[ ᭒᭔ 24B]
᭒᭔᭞
ᬧᬲᬶᬄ᭞ᬫᬶᬯᬄᬳᬸᬦ᭄ᬢᬢ᭄ᬲ᭄ᬯᬾᬘ᭞ᬭ᭄ᬯᬲᬦᬓ᭄ᬧᬤᬯᬶᬭ᭞ᬲᬸᬭᬢ᭄ᬯᬭᬧᬧᬓᬾᬭᬶᬂ᭞ᬍᬯᬶᬄᬮᬕᬯ᭞ᬮᭀᬕᬲ᭄ᬗᬋᬧᬶᬦ᭄ᬚᬸᬭᬶᬢ᭄᭟ᬲᬓᬶᬂᬕ᭄ᬮᬶᬲ᭄ᬚᬦᬶᬩᬳᬦ᭄ᬜᬭᬶᬢᬬᬂ᭞ᬧᬫᬃᬕ᭄ᬕᬶᬦ᭄ᬳᬶᬤᬓᬮᬶᬄ᭞
ᬫᬗ᭄ᬕᬶᬄᬭᬶᬂᬫᬃᬕ᭄ᬕ᭞ᬭᬤᬯᬸᬄᬤᬾᬰᬧ᭄ᬭᬾᬲ᭞ᬫᬦᬫ᭄ᬧᭂᬓᬶᬦ᭄ᬓᬸᬢᬕ᭄ᬮᬶᬲ᭄᭞ᬗᬗ᭄ᬓᬩᬂᬲᬸᬭᬓ᭄᭞ᬫ᭄ᬩᭂᬤᬶᬮ᭄ᬓᬩ᭄ᬤᬶᬮ᭄ᬢᬶᬢᬶᬃ᭟ᬤᬤᬶᬗ᭄ᬕᭂᬮᬄᬲᬶᬓᭂᬧᬾᬲᬓᬶᬂᬦᬕᬭ᭞ᬓᬸᬘᬶᬧᬓᬳᬩᬦᬶᬦ᭄᭞ᬦᬾᬤᬶᬤᬯᬸᬄᬢᬸᬓ
ᬤ᭄᭞ᬗ᭄ᬕᬮ᭄ᬕᬮ᭄ᬧᬶᬲᬦ᭄ᬗ᭄ᬕᬋᬕᬄ᭞ᬩᬾᬘᬓ᭄ᬫᬢᬢᬸᬮᬾᬦ᭄ᬫᬫᬢᬶ᭞ᬳᬧᬦ᭄ᬓᬸᬢᬜ᭞ᬳᬶᬧ᭄ᬭᬾᬲᬤᬶᬢᬸᬭᬶᬫ᭄ᬩᬶᬢ᭄᭟ᬦᬗ᭄ᬳᬶᬂᬲᬸᬩᬳᬤᬧᬦᬗ᭄ᬕ᭄ᬭᬳᬦ᭄ᬳᬶᬤ᭞ᬳᬦᬓᬾᬳᬕᬸᬂᬓᬮᬶᬄ᭞ᬓᬫ᭄ᬧᬶᬤᬾᬤᬶᬓᬶᬯ᭞
ᬗᬸᬮᬄᬢ᭄ᬯᬭᬓᬶᬍᬲᬦ᭄᭞ᬲᬓᬶᬂᬓᬮᬾᬃᬫᬦ᭄ᬤᭂᬲᭂᬓᬶᬦ᭄᭞ᬲᬲᭂᬧᭂᬦ᭄ᬦᬺᬚᬓ᭄᭞ᬫᬗᬺᬕᬄᬓᬸᬢᬭᬤᬶᬦ᭄᭟ᬤᬾᬦᬶᬂᬤᬶᬢᬸᬓᬳᬫ᭄ᬧᭂᬳᬂᬩᬦ᭄ᬳᬶᬧ᭄ᬭᬾᬲ᭞ᬓᬾᬯᬮᬳᬤᬕᬶᬲᬶ᭞ᬤᬤᬶᬫᬩ᭄ᬬᬬᬸᬳ
[᭒᭕ 25A]
ᬦ᭄᭞ᬓᬲᬾᬫ᭄ᬗᭂᬤᭂᬗᬂᬭᭀᬯᬂ᭞ᬫᬢᬶᬓᬩ᭄ᬤᬶᬮᬶᬦ᭄ᬲᬫᬶ᭞ᬳᬢᬸᬢ᭄ᬫᬩᬳᬦ᭄᭞ᬫ᭄ᬮᬳᬶᬩ᭄ᬲᬶᬓᬶᬓᬮᬶᬄ᭟ᬤᬤᬶᬕᬾᬯᬃᬲᬶᬓᭂᬧ᭄ᬜᬦᬾᬤᬾᬤᬶᬢ᭄ᬗᬄ᭞ᬩᬸᬓᬧᭂᬓᭂᬦᬾᬳᬸᬦ᭄ᬢᬶᬢ᭄᭞ᬧᬓ᭄ᬱᬫᬗᬸᬮᬳᬂ᭞ᬳ
ᬲᬶᬂᬦᭀᬜ᭄ᬚᭀᬓ᭄ᬫᬜ᭄ᬚᭂᬫ᭄ᬧᬂ᭞ᬤᬾᬦᬶᬂᬓᬕ᭄ᬮᬭᬦ᭄ᬓᬶᬗᬶᬦ᭄᭞ᬫᬮᬶᬄᬧᬸᬦᬶᬓ᭞ᬲᬶᬓᭂᬧ᭄ᬲᬓᬶᬂᬦᬕᬭᬶ᭞ᬲᬓᬶᬂᬢ᭄ᬗᭂᬦ᭄ᬗᬸᬮᬄᬲᬳᬲᬦᬺᬚᬓ᭄᭞ᬕ᭄ᬮᬭᬶᬧᬸᬦ᭄ᬭᬶᬂᬳᬶᬢᬶᬂ᭞ᬢᬸᬓᬤ᭄ᬫᬲᬶᬄᬲᭂᬗ᭄ᬓ᭞ᬭᬶᬂᬩᭀᬗ᭄ᬓᭀ
ᬮ᭄ᬕᬸᬦᬸᬂᬲᬲᬓ᭄᭞ᬢᬍᬃᬧᬲᬓᬶᬦᬶᬸᬢᬂᬓᬶᬗᬶᬦ᭄᭞ᬫᬗ᭄ᬮᬶᬦ᭄ᬢᬂᬢᬸᬤᬶᬸᬓᬤ᭄᭞ᬳᬶᬧ᭄ᬭᬾᬲᬫᬦᬗ᭄ᬕᬮᬶᬦ᭄᭟ᬦᬗ᭄ᬳᬶᬂᬓᬶᬤᬶᬓ᭄ᬭᭀᬯᬗᬶᬧᬸᬦ᭄ᬲᬫ᭄ᬧᬸᬦ᭄ᬧᬲ᭄ᬧᬲ᭄᭞ᬫᬢᬸᬫ᭄ᬩᬓ᭄ᬧᬤᬩᬦᬶ᭞ᬫ᭄ᬩᭂᬤᬶᬮ᭄ᬓᬩ᭄ᬤᬶᬮᬶᬦ᭄
᭞ᬳᬚᬳᬦ᭄ᬭᬭᬶᬲ᭄ᬩᬸᬦ᭄ᬢᬲ᭄᭞ᬲᬓᬓᬭᬾᬦ᭄ᬩᬦᬶᬫᬢᬶ᭞ᬲᬶᬓᭂᬧ᭄ᬦᬕᬭ᭞ᬗᭂᬢᬸᬢ᭄ᬩᬸᬭᬶᬫ᭄ᬩᭂᬤᬶᬮᬶᬦ᭄᭟ᬤᬤᬶᬲᬓᬸᬧ᭄ᬢ᭄ᬓᬾᬦ᭄ᬓᬫ᭄ᬧᬶᬤᬾᬤᬶᬓᬶᬯ᭞ᬤᬶᬧᬲᬭᬾᬓᬕᬶᬲᬶ᭞ᬤᬾᬦᬶᬂᬲᬸᬩᬩᬸᬦ᭄ᬢ
Kaca:Bali-lontar-gaguritan-rusak-sasak-02-300ppi.pdf/25
Kaca puniki sampun kauji-wacén
