[ ᭑᭕ 15B]
᭑᭕᭞ᬳ᭄ᬦᬬᬂᬫᬗ᭄ᬓᬶᬦ᭄᭞ᬧᬗ᭄ᬭᬶᬲ᭄ᬢᬢᬢᬶᬦ᭄ᬤᬶᬄᬫᬮᬸ᭞ᬲᭀᬭᭀᬳᬦ᭄ᬕᬫᬢᬶᬃᬣ᭞ᬦᬾᬫᬦᭀᬗᭀᬲ᭄ᬤᬗᬶᬦ᭄ᬚᬸᬭᬶᬂ᭞ᬯ᭄ᬬᬓ᭄ᬢᬶᬲᬫ᭄ᬧᬸᬦ᭄ᬓᬕᭂᬩᬸᬕ᭄ᬫᬓ᭄ᬚᬂᬩᬸᬦ᭄ᬢᬲ᭄᭞ᬲᬓᬓᬭᬾᬦ᭄ᬩᬦᬭᬸᬲᬓ᭄᭞ᬫᬗᬮ
ᬲ᭄ᬗᬮᬶᬄᬦᬕᬭᬶ᭞ᬳᭂᬮᬸᬄᬫ᭄ᬯᬦᬶᬘ᭄ᬦᬶᬓ᭄ᬢ᭄ᬯ᭞ᬧᬓ᭄ᬭᬾᬬᬓ᭄ᬩᬶᬮᬂᬫᬃᬕ᭄ᬕᬶ᭞ᬳᬤᬜᬶᬗᬮ᭄ᬫᬜᬸᬗ᭄ᬕᬶᬮᬾᬦ᭄ᬳᬤᬦᭂᬕᭂᬦ᭄ᬫᬜᬸᬳᬸᬦ᭄᭞ᬍᬫᭂᬂᬍᬫᬄᬫᬚᬮᬦ᭄᭞ᬓᭀᬘᬧᬂᬤᬶᬧᬸᬬᬸᬂᬫᬗ᭄ᬓᬶᬦ᭄᭞ᬲᬸᬩᬓ
ᬢᬸᬃᬲᬤᬾᬰᬤᬾᬰᬦᬾᬘᭀᬗᬄ᭟ᬳᬶᬤᬗᬶᬦ᭄ᬚᬸᬭᬶᬂᬫᬓ᭄ᬚᬂ᭞ᬲᬤ᭄ᬮᭀᬤ᭄ᬧ᭄ᬭᬬᬦᬶᬦᬸᬢᬶᬦ᭄᭞ᬫᬩᬩᬯᭀᬲ᭄ᬭᬶᬂᬳᬶᬳᬭᬶ᭞ᬓᬮᬶᬄᬧᬸᬗ᭄ᬕᬯᬲᬫᬶ᭞ᬧᬓᬬᬸᬦ᭄ᬫᬗ᭄ᬓᬶᬦ᭄ᬢᭂᬤᬸᬦ᭄᭞ᬫᬗᬢᬸᬭᬂᬧᬗᬯᬶ
ᬓᬦ᭄᭞ᬭᬶᬂᬳᬦᬓᬾᬳᬕᬸᬂᬮᬶᬗ᭄ᬲᬶᬃ᭞ᬰᬸᬭᬳᬫ᭄ᬮᬧᬸᬭᬧᬘᬂᬫᬗ᭄ᬕᬫᭂᬮᬂ᭟ᬧ᭄ᬭᬶᬗ᭄ᬕᬭᬢᬦᬾᬳᬶᬭᬶᬓ᭞ᬜᬦ᭄ᬤᬂᬧᬶᬲᬦ᭄ᬧᬶᬓᬸᬓᬸᬳᬶᬦ᭄᭞ᬳᬶᬳᬭᬶᬢᬍᬃᬧᬢᬸᬢᬦ᭄᭞ᬭᬶᬂᬓᬤᬶᬭᬶᬫᬶᬓᬸᬓᬸᬳᬶ
[ ᭑᭖ 16A]
ᬦ᭄᭞ᬧᬸᬧᬸᬢ᭄ᬩᬩᬯᭀᬲ᭄ᬩᭂᬘᬶᬓ᭄᭞ᬓᭀᬘᬧᬂᬦᬾ ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄᭞ᬧᬸᬬᬸᬗᬾᬓᬩᬸᬤᬮᬦ᭄᭞ᬲᬸᬭᬳᬫ᭄ᬮᬧᬸᬭᬕ᭄ᬮᬶᬲ᭄᭞ᬦᬧᬓ᭄ᬭᬯᬸᬄᬭᬶᬂᬓᬢᬲᬓ᭄ᬭᬗᬢᬸᬭᬂ᭟ᬭᬶᬂᬳᬶᬳᬚᬶᬲᬧ᭄ᬭᬢᬶᬗ᭄ᬓᬄ᭞ᬓᬧᬮ
ᬦᬾᬘᭀᬗᬄᬲᬫᬶ᭞ᬤᬗᬶᬦ᭄ᬚᬸᬭᬶᬂᬤ᭄ᬮᭀᬤ᭄ᬧ᭄ᬭᬬ᭞ᬓᬗ᭄ᬕᭂᬓ᭄ᬳᬦᬓ᭄ᬳᬕᬸᬮᬶᬗ᭄ᬲᬶᬃ᭞ᬭᬭᬶᬲ᭄ᬗᬦ᭄ᬤᬶᬓᬳᬭᬶᬲ᭄᭞ᬢᬶᬢᬄᬳᬸᬕᬶᬯᬲ᭄ᬢᬶᬦᬶᬧᬸᬦ᭄᭞ᬢᬢᬓ᭄ᬲᬫᭂᬗ᭄ᬕᬳᬶᬤ᭞ᬪᬝᬵᬭᬳ᭄ᬬᬂᬧ᭄ᬭᬫᬓᬯᬶ᭞
ᬳᬮᬳᬬᬸᬯᬦ᭄ᬢ᭞ᬳᬶᬤᬫᬧᬳᬶᬘ᭄ᬙ᭟ᬦᬗ᭄ᬳᬶᬂᬩᬸᬢᬸᬲᬾᬧᬫᬶᬢᬂ᭞ᬧᬢᬸᬢᬾᬳᬸᬕᬶᬫᬃᬕ᭄ᬕᬶᬦᬶᬦ᭄᭞ᬩ᭄ᬭᬢᬓᬓ᭄ᬱᬢ᭄ᬭ᭄ᬬᬦᬾᬓᬯᭀᬢ᭄᭞ᬧᬕᭂᬄᬫᬢᬮᬂᬭᬶᬂᬚᬸᬭᬶᬢ᭄᭞ᬳᬶᬳᬦᬓ᭄ᬮᬶᬦ᭄ᬢᬂᬗᬶᬭᬶᬂ
ᬩᬩᬯᭀᬲ᭄ᬓᬮᬶᬦ᭄ᬢᬂᬧᬢᬸᬢ᭄᭞ᬭᬭᬶᬲ᭄ᬫᬧᬫᬶᬢ᭄ᬩᬸᬤᬮ᭄᭞ᬧᬘᬂᬧᬫᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬰᬸᬭᬳᬫ᭄ᬮᬧᬸᬭᬗ᭄ᬕᬫᭂᬮ᭄ᬧ᭄ᬭᬶᬗ᭄ᬕᬭᬢ᭟ᬧᬸᬦᬶᬓᬲᬫ᭄ᬧᭂᬢ᭄ᬦᬕᬭ᭞ᬫᬓᬤᬶᬦᬶᬧᬸᬦ᭄ᬓᬤᬶᬭᬶ᭞ᬢᬦ᭄ᬘᬭᬶ
