[᭖᭔64B]
᭖᭔
ᬮᬬᭀᬦ᭄ᬗᬸᬮᬶᬦ᭄ᬢᬶᬓ᭄᭞ᬲᬋᬂᬭᬶᬂᬭᬾᬜ᭄ᬘᬂ᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭟ᬲᬹᬭᬤᬥᬹᬲᬫᬶᬩᬾᬩᬲ᭄ᬗᬶᬢᭂᬃᬧᬸᬭᬵ᭞ᬗᬸᬚᬦᬶᬦ᭄ᬩᬳᬦ᭄ᬫᬶᬫᬶᬲ᭄᭞ᬳᬤᬫᬗᬸᬮᬳᬂ᭞ᬗᬋᬕᬄᬤᬶᬩᬜ᭄ᬘᬶᬗᬄ᭞ᬫ᭄ᬩᭂᬤᬶᬮ᭄ᬓᬩᭂᬤᬶᬮᬶᬦ᭄ᬢᬶ
ᬢᬶᬃ᭞ᬲᬮᬾᬂᬩᬾᬘᬾᬓᬂ᭞ᬫᬸᬲᬸᬄᬭᭀᬯᬗᬾᬫᬢᬶ᭟ᬫᬮᬶᬄᬳᬸᬘᬧ᭄ᬤᬾᬰᬤᭂᬮᭀᬤᬗᬶᬦ᭄ᬘᬓᬺᬩᬜ᭄ᬚᬃᬩᬜ᭄ᬚᬭᬦ᭄ᬲᬫᬶ᭞ᬗᭂᬓᭂᬲ᭄ᬚ᭄ᬭᭀᬦᬶᬂᬓᬭᬂ᭞ᬫᬓ᭄ᬭᬡᬵᬦᬗ᭄ᬕᬶᬮᬶᬲᬂ᭞ᬳᬶᬲᬹᬭᬤᬥᬹᬋᬧᬶᬦ᭄᭞ᬤᬶᬧᬸᬭᬶ᭠
ᬘᬓᬺ᭞ᬓᬧᭂᬲ᭄ᬫᬗᬤᬸᬚᬸᬭᬶᬢ᭄᭟ᬅᬦᬓ᭄ᬅᬕᬸᬂᬗᬸᬭᬄᬩᭂᬮᬶᬢ᭄ᬓᬧᬸᬭᬶᬳᬦ᭄᭞ᬭᬶᬂᬢᬺᬗ᭄ᬕᬡᬹᬫᬮᬶᬗ᭄ᬕᬶᬄ᭞ᬧᬭᬳᬶᬲ᭄ᬢ᭄ᬭᬶᬗᬬᬧ᭄᭞ᬲᬫ᭄ᬧᬸᬦ᭄ᬜᬶᬓᬶᬬᬂᬕᭂᬦᬄ᭞ᬬᬦ᭄ᬧᬸᬦᬧᬶᬳᬦ᭄ᬢᭀᬲ᭄ᬫᬮᬶᬄ᭞ᬧᬘᬂᬦ᭄ᬤᬾᬯᬢ᭞ᬲᬋᬂᬲ᭠
ᬤᬕᬶᬂ᭟ᬲᬹᬭᬤᬥᬹᬲᬫ᭄ᬧᬸᬦ᭄ᬗ᭄ᬭᬜ᭄ᬚᬶᬂᬧᬢᬦ᭄ᬤᬓᬦ᭄᭞ᬧ᭄ᬭᬬᬓᬉᬓᬶᬃᬓᬯᬶ᭞ᬤᬶᬢᬸᬮᬩᬸᬄ᭠ᬫ᭄ᬧᬦ᭄᭞ᬦᬓ᭄ᬅᬕᬸᬂᬫᬗᬸᬢᬸᬲᬂ᭞ᬫᬗᬫᬹᬓ᭄ᬫᬗᬸᬩᬢ᭄ᬳᬩᬶᬢ᭄᭞ᬓᬸᬫ᭄ᬧᭂᬦᬶᬕᬬᬮ᭄᭞ᬩᬾᬘᬾᬓ᭄ᬫᬢᬢᬸᬫᬢᬶ᭟
[᭖᭕65A]
ᬳᬧᬦ᭄ᬭᬸᬧᭂᬢ᭄ᬢᭀᬗᭀᬲᬾᬧᬘᬂᬫᬢᬤᬄ᭞ᬫᬤᬸᬓ᭄ᬲᬶᬬᬢᬾᬤᬤᬶ᭞ᬓᬸᬫ᭄ᬧᭂᬦᬶᬗᭀᬩᭂᬢᬂ᭞ᬧᬘᬂᬗᭂᬫ᭄ᬩᬢ᭄ᬲᬶᬦᬧᬂ᭞ᬧᬾᬲ᭄ᬢᭀᬮᬾᬳᬋᬧᬂᬕᭂᬮᬶᬲ᭄᭞ᬓᬮᬶᬄᬓᬮᬾᬯᬂ᭞ᬉᬩ᭄ᬭᬸᬲ᭄ᬓᬧ᭄ᬢᬾᬦ᭄ᬦᬗ᭄ᬕᬮᬶᬦ᭄᭟ᬭᬶᬂᬓᬸᬫᭂ
ᬦ᭄ᬤᬦ᭄ᬮᬾᬢ᭄ᬦᬦ᭄ᬗᬤᬸᬓᬮᬕᬯᬦ᭄᭞ᬲᬮᬶᬂᬘᬄᬘᬄᬫᬕᭂᬦ᭄ᬢᬶ᭞ᬫᬢᬶᬓᬫᬢᬶᬳᬂ᭞ᬫᬢᬶᬦ᭄ᬤᬶᬄᬫᬫ᭄ᬩᬮ᭄ᬳᬫ᭄ᬩᬮ᭄᭞ᬩᬗ᭄ᬓᬾᬮᬬᭀᬦᬾᬗᬸᬮᬶᬦ᭄ᬢᬶᬓ᭄᭞ᬦ᭄ᬤᬤᬓᬂᬳᬶᬤ᭞ᬲᬗ᭄ᬳ᭄ᬬᬂᬲᬹᬃᬬ᭄ᬬᬫᬜᬧᬶᬄ᭚᭜᭚ᬧᬸᬧᬸᬄ᭞᭑᭔᭞ᬲᬶᬦᭀᬫ᭄
᭚ᬲᬹᬭᬤᬥᬹᬲᬫ᭄ᬧᬸᬦ᭄ᬩᬾᬩᬲ᭄᭞ᬭᬶᬂᬫᬾᬭᬸᬫᬮᬶᬄᬫᬗ᭄ᬭᬜ᭄ᬚᬶᬂ᭞ᬫᬗᬶᬮᬶᬗᬶᬦ᭄ᬧᭂᬘᬓ᭄ᬳᭂᬗ᭄ᬕᭀᬦ᭄᭞ᬯᬾᬦ᭄ᬢᭂᬦ᭄ᬭᬶ᭠ᬓᬳᬸᬳᬦ᭄ᬗ᭄ᬕᬶᬲᬶ᭞ᬳᬶᬭᬶᬓᬢᬍᬃᬧᭀᬮᬶᬄ᭞ᬳᬶᬢᬸᬯᬦ᭄ᬫᬮᬶᬗ᭄ᬕᬶᬄᬲᬫ᭄ᬧᬸᬦ᭄᭞ᬲᬤᬸᬓᬾᬫᬩᬩᬯᭀᬲ᭄᭞ᬧᬫᬢᬸᬢᬾ
ᬫᬋᬧ᭄ᬓᬗᬶᬦ᭄᭞ᬭᬵᬚᬩᬮᬶ᭞ᬫᬬᬸᬤᬭᬶᬂᬕᬫᬲᭂᬮᬫ᭄᭟ᬲᬫ᭄ᬧᬸᬦ᭄ᬫᬓᬓᬮᬶᬄᬬᬢ᭄ᬦ᭞ᬫᬗ᭄ᬓᬶᬦ᭄ᬓᬾᬘᬧ᭄ᬲᭂᬤᭂᬓ᭄ᬯᭂᬗᬶ᭞ᬅᬦᬓ᭄ᬅᬕᬸᬂᬗᬸᬭᬄᬮᭀᬮᭀᬲ᭄᭞ᬲᬋᬂᬭᬭᬧᬸᬢ᭄ᬭᬶᬲᬫᬶ᭞ᬧᬸᬢ᭄ᬭᬧᬸᬢᬸᬫᬗᬶᬭᬶᬂ᭞ᬓᬮᬶᬄᬧᬭᬭᬗ᭄ᬤ
Kaca:Bali-lontar-gaguritan-rusak-sasak-01-300ppi.pdf/65
Kaca puniki sampun kauji-wacén
