞ᬳᬶᬤᬳᬦᬓ᭄ᬳᬕᬸᬂᬮᬶᬗ᭄ᬲᬶᬃ᭟ᬢᬸᬃᬓᬤᬯᬸᬄᬭᬦᬕᬭ᭞ᬳᬦᬓ᭄ᬳᬕᬸᬂᬕ᭄ᬥᬾᬚ᭄ᬮᬦ᭄ᬢᬶᬓ᭄ᬫᬗ᭄ᬓᬶᬦ᭄᭞ᬭᬶᬂᬲᬲᬓ᭄ᬫᬓᬧᬦᬸᬭᬸᬢ᭄
᭞ᬭᬶᬂᬩᬯᬄᬓᬭᬚᬳᬦ᭄᭞ᬫᬓᬤᬶᬜᬗᬋᬧᬶᬦ᭄ᬭᬯᭀᬲᬾᬓᬳᬸᬄ᭞ᬭᬶᬂᬓᬸᬫ᭄ᬧᭂᬦᬶᬭᬚᭀᬢᬫ᭞ᬳᬤ᭄ᬬᬧᬶᬦ᭄ᬫᬫᬗ᭄ᬕᬶᬄᬯᬶᬲ᭄ᬢᬶ᭟ᬕᬕᬗ᭄ᬲᬭᬦ᭄ᬩᬦ᭄ᬜᬢ᭄ᬯᬬᬂ᭞ᬩᬸᬓᬤᬤ
Kaca:Bali-lontar-gaguritan-rusak-sasak-02-300ppi.pdf/39
Kaca puniki sampun kauji-wacén
