[ ᭑᭐ 10B]
᭑᭐᭞
ᬓ᭄᭞ᬲᬸᬭᬓᬾᬫᬗᭂᬫ᭄ᬩᬸᬢᬶᬦ᭄᭞ᬓᬤᬶᬘᬫᬭᬫᬘᭂᬗᬸᬂ᭞ᬧᬦ᭄ᬤᭂᬂᬤᬶᬓᬢᬶᬕ᭞ᬩᬺᬩᭂᬕᬦ᭄ᬩᬸᬢᬶᬲᬾᬓᬤᬶ᭞ᬓ᭄ᬢᬸᬕ᭄ᬮᬶᬦ᭄ᬤᬸᬃᬭᬲᬩᭀᬬᬯᬗ᭄ᬤᬾ ᬚᬬ᭟ᬰᬸᬭᬳᬫ᭄ᬮᬧᬸᬭᬳᬶᬤ᭞ᬳᬕᬃᬓᬬᬸᬦᬾᬗ
ᬓ᭄ᬱᬶ᭞ᬲᭀᬮᬄᬧᬫᬢᬶᬗᬾᬗᬫ᭄ᬩ᭄ᬬᬃ᭞ᬫᬚᬮᬦ᭄ᬓᬤᬶᬭᬶᬂᬢᬸᬮᬶᬲ᭄᭞ᬯᬾᬦᬵᬢᭂᬦ᭄ᬫᬗᭀᬓᭀᬓ᭄ᬢᬶᬢᬶᬃ᭞ᬧᬗᬶᬕᭂᬮ᭄ᬲᬫ᭄ᬩᬶᬮ᭄ᬫᬦ᭄ᬤᬂᬓ᭄ᬭᬸ᭞ᬯᬾᬦ᭄ᬢᭂᬦ᭄ᬗᭂᬚᭂᬭᬂᬢᬸᬫ᭄ᬩᬓ᭄᭞ᬫᬗᬗ᭄ᬕᬃᬓᬮᬾᬯᬂᬦ᭄ᬤᭂᬗ᭄ᬓᬶᬮ᭄᭞ᬭᬾᬳᬵᬓᬢᬃᬓ᭄ᬓ
ᬲᬢ᭄ᬭᬸᬦᬾ ᬲᬬᬦ᭄ᬜᬶᬜ᭄ᬘᬶᬢᬂ᭟ᬢᬦ᭄ᬓᬭᬶᬢᬤᬶᬚᬮᬦ᭄᭞ᬭᬯᬸᬳᬾᬤᬶᬧ᭄ᬭᬬᬕ᭄ᬮᬶᬲ᭄ᬗᬶᬢᭂᬃᬬᬳᬶᬩᬗ᭄ᬓᭀᬮ᭄᭞ᬫᬗᬸᬚᬦᬶᬦ᭄ᬩᬳᬦ᭄ᬫᬶᬫᬶᬲ᭄᭞ᬫᬲᬸᬦ᭄ᬤᬸᬮ᭄ᬲᬸᬦ᭄ᬤᬸᬮ᭄ᬢᬭᬶᬓ᭄᭞ᬫᬸᬜᬶᬦ᭄ᬫ᭄ᬭ᭄ᬬᬦ᭄ᬓᬤᬶᬓ᭄ᬭᬸᬕ᭄
᭞ᬤᬸᬮᬸᬭᬶᬦ᭄ᬩᬳᬦ᭄ᬲᬸᬭᬓ᭄᭞ᬗ᭄ᬳᬶᬂᬳᬶᬩᬗ᭄ᬓᭀᬮ᭄᭞ᬗᭂᬓᭀᬗ᭄ᬮᬄᬧᬲᬗᬶᬤᬦ᭄᭟ᬫᬗ᭄ᬮᬶᬤ᭄ᬤᬶᬩᬲᬂᬢᬸᬓᬤ᭄᭞ᬳᬚᬓ᭄ᬭᬾᬜ᭄ᬘᬂᬜᬦᬾᬲᬫᬶ᭞ᬳᬢᬸᬢ᭄ᬳᬤᬫᬗᬤᬬᬂ᭞ᬧᬫᬢᬶᬂᬳᬲᬶᬓᬶᬓᬮᬶᬄ
[ ᭑᭑ 11A]
᭞ᬧᬫᬶᬢᬶᬂᬭᬶᬂᬦᬕᬭᬶ᭞ᬗ᭄ᬕᬾᬕᬾᬃᬗᬶᬭᬶᬂᬲᬧᬶᬢᬸᬤᬸᬄ᭞ᬓᬾᬯᬮᬗᬸᬓᬗ᭄ᬕᭂᬩ᭄ᬭᬕ᭄᭞ᬫᬗᬸᬚᬦᬶᬦ᭄ᬩᬳᬦ᭄ᬫᬶᬫᬶᬲ᭄᭞ᬓ᭄ᬭᬶᬢᬶᬍᬄᬲᬶᬤ᭄ᬥᬧᬭᬧᬾᬦᬾᬚ᭄ᬫᬓ᭄᭟ᬫᬸᬲᬸᬳᬾᬳᭀᬜᬗᬦ᭄ᬭᬸᬲᬓ᭄᭞ᬦᬾᬩᬦᬶᬫ
ᬗᬫᬸᬓ᭄ᬫᬶᬚᬶᬮ᭄᭞ᬓᬮᬶᬄᬬᬾᬦᬵᬜᬫᬗᬭᬲ᭞ᬢᬓᬸᬢ᭄ᬫᬢᬶᬦᬸᬦᬲ᭄ᬳᬸᬭᬶᬧ᭄᭞ᬭᬯᭀᬲ᭄ᬳᬗ᭄ᬕᭀᬦ᭄ᬦᬶᬩᬦᬶᬦ᭄᭞ᬤᬤᬶᬓᬸᬤᬂᬤᬶᬦᬲᬫ᭄ᬧᬸᬦ᭄᭞ᬢ᭄ᬯᬭᬓᬲᬶᬤ᭄ᬥᬦ᭄ᬓᬮᬄ᭞ᬳᬶᬩᬗ᭄ᬓᭀᬮ᭄ᬢᬸᬗ᭄ᬓᬸᬮ᭄ᬗᭂᬜ᭄ᬘᬂ᭞ᬲᬸᬭᬳᬫ᭄ᬮ
ᬧᬸᬭᬫᬗ᭄ᬓᬶᬦ᭄ᬫᬫᬶᬦᭂᬳᬂ᭟ᬳᬚ᭄ᬭᬶᬄᬭᬶᬂᬳᬶᬳᬚᬶᬫᭂᬗ᭄ᬕᬄ᭞ᬩᬦ᭄ᬬᬸᬤᬦᬾᬳᬮᬮ᭄ᬓᬮᬶᬄ᭞ᬳᬶᬳᬚᬶᬲ᭄ᬭᬶᬂᬗᬸᬢᬸᬲᬂ᭞ᬫᬗ᭄ᬤᬫᬓᬦ᭄ᬢᭂᬦ᭄ᬭᬶᬂᬕ᭄ᬮᬶᬲ᭄᭞ᬓᬯᭀᬦ᭄ᬳᬶᬩᬗ᭄ᬓᭀᬦᬶᬸᬮ᭄ᬫᬳᬶᬮ᭄᭞ᬰᬸᬭᬳᬫ᭄ᬮᬧᬸᬭᬤᬶᬢᬸ᭞ᬫᭂᬗ᭄ᬕᬄᬢ᭄ᬯᬭ
ᬧᬶᬮᬶᬳᬦ᭄᭞ᬫᬗᬫ᭄ᬧ᭄ᬭᭀᬲ᭄ᬫᬯᬃᬡ᭄ᬦᬚ᭄ᬜᬶᬲ᭄᭞ᬳᬲᬶᬂᬲᭀᬮᬄᬧᬫᬢᬶᬗᬾᬤᬤᬶᬲᬮᬄ᭟ᬩᬦᬾᬢᭀᬦ᭄ᬤᬾᬦᬵᬫᬲᬸᬜᬶᬤ᭄ᬥᬬᬂ᭞ᬕᬮᬶᬮᬶᬄᬳᬶᬩᬗ᭄ᬓᭀᬮ᭄ᬫᬳᬶᬮ᭄᭞ᬫᬓᬤᬶᬲᬶᬤ᭄ᬥᬓᬭᬸᬲᬓ᭄᭞ᬓᬮᬶᬄᬯᬾᬦ᭄ᬢᭂᬦ᭄ᬓ
