[ ᭓᭑ 31B]
᭓᭑᭞
ᬲᬾᬭᬤᬶᬦ᭄᭞ᬫᬗ᭄ᬓᬶᬦ᭄ᬫᬮᬶᬄᬳᬸᬘᬧ᭄᭞ᬤᬾᬰᬧᬸᬚᬸᬢ᭄ᬫᬗ᭄ᬭᬲ᭞ᬩᬲᬓᬤᬸᬳᬸᬂᬜᬋᬗᬶᬦ᭄᭞ᬳᬶᬩᬗ᭄ᬓᭀᬮ᭄ᬧ᭄ᬭᬬ᭞ᬭᬭᬶᬲ᭄ᬲᬲᭂᬧᬾᬦ᭄ᬕᭂᬮᬶᬲ᭄᭟ᬧᬮᬜᬧ᭄ᬤᭂᬓ᭄ᬭᬶᬂᬧᬮᬶᬗ᭄ᬕᬶᬄᬳᬶᬤ᭞ᬳᬦᬓᬾᬳᬕᬸᬂᬮᬶᬗ᭄ᬲᬶᬃ
᭞ᬦᬸᬦᬲ᭄ᬕᭂᬂᬳᬫ᭄ᬧᬸᬭ᭞ᬧᬶᬂᬓᬮᬶᬄᬫᬗ᭄ᬤᬯᭂᬕᬂ᭞ᬫᬗ᭄ᬤᬯᬾᬦ᭄ᬢᭂᬦ᭄ᬗᬮᬶᬗ᭄ᬕᬦᬶᬦ᭄᭞ᬭᬶᬂᬧᬸᬚᬸᬢ᭄ᬤᬾᬰ᭞ᬧᬸᬧᬸᬢ᭄ᬩᬩᬯᭀᬲ᭄ᬩᭂᬘᬶᬓ᭄᭟ᬳᬦᬓ᭄ᬳᬕᬸᬓ᭄ᬢᬸᬢ᭄ᬓᬭᬗ᭄ᬳᬲᭂᬫ᭄ᬳᬶᬤ᭞ᬳᬶᬭᬶᬓᬫᬶᬓᬸᬓᬸᬳᬶᬦ᭄᭞ᬲᬲᬜ᭄ᬚᬢ
ᬩᬾᬩᬲ᭄᭞ᬳᬶᬧᬸᬚᬸᬢ᭄ᬦᬕᬫᭂᬮᬂ᭞ᬬᬦ᭄ᬳᬓᬸᬤᬂᬤᬶᬦᬕ᭄ᬮᬶᬲ᭄᭞ᬳᬶᬭᬶᬓᬳᬶᬤ᭞ᬳᬸᬭᬸᬚᬸᬳᬫ᭄ᬮᬧᬸᬭᬶ᭟ᬫᬗᬯᭀᬦᬂᬤᬾᬰᬫᬭᭀᬂᬳᬦᬮᬶᬓᬦ᭄᭞ᬫᬗ᭄ᬓᬶᬦ᭄ᬳᬸᬘᬘᬧᬂᬫᬮᬶᬄ᭞ᬳᬦ᭄ᬳᬕᬸᬂᬗᬸᬭᬄ᭞ᬧᬸᬧᬸᬢ᭄ᬩᬩᬯᭀᬲ᭄ᬳᬶᬤ
᭞ᬭᬶᬂᬳᬦᬓ᭄ᬤᬲᬓᬶᬂᬩᬮᬶ᭞ᬜᬳᬢᬂᬗ᭄ᬭᬶᬲ᭄ᬢ᭞ᬳᬶᬧᬬᬲᬢ᭄ᬭᬸᬫᬯᬶᬢ᭄᭟ᬩᬳᬓ᭄ᬓᬗᬶᬦ᭄ᬓᬸᬮ᭄ᬓᬸᬮ᭄ᬢᬫ᭄ᬩᬸᬭᬾᬫᬢᬶᬫ᭄ᬩᬮ᭄᭞ᬭᬶᬂᬩᬢᬸᬚᬳᬶᬓᬮᬶᬄᬲᬸᬓᬭᬭᬤᬾᬰ᭞ᬧᬫᬢᬶᬂᬲᬫᬶᬩᬸᬗᬄ᭞ᬦᬾᬤᬶᬲᬸᬓᬭᬭᬩ᭄ᬘᬶ
[ ᭓᭒ 32A]
ᬓ᭄᭞ᬲᭀᬮᬄᬫᬗᬫ᭄ᬩ᭄ᬬᬃ᭞ᬫᬳᬶᬭᬶᬩ᭄ᬕᬸᬦᬸᬂᬲᬭᬶ᭟ᬲᬶᬓᭂᬧ᭄ᬢᬸᬫ᭄ᬩᬓ᭄ᬫᬲᭀᬭᭀᬄᬲᭀᬭᭀᬳᬦ᭄ᬗ᭄ᬭᬜᬧ᭄᭞ᬳᬤᬫᬳᭀᬜ᭄ᬘᭀᬃᬧᬸᬢᬶᬄ᭞ᬳᬤᬫᭀᬜ᭄ᬘᭀᬃᬩᬭᬓ᭄᭞ᬳᬤᬫᬳᭀᬜ᭄ᬘᭀᬃᬚ᭄ᬜᬃ᭞ᬲᬜ᭄ᬚᬢᬤᬍ
ᬫ᭄ᬫᬓᬤᬶ᭞ᬫᬸᬭᬸᬩ᭄ᬫᬧ᭄ᬭᬤ᭞ᬕᬭᬶᬢ᭄ᬫᬘᬦ᭄ᬭᬲ᭄ᬧᬢᬶ᭟ᬫᬸᬲᬸᬲ᭄ᬫᬲ᭄ᬫᬓᬮᬸᬃᬫᬳᭀᬜ᭄ᬘᭀᬃᬗ᭄ᬭᬜᬄ᭞ᬳᬶᬓᬸᬄᬫ᭄ᬭᬓᬾᬧᬓ᭄ᬭᬶᬦᬶᬂ᭞ᬲᭀᬲᭀᬄᬦᬾᬓᬳᬸᬘᬧ᭄᭞ᬩᬩᬭᬸᬓᬫᬸᬮᬾᬬᬂ᭞ᬓᬲᬸᬩ᭄ᬕᬸᬦᬧᬗᬦ᭄ᬫᬦ᭄ᬤᬶ᭞ᬦᬾ
ᬫᬜᬶᬓ᭄ᬧᬂ᭞ᬲᭀᬲᭀᬭᬳᬦ᭄ᬢᭂᬕᬸᬄᬓᬮᬶᬲ᭄᭟ᬳᬦᬓ᭄ᬳᬕᬸᬂᬓᬮᬶᬄᬲᬫ᭄ᬧᬸᬦ᭄ᬲᬫᬶᬓᭀᬤᬮ᭄᭞ᬫᬫᬃᬕ᭄ᬕᬶᬧᬤᬕ᭄ᬮᬶᬲ᭄᭞ᬭᬯᬸᬄᬭᬶᬂᬧᬭᬬ᭞ᬫᬸᬲᬸᬳᬾᬤᬶᬢᬸᬫᭂᬦ᭄ᬤᬓ᭄᭞ᬳᬚᬳᬦ᭄ᬫᬓᬶᬍᬲ᭄ᬭᬭᬶᬲ᭄᭞ᬳᬶᬲᬢ᭄ᬭᬸ
ᬧ᭄ᬭᬬ᭞ᬚ᭄ᬭᭀᬦᬶᬂᬓᬸᬢᬦᬗ᭄ᬕᬮᬶᬦ᭄᭟ᬗᬸᬫᬦ᭄ᬤᭂᬮᬂᬕ᭄ᬮᬃᬓᬸᬓᬸᬄᬫᬫᬩᬮ᭄ᬳᬫ᭄ᬩᬮ᭄᭞ᬳᬦᬓᬾᬳᬕᬸᬂᬓᬮᬶᬄ᭞ᬗᬸᬢᬸᬲ᭄ᬫᬗᬸᬮᬳᬂ᭞ᬲᬶᬓᭂᬧ᭄ᬲᬓᬶᬂᬦᬕᬭ᭞ᬢ᭄ᬯᬭᬧ᭄ᬕᬢ᭄ᬧ᭄ᬕᬢ᭄ᬫ᭄ᬩᭂᬤᬶᬮ᭄᭞ᬫ᭄ᬦᬾᬓᭂᬦ᭄ᬕᭂᬮᬃ᭞ᬢ᭄ᬯᬭᬗᭂᬢᬸᬃ
Kaca:Bali-lontar-gaguritan-rusak-sasak-02-300ppi.pdf/32
Kaca puniki sampun kauji-wacén
