[ ᭓᭕ 35B]
᭓᭕᭞
ᬫᬶᬩ᭄ᬘᬶᬓ᭄ᬩᭂᬘᬶᬓ᭄᭞ᬳᬓᬸᬤᬂᬓᬧᬮ᭄᭞ᬲᬸᬭᬤᬤᬸᬫᬗᬶᬭᬶᬂ᭟ᬧᬸᬧᬸᬢ᭄ᬲᬺᬕᭂᬧ᭄ᬲᬧᬓᬓᬲ᭄ᬭᬶᬂᬧᬧ᭄ᬭᬗᬦ᭄᭞ᬮᬾᬢ᭄ᬦᬦ᭄ᬳᬸᬩ᭄ᬭᬸᬲ᭄ᬗᬾᬦ᭄ᬢᭂᬭᬶᬦ᭄᭞ᬓᬧ᭄ᬢᬾᬦ᭄ᬢᬸᬫᭂᬦ᭄ᬤᬦ᭄᭞ᬫᬧᭀᬳᭀᬲ᭄ᬧᭀᬳᭀ
ᬲᬧᬓ᭄᭞ᬢ᭄ᬤᬸᬦ᭄ᬭᬶᬂᬳᬫ᭄ᬧᭂᬦᬦ᭄ᬢᬶᬢᬶᬄ᭞ᬯ᭄ᬬᬓ᭄ᬢᬶᬲᬯᬗᬂ᭞ᬓᬤᬶᬳᬮᬸᬦ᭄ᬗᬺᬲᬺᬲᬶᬦ᭄᭟ᬧᬗᬭᬯᬸᬳᬾᬫᬶᬲᬤ᭄ᬬᬧᬘᬂᬜᬧ᭄ᬲᬧᬂ᭞ᬬᬸᬤᬦᬾᬫᬋᬧ᭄ᬓᬗᬶᬦ᭄᭞ᬫᬓᬤᬶᬬᬦ᭄ᬢᬸᬮᬓ᭄᭞ᬳᬶᬤᬗᬶᬦ᭄ᬚᬭᬶᬂᬩᬾᬩ
ᬲ᭄᭞ᬰ᭄ᬭᬶᬧᬤᬸᬓᬫᬗᬦ᭄ᬢᬶᬗᬶᬦ᭄᭞ᬦᬓ᭄ᬳᬕᬸᬂᬗᬸᬭᬄ᭞ᬗᬺᬚᭂᬓ᭄ᬳᬶᬤᬗᬶᬦ᭄ᬚᬸᬭᬶᬂ᭟ᬫᬳᬯᬶᬦᬦ᭄ᬳᬶᬧᬫ᭄ᬩᭂᬓᭂᬮ᭄ᬭᬶᬂᬳᬫ᭄ᬧᭂᬦᬦ᭄᭞ᬳᬶᬳᬲᬃᬳᬶᬤᬸᬮᬢᬶᬧ᭄᭞ᬢᬶᬕᬳᬶᬦᬺᬢᬦᬄ᭞ᬲᬫ᭄ᬧᬸᬦ᭄ᬧᬸᬧᬸᬢ᭄ᬜᬫ᭄ᬩ᭄ᬭᬫ᭞ᬰ᭄ᬭᬶ
ᬧᬤᬸᬓᬋᬲᬶᬤᬾᬦ᭄ᬓᬮᬶᬄ᭞ᬳᬶᬢ᭄ᬯᬦ᭄ᬚᬺᬦ᭄ᬤ᭄ᬭᬮ᭄᭞ᬓᬤᬶᬲᭀᬮᬳᬾᬳᬗᬸᬦᬶ᭟ᬰ᭄ᬭᬶᬧᬤᬸᬓᬢ᭄ᬯᬦ᭄ᬋᬲᬶᬤᬾᬦ᭄ᬫᬫᬸᬧᬸᬢᬂ᭞ᬧᬶᬢ᭄ᬓᬲ᭄ᬫᬗ᭄ᬤᬕ᭄ᬮᬶᬲ᭄᭞ᬳᬦ᭄ᬳᬕᬸᬂᬗᬸᬭᬄ᭞ᬫᬢ᭄ᬫᬸᬫᬫᬸᬧᬸᬢᬂ᭞ᬭᬯᭀᬲᬾᬓᬮᬶᬦ᭄ᬢᬂ
[ ᭓᭖ 36A]
ᬩ᭄ᬘᬶᬓ᭄᭞ᬧᬫ᭄ᬩᭂᬓᭂᬮ᭄ᬢᬶᬕ᭞ᬲᬓᬶᬂᬳᬭᬶᬲ᭄ᬫᬦᬫ᭄ᬧᬶ᭟ᬕ᭄ᬮᬶᬲ᭄ᬢᬸᬮᬓ᭄ᬫᬗᬢᬸᬭᬂᬓᬦᬕᬭ᭞ᬢᬦ᭄ᬲᬾᬬᭀᬲ᭄ᬦᬾ ᬓᬢᬗ᭄ᬓᬶᬮ᭄᭞ᬳᬶᬤᬦᬾ ᬫᬧᬭᬩ᭄᭞ᬳᬦᬓ᭄ᬤᬰᬸᬭᬳᬫ᭄ᬮ᭞ᬧᬸᬭᬓᬧᬶᬤᬃᬣᬲᬫᬶ᭞ᬭᬯᭀᬲ᭄ᬳᬶᬢ᭄ᬯᬦ᭄
᭞ᬭᬯᬸᬳᬾᬲᬓᬶᬂᬭᬤᭂᬦ᭄᭟ᬦᬗ᭄ᬳᬶᬂᬳᬶᬤᬰᬸᬭᬳᬫ᭄ᬮᬫᬫᬶᬦᭂᬳᬂ᭞ᬢᭀᬤᬸᬕᬧᬘᬂᬭᬤᬶᬦ᭄᭞ᬭᬯᬸᬳᬾᬳᬶᬢ᭄ᬯᬦ᭄᭞ᬤᬾᬦᬶᬂᬦᬾᬲᬫ᭄ᬧᬸᬦ᭄ᬮᬶᬦ᭄ᬢᬂ᭞ᬢ᭄ᬯᬭᬢᬳᬾᬦ᭄ᬓᬤᬕᬶᬗᬶᬦ᭄ᬭᬯᭀᬲ᭄ᬲᬂᬓ᭄ᬯᬲ᭞ᬫᬭᬾ
ᬦ᭄ᬢᬄᬭᬶᬂᬩᬢᬯᬶ᭟ᬗᬫᬃᬕ᭄ᬕ᭄ᬬᬂᬲᬶᬧᬢ᭄ᬩᭂᬦᭂᬃᬫᬦᬧᬓᬂ᭞ᬤᬕᬶᬂᬓᭀᬦ᭄ᬢ᭄ᬭᬓᬾᬲᬫᬶ᭞ᬗᬦᬸᬢᬂᬧᬲ᭄ᬬᬦ᭄᭞ᬦᬓ᭄ᬳᬕᬸᬂᬫᬥᬾᬳᬶᬤ᭞ᬳᬓᬾᬄᬓᬳᬗ᭄ᬕᬾᬜᬗ᭄ᬓᬶᬢᬶᬦ᭄᭞ᬭᬯᭀᬲ᭄ᬭᬶᬂᬓᭀᬦ᭄ᬢ᭄ᬭᬓ᭄᭞ᬫᬗ᭄ᬤᬾ
ᬓᬦ᭄ᬢᭂᬦ᭄ᬫᬦ᭄ᬤᬶᬭᬶᬭᬶᬸ᭟ᬓᬭᬚᬳᬦᬾᬭᬶᬂᬲᬲᬓ᭄ᬳᭂᬦ᭄ᬢᭀᬓ᭄ᬭᬡ᭞ᬲᬦ᭄ᬤᬾᬳᬢᬦ᭄ᬲᬶᬦᬶᬧᬶ᭞ᬧᬓᬬᬸᬦ᭄ᬳᬶᬤ᭞ᬦᬓ᭄ᬳᬕᬸᬂᬫᬥᬾᬓᬭᬂ᭞ᬫ᭄ᬩᬯᭀᬲᬂᬭᬕᬦᬾᬭᬶᬫ᭄ᬩᬶᬢ᭄᭞ᬦᬧᬶᬧ᭄ᬯᬭᬜ᭞ᬧᬸᬗ᭄ᬓᬸᬧᬘᬂᬢ
Kaca:Bali-lontar-gaguritan-rusak-sasak-02-300ppi.pdf/36
Kaca puniki sampun kauji-wacén
