Kaca:Bali-lontar-gaguritan-rusak-sasak-02-300ppi.pdf/18

Saking Wikisource
Kaca puniki sampun kauji-wacén

[ ᭑᭗ 17B]
᭗᭞
ᬓ᭄ᬮᭀᬤ᭄ᬓᬯᬸᬄ᭞ᬫᬦᬸᬭᬸᬢ᭄‌ᬢ᭄ᬓᭂᬤ᭄ᬓᬧ᭄ᬭᬾᬲ᭞ᬓᬤᬶᬭᬶᬦᬾᬓᬳᬋᬧᬶᬦ᭄᭟ᬧᬩ᭄ᬭᬶᬬᬸᬕ᭄ᬩᬗᬸᬦ᭄ᬲᬕᬭ᭞ᬫᬾᬄᬓᭂᬢ᭄ᬬᬦ᭄ᬭᬾᬜ᭄ᬘᬗᬾᬧᬜᬋᬗᬶᬦ᭄᭞ᬲᬳᬧ᭄ᬭᬾᬭᬾᬢ᭄ᬩᬮᬕᬜ᭄ᬚᬸᬃ᭞ᬧᬢᬦ᭄ᬤ
ᬓ᭄ᬱᬵᬯᬂᬲᭀᬯᬂ᭞ᬧᬗ᭄ᬕᬕᬶᬭᬲ᭄‌ᬭᬾᬜ᭄ᬘᬗᬾᬫᬲᬸᬭᬓ᭄‌ᬗ᭄ᬕᭂᬮᬸᬃ᭞ᬓᭂᬤᬾᬜᬫᬩᬳᬦ᭄ᬫᬶᬭᬄ᭞ᬳᬸᬧᬳᬾᬤᬤ᭄ᬧᬫᬢᬶᬂ᭟ᬢ᭄ᬯᬭᬩᬸᬳᬸᬂᬫᬦ᭄ᬤᬧᭂᬢᬂ᭞ᬩᬢᬸᬦ᭄ᬩᭂᬮ᭄ᬧᬳᬶᬘᬦ᭄ᬭᬭᬩ
ᬮᬶ᭞ᬓᭀᬘᬧᬂᬤᬶᬓᭀᬧᬂᬲᬫ᭄ᬧᬸᬦ᭄᭞ᬫᬓᬤᬶᬩᬢᬸᬓ᭄ᬮ᭄ᬬᬂ᭞ᬓᬮᬶᬄᬭᬭᬂᬲᭀᬭᭀᬳᬦ᭄ᬓᬦ᭄ᬢᬶᬦᬶᬧᬸᬦ᭄᭞ᬫᬦ᭄ᬤᭂᬲᭂᬓᬶᬦ᭄ᬧ᭄ᬭᬶᬗ᭄ᬕᬭᬢ᭞ᬭᬾᬜ᭄ᬘᬗᬾᬫᬗ᭄ᬕᭂᬮᭀᬄᬢᬶᬢᬶᬩ᭄᭟ᬓᬤᬶᬳᭂᬫ᭄ᬩᬄᬕᬸ
ᬦᬸᬂᬢ᭄ᬓ᭞ᬫᬗ᭄ᬕᬭᬸᬤᬸᬕ᭄ᬢᬢᬩᬸᬳᬦᬾ ᬢᬭᬶᬢ᭄᭞ᬤᬶᬚ᭄ᬭᭀᬦᬶᬂᬳᬮᬲ᭄‌ᬦᬮᬶᬓᬸᬃ᭞ᬧ᭄ᬭᬶᬗ᭄ᬕᬭᬢᬢᬦ᭄ᬧ᭄ᬕᬢ᭄᭞ᬫᬫ᭄ᬩᭂᬤᬶᬮᬶᬦ᭄‌ᬰᬸᬭᬳᬫ᭄ᬮᬧᬸᬭᬓᬾᬯᬸᬄ᭞ᬫ᭄ᬩᬯᭀᬲᬂᬓᬸᬘᬶᬯᬢᬥᬄ᭞ᬫᬳᬯᬶᬦ
[ ᭑᭘ 18A]
ᬦ᭄ᬧᬭᬫᬗ᭄ᬓᬶᬦ᭄᭟ᬫᬫ᭄ᬩᬸᬤᬮᬶᬦ᭄ᬧ᭄ᬭᬶᬗ᭄ᬕᬭᬢ᭞ᬦᬗ᭄ᬳᬶᬂᬯᬾᬦ᭄ᬢᭂᬦ᭄ᬧ᭄ᬭᬕᬸᬲ᭄ᬢᬶᬢᭀᬲ᭄ᬩᬩ᭄ᬘᬶᬓ᭄᭞ᬓᬤᬯᬸᬳᬦ᭄ᬓᬭᬶᬤᬶᬢᬸ᭞ᬫᬗ᭄ᬕᬫᭂᬮ᭄ᬧ᭄ᬭᬶᬗ᭄ᬕᬭᬢ᭞ᬫᬳᬶᬭᬶᬗᬦ᭄‌ᬯᬾᬦ᭄ᬢᭂᬦ᭄ᬳᬗᬦ᭄ᬢᬶᬕᬂᬳᬢᬸᬲ᭄
᭞ᬧᬕᭂᬄᬢ᭄ᬯᬭᬳᬚ᭄ᬭᬶᬄᬭᬸᬲᬓ᭄᭞ᬦᬶᬫ᭄ᬧᬮᬶᬦ᭄ᬳᬶᬤᬗᬶᬜ᭄ᬚᬭᬶᬂ᭟ᬰᬸᬭᬳᬫ᭄ᬮᬧᬸᬭᬕᭂᬦ᭄ᬢᬲ᭄᭞ᬭᬶᬂᬦᬃᬫ᭄ᬫᬤᬕ᭄ᬦᬄᬧᬘᬂᬫᬩ᭄ᬯᬢᬶᬦ᭄᭞ᬯᬶᬭᬾᬄᬲᬶᬤᬧᬸᬦᬾᬲᬫ᭄ᬧᬸᬦ᭄᭞ᬗ᭄ᬭᬜ᭄ᬚᬶᬂᬓᬩᬢᬸᬓ᭄ᬮ᭄ᬬᬂ᭞ᬢ
ᬦ᭄ᬓᭀᬘᬧᬦᬃᬫ᭄ᬫᬤᬦᬾᬫᬗ᭄ᬓᬶᬦ᭄ᬤᬶᬢᬸ᭞ᬓᬤᬶᬭᬶᬦᬾᬘᬭᬶᬢᬬᬂ᭞ᬧᬕᭂᬄᬓᬢᬮᬶᬓᬸᬃᬲᬳᬶ᭟ᬩᬳᬦ᭄ᬫᬸᬲᬸᬄᬧ᭄ᬭᬬᬲᬓ᭄ᬭ᭞ᬲᬳᬓᬦ᭄ᬳᬶᬫᬗᭂᬢᬕ᭄ᬳᬦ᭄ᬢᬸᬓ᭄ᬓᬦ᭄ᬢᬶ᭞ᬳᬸᬭᬸᬚᬸᬳᬫ᭄ᬮᬦᬕᬦ᭄ᬢᬸᬦ᭄᭞ᬫ
ᬤᬾᬕ᭄ᬓᬰᬸᬭᬦᬶᬤ᭞ᬢ᭄ᬯᬭᬕᬶᬗ᭄ᬕᬂᬢ᭄ᬯᬭᬕᬶᬗ᭄ᬲᬶᬃᬦᬳᭂᬦ᭄ᬓᬾᬯᬸᬄ᭞ᬲᬢᬓᬦ᭄ᬫᬸᬲᬸᬄᬓᬲᬶᬤ᭄ᬥᬦᬦ᭄᭞ᬓᬧᭂᬦ᭄ᬤᬓ᭄ᬗᬤᬸᬓᬯᬦᬶᬦ᭄᭟ᬳᬦ᭄ᬢᬸᬓᬾᬩᬲ᭄ᬓᬮ᭄ᬬᬸᬦᬦ᭄᭞ᬧᬸᬧᬸᬄᬲ᭄ᬮᬫ᭄ᬫᬗᬋᬧᬶᬦ᭄᭞ᬓᬤᬶ