[ ᭒᭓ 23B]
᭒᭓᭞
ᬯᬓ᭄ᬫᬢᬶ᭟ᬤᬾᬦᬶᬂᬳ᭄ᬬᬫᬯᬶᬱᬾᬰ᭞ᬓᭀᬘᬧ᭄ᬩᬶᬲᬫᬶᬳ᭄ᬫᬲᭀᬮᬄᬫᬢᬶ᭞ᬫ᭄ᬤᭂᬫ᭄ᬳᬗᬦ᭄ᬫᬓᬢ᭄ᬮᬸᬦ᭄᭞ᬢ᭄ᬯᬄᬳᭂᬦ᭄ᬢᭀᬓᬓᭂᬦ᭄ᬤᭂᬮᬂ᭞ᬩᬦ᭄ᬯᬂᬲᬓ᭄ᬭᬓ᭄ᬭᬡᬢᭀᬦ᭄ᬤᬾᬦ᭄ᬧᬢᬶᬮᬸ᭞ᬓᬓᬸᬩᬸᬃᬧᬘᬂᬦᬦᭂᬫᬃ᭞ᬓ
ᬢ᭄ᬳᭂᬭᬢᬶᬕᬂᬯ᭄ᬗᬶ᭟ᬩᬗ᭄ᬓᬾᬦᬾᬓᬕ᭄ᬩᬕ᭄ᬜᬩ᭄ᬭᬦ᭄᭞ᬓᬤᬶᬲᭀᬮᬄᬧᬫᭂᬤᭂᬫ᭄ᬜᬦᬾᬭᬶᬳᬶᬦ᭄᭞ᬩᬳᬸᬢᬶᬕᬂᬤᬶᬦᬤᬶᬢᬸ᭞ᬩᬗ᭄ᬓᬾᬦᬾᬓᬧ᭄ᬤᬲᬂ᭞ᬫᬫ᭄ᬩᭂᬲᭂᬳᬶᬦ᭄ᬳᭂᬩᭀᬦᬾᬩᬗᭂᬲ᭄ᬫᬢᭂᬓᬸᬕ᭄᭞ᬤᬶᬢᬸᬮᬯᬸᬢ᭄ᬲ
ᬲᭂᬧᬾᬦᬦ᭄᭞ᬓᬢᬦᭂᬫ᭄ᬓᬓᬸᬩᬸᬃᬕ᭄ᬮᬶᬲ᭄᭟ᬓᭀᬘᬧ᭄ᬓᬾᬢᭀᬧᬓᬩᬭᬦ᭄᭞ᬓᬸᬤ᭄ᬬᬂᬳᬦ᭄ᬢᬸᬓ᭄ᬧᬘᬂᬦᭂᬓᭂᬧᬶᬦ᭄ᬳᬗᬶᬦ᭄᭞ᬦᬕᬶᬄᬫᬗᬶᬯᬗᬶᬦ᭄ᬢᬸᬤᬸᬄ᭞ᬢᬦ᭄ᬓᭀᬘᬧᬾᬤᬶᬲᬓ᭄ᬭ᭞ᬳᬦᬓ᭄ᬳᬕᬸᬂᬗᬸᬭᬄ
ᬫᬩᬩᬯᭀᬲ᭄ᬧᬸᬧᬸᬢ᭄᭞ᬭᬶᬂᬳᬦᬓ᭄ᬳᬕᬸᬂᬓ᭄ᬢᬸᬢ᭄ᬓᬭᬂ᭞ᬳᬲᭂᬫ᭄ᬭᬶᬂᬓᬤᬶᬭᬶ᭟ᬧᬘᬂᬫᬗ᭄ᬭᬶᬲ᭄ᬢᬳᬶᬧᬾᬲ᭞ᬲᬦᬾᬩᬾᬜ᭄ᬚᬂᬫᬗ᭄ᬤᬓᬲᬶᬤ᭄ᬟᬦ᭄ᬓ᭄ᬦᬶ᭞ᬓᬤᬸᬂᬧᬫᬃᬕ᭄ᬕᬶᬦᬾᬭᬸᬭᬸᬲ᭄᭞ᬲᬢ᭄ᬭᬸᬦᬾᬫ
[ ᭒᭔24A]
ᬧᭂᬮ᭄ᬧᭂᬮᬦ᭄᭞ᬫᬗᬗᬶᬦᬂᬜᬦ᭄ᬤᬢᬸᬢ᭄ᬩᬸᬭᬶᬢᬺᬫ᭄ᬩᬸᬦᬸᬄ᭞ᬳᬧᬗᬲᬸᬫᬗ᭄ᬓᬶᬦ᭄ᬕᬾᬧᬂ᭞ᬫᬗ᭄ᬕᬶᬄᬤᬸᬃᬫ᭄ᬫᬕᬮᬫᬮᬳᬶᬩ᭟᭐᭟ᬧᬸᬧᬸᬄᬤᬸᬃᬫ᭄ᬫ᭟ᬩᬩᬓ᭄ᬓᬗᬶᬦ᭄ᬫᬸᬜᬶᬦ᭄ᬢᬫ᭄ᬩᬸᬭᬾᬫᬗᬃᬓᬃ᭞ᬭᬶᬂᬭᬸᬫ
ᬫ᭄ᬯᬄᬓᬤᬶᬭᬶ᭞ᬯ᭄ᬬᬓ᭄ᬢᬶᬫᬗ᭄ᬤᬾᬕᬶᬭᬲ᭄᭞ᬧᬫᬢᬶᬗᬾᬫᬤᬩ᭄ᬤᬩ᭞ᬩᬸᬗᬄᬫᬶᬚᬶᬮ᭄ᬗᬗ᭄ᬕᭀᬩ᭄ᬘᬶᬓ᭄᭞ᬭᬶᬂᬧᬲᬃᬗᬫ᭄ᬩ᭄ᬬᬃ᭞ᬲᬳᬧᬗᬾᬦ᭄ᬢᭂᬃᬗ᭄ᬕᬶᬮᬶᬄ᭟ᬩᬳᬸᬤᬦ᭄ᬤᬲᬫᬶᬸᬫᬶᬓᬯᭀᬢ᭄ᬲᬫ᭄ᬧᬸᬦ᭄ᬦᬧᬓ᭄᭞ᬫ
ᬩᬭᬶᬲ᭄ᬲᬸᬭᬓ᭄ᬢᬶᬢᬶᬃ᭞ᬯᬃᬡ᭄ᬦᬲᬫᬶᬳᬾᬕᬃ᭞ᬤᬾᬦᬶᬂᬫᬯᬸᬯᬸᬄᬭᬾᬜ᭄ᬘᬂ᭞ᬲᭀᬢᬦᬶᬂᬚᬬᬭᬶᬂᬚᬸᬭᬶᬢ᭄᭞ᬕ᭄ᬮᬶᬲ᭄ᬓᬚᬩ᭞ᬳᬦᬓᬾᬳᬕᬸᬂᬓᬮᬶᬄ᭟ᬦᬾᬭᬶᬂᬭᬸᬫᬓᬤᬶᬭᬶᬲᬫ᭄ᬧᬸᬦ᭄ᬫᬮᬶᬗ᭄ᬕ᭞ᬭᬶᬂᬤᬫ᭄ᬧ
ᬢᬸᬃᬓᬳᬩᬶᬄ᭞ᬳᬦ᭄ᬢᬸᬓ᭄ᬧᬭᬫᬾᬦᬓ᭞ᬢ᭄ᬯᬲ᭄ᬢᬸᬲ᭄ᬢᬸᬲ᭄ᬓᬸᬮᬓᭀᬢ᭄ᬭ᭞ᬩ᭄ᬭᬳ᭄ᬫᬘᬓ᭄ᬱᬢ᭄ᬭ᭄ᬬᬓᬮᬶᬄ᭞ᬧᬢᭂᬓ᭄ᬧᬡ᭄ᬥᬶᬢ᭞ᬰᬶᬯᬩᬸᬤᬫᬗᬶᬭᬶᬂ᭟ᬦᬾᬫᬸᬲᬸᬓᬶᬦ᭄ᬳᬶᬤᬧᬸᬗ᭄ᬕᬯᬩ᭄ᬭᬳ᭄ᬫᬦ᭞ᬯᬮᬲ᭄ᬯᬾᬘᬧ
Kaca:Bali-lontar-gaguritan-rusak-sasak-02-300ppi.pdf/24
Kaca puniki sampun kauji-wacén
