[ ᭑᭙ 19B]
᭑᭙᭞
ᬯᬶᬦ᭄ᬢᭂᬦ᭄ᬫᬮᬾᬲᬫᬶ᭟ᬳᬦᬸᬢ᭄ᬭᬶᬂᬓᬯᬘᬩᬭᬓ᭄᭞ᬧᬧᬤᬸᬓᬯᬶᬦ᭄ᬢᭂᬦ᭄ᬧᬓ᭄ᬭᬜᬄᬗᭂᬦ᭄ᬤᬶᬄᬜᬸᬗ᭄ᬓᭂᬮᬶᬢ᭄ᬫᬳᭀᬭᬗ᭄ᬓᬫ᭄ᬭᬸᬩ᭄᭞ᬳᬦᬸᬢ᭄ᬫᬢᭀᬕᭀᬕ᭄ᬳ᭄ᬫᬲ᭄᭞ᬳᬦᬓ᭄ᬳᬕᬸᬂᬫᬯᬘᬦᬮᬯᬦ᭄ᬳᬫᬸ
ᬓ᭄᭞ᬳᬸᬮᬳᬂᬫᬸᬲᬸᬳᬾᬢᬺᬚᬓ᭄᭞ᬢᬶᬫ᭄ᬧᬮᬶᬦ᭄ᬤᬫᬜᬶᬭᬶᬕᬶᬦ᭄᭟ᬲᬶᬓᭂᬧ᭄ᬦᬕᬭᬦᬾᬗᬸᬦ᭄ᬢᬲ᭄᭞ᬗ᭄ᬮᬶᬦ᭄ᬢᬂᬢᬸᬓᬤ᭄ᬤᬶᬢᬸᬓᬤ᭄ᬤᬶᬢᬸᬫᬩ᭄ᬭᬶᬬᬸᬓ᭄ᬲᬫᬶ᭞ᬫᬲᬸᬭᬓ᭄ᬫᬫ᭄ᬩᭂᬤᬶᬮ᭄ᬗᬫᬸᬓ᭄᭞ᬫᬸᬳᬸᬓ᭄ᬫᬗᬺᬕᬄᬕ᭄ᬮᬃ᭞ᬩᬸᬓ
ᬳᬤᬲ᭄ᬯᬾᬲ᭄ᬮᬦ᭄ᬯᬶᬤ᭄ᬥᬶᬮᬸᬦᬲ᭄ᬮᬦᬸᬲ᭄᭞ᬲᬶᬓᭂᬧ᭄ᬦᬕᬭᬦᬾᬩᬾᬩᬲ᭄᭞ᬓᬤᬾᬰᬭᬸᬫᬫᬗ᭄ᬭᬜ᭄ᬚᬶᬂ᭟ᬧᬸᬲᬸᬳᬾᬮᬓ᭄ᬧᬬᬦ᭄ᬩᬸᬦ᭄ᬢᬲ᭄᭞ᬫᬳᬸᬲᬸᬗᬦ᭄ᬫᬢᬢᬸᬓᬮᬶᬄᬧᬢᬶ᭞ᬓᬧᬮᬦ᭄ᬭᬸᬫᬦᬾᬲᬫ᭄ᬧᬸ
ᬦ᭄᭞ᬫᬦᬸᬦᬲ᭄ᬓᬳᬸᬭᬶᬧᬦ᭄᭞ᬤᬶᬢᬸᬫᬲᬗ᭄ᬕ᭄ᬭᬳᬦ᭄ᬭᬭᬶᬲ᭄᭟ᬩᬾᬜ᭄ᬚᬂᬩᬳᬸᬫᬸᬧᬸᬓᭂᬫ᭄ᬩᬂ᭞ᬫᬗᭂᬫ᭄ᬩᬸᬢᬶᬦ᭄ᬲ᭄ᬯᬭᬦ᭄ᬢᬫ᭄ᬩᬸᬭᬾᬢᬶᬢᬶᬃ᭞ᬓᬧᬓ᭄ᬧᬸᬗ᭄ᬕᬯᬦᬾᬲᬫ᭄ᬧᬸᬦ᭄᭞ᬭᬶᬂᬧᬲᬃᬲᬳᬭᬾᬜ᭄ᬘᬂ᭞ᬳᬦᬓ᭄ᬳ
[ ᭒᭐ 20A]
ᬕᬸᬂᬗᬸᬭᬄᬓᭀᬤ᭄ᬩᬾᬩᬲ᭄ᬲᬫ᭄ᬧᬸᬦ᭄᭞ᬫᬫᬃᬕ᭄ᬕᬶᬫᬮᬶᬄᬫ᭄ᬩᬸᬦ᭄ᬢᬲᬂ᭞ᬲᬢ᭄ᬭᬸᬦᬾᬦᬾᬯᬾᬦ᭄ᬢᭂᬦ᭄ᬓᬭᬶ᭟ᬤ᭄ᬮᭀᬤ᭄ᬭᬸᬫᬲᬚᬚᬳᬦ᭄᭞ᬤᬸᬲᬸᬦ᭄ᬤᬸᬲᬸᬦ᭄ᬫᬦᬫ᭄ᬧᭂᬓᬶᬦ᭄ᬓᬤᬶᬭᬶ᭞ᬫᬦᬸᬗ᭄ᬓᭂᬤ᭄ᬭᬯᬸᬄᬓ
ᬕ᭄ᬭᬸᬂ᭞ᬲᬓ᭄ᬱᬢ᭄ᬲᬂᬮᬧᬶᬦ᭄ᬓᬶᬮᬧ᭄᭞ᬧ᭄ᬭᬢᬓ᭄ᬢᬶᬤᬶᬂᬮᬯᬢ᭄ᬳᬶᬧᬸᬦ᭄ᬢ᭄ᬯᬭᬓᬦ᭄ᬢᬸᬦ᭄᭞ᬢ᭄ᬓᭂᬤ᭄ᬓᬕᬸᬦᬸᬂᬓᬭᬫ᭄ᬩᬦ᭄᭞ᬫᬸᬲᬸᬳᬾᬫᬦ᭄ᬤᬶᬤᬶᬂᬦ᭄ᬤᭂᬭᬶᬢ᭄᭟ᬢᬦ᭄ᬓᭀᬘᬧᬦ᭄ᬤᬶᬭᬸᬫ᭞ᬫᬗ᭄ᬓᬶᬦ᭄ᬓᭀᬘᬧ᭄ᬳᬶᬩᬢᬸᬓ᭄ᬮ᭄ᬬᬂ
ᬲᬫᬶ᭞ᬲᬓᬦ᭄ᬢᬶᬦᬾᬲᬳᬢ᭄ᬗ᭄ᬕᭂᬩᬸᬕ᭄᭞ᬳᬶᬧ᭄ᬭᬶᬗ᭄ᬕᬭᬢᬦᬾᬰᬯᬶᬭᬾᬄᬳᬶᬤᬰᬸᬭᬳᬫ᭄ᬮᬧᬸᬭᬲᬫ᭄ᬧᬸᬦ᭄᭞ᬫᬫ᭄ᬩᬸᬤᬮᬶᬦ᭄ᬧ᭄ᬭᬶᬗ᭄ᬕᬭᬢ᭞ᬤᬶᬦᬫ᭄ᬫᬤᬕ᭄ᬦᬄᬗᭂᬜ᭄ᬘᬂ᭟ᬓᬮᬶᬄᬲᭀᬭᭀᬄᬕᬫᬳᬶ
ᬲ᭄ᬮᬫ᭄᭞ᬫᬸᬮᬤᬕᬶᬂᬧ᭄ᬭᬶᬗ᭄ᬕᬭᬢᬦᬾᬯ᭄ᬬᬓ᭄ᬢᬶ᭞ᬓᬋᬧᬶᬧᬸᬦ᭄ᬲᬫ᭄ᬧᬸᬦ᭄ᬩᬶᬮᬸᬓ᭄᭞ᬲᬦᬾᬄᬲᬫ᭄ᬧᬸᬦ᭄ᬫᬭᭀᬯᬂ᭞ᬭᬶᬂᬳᬶᬓᭀᬧᬂᬩᬢᬸᬓ᭄ᬮ᭄ᬬᬂᬓ᭄ᬭᬡᬮᬚᬸ᭞ᬫᬗ᭄ᬭᬕᬄᬳᬶᬧ᭄ᬭᬶᬗ᭄ᬕᬭᬢ᭞ᬩᬳᬸᬦᬫ᭄ᬧᬶᬩᬳᬓ᭄ᬓ
Kaca:Bali-lontar-gaguritan-rusak-sasak-02-300ppi.pdf/20
Kaca puniki sampun kauji-wacén
