[᭖᭐60B]
᭖᭐
ᬩᬸᬤᬮ᭄᭞ᬫᬗ᭄ᬓᬶᬦ᭄ᬳᬸᬘᬧᬂᬫᬮᬶᬄ᭚᭜᭚ᬧᬸᬧᬸᬄ᭞᭑᭒᭞ᬲᬶᬦᭀᬫ᭄᭚ᬧᬸᬱ᭄ᬧᬶᬢᬦᬶᬂ᭠ᬤᬍᬫ᭄ᬧᬸᬭᬵ᭞ᬫᬗ᭄ᬓᬶᬦ᭄ᬫᬸᬯᬸᬄᬲᭂᬫᬂᬦᬗᬶᬲ᭄᭞ᬭᬵᬚᬧᬸᬢ᭄ᬭᬶᬧᬭᬭᬗ᭄ᬤᬵ᭞ᬧᬶᬦᬘᬂᬧᬘᬗᬦ᭄ᬲᬫᬶ᭞ᬫᬶᬯᬄᬲᭀᬭᭀᬄ
ᬓᬧᬶᬗᬶᬢ᭄᭞ᬢᬦᬶᬲᬾᬳᬸᬫᬸᬂᬫᬗ᭄ᬕᭂᬮᬸᬃ᭞ᬫᬲᬯᬂᬫᬸᬜᬶᬦ᭄ᬳᭀᬫ᭄ᬩᬓ᭄᭞ᬧᬦᭂᬤᭂᬂᬳᬗᬶᬦᬾᬳᬭᬶᬲ᭄᭞ᬢᬸᬳᬭᬲᬾᬬᭀᬲ᭄᭞ᬫᬦᬤᬶᬧᬭᬦᬶᬂᬲᭂᬫᬂ᭟ᬅᬦᬓ᭄ᬅᬕᬸᬂᬓᭂᬢᬸᬢ᭄ᬓᬭᬂ᭞ᬲᬂᬮᬶᬫᭀᬓ᭄ᬱᬭᬶᬂᬚᬸᬭᬶ᭠
ᬢ᭄᭞ᬭᬾᬄᬫᬦ᭄ᬤᬤᬶᬲᭂᬓᬃᬧᬦᭀᬦ᭄᭞ᬲᬫᬮᬶᬄᬧᬸᬦᬶᬓᬯᬶᬬᬓ᭄ᬢᬶ᭞ᬢᬶᬃᬬ᭄ᬬᬧᭀᬢ᭄ᬭᬓᬳᬸᬕᬶ᭞ᬧᬢᬸᬦ᭄ᬤᬤᬾᬯ᭄ᬯᬢᬲᬫ᭄ᬧᬸᬦ᭄᭞ᬦᬯᬦᬶᬦ᭄ᬓᬦᬶᬦ᭄ᬭᬳᬢ᭄᭞ᬧ᭄ᬭᬓᭀᬱᬫᬗᬤᬸᬚᬸᬭᬶᬢ᭄᭞ᬤᬸᬓ᭄ᬓᬚᬬ᭞ᬤᬾᬰᬦᬾ᭠
ᬭᬶᬂᬧᬕᭂᬲᬗᬦ᭄᭟ᬲᬂᬓᬮᬶᬄᬫᬓᬓᬭᬡᬦ᭄᭞ᬳᬗᬶᬲᬾᬢᬸᬳᬭᬫᬕᬦ᭄ᬢᬶ᭞ᬚ᭄ᬭᭀᬦᬶᬂᬧᬸᬭᬵᬫᬗ᭄ᬓᬶᬦ᭄ᬤᬶᬬᭀᬂ᭞ᬮᬮᬶᬭᬕᬦ᭄ᬤᬂᬓᬶᬗ᭄ᬓᬶᬂ᭞ᬯᬶᬳᬓ᭄ᬢᬶᬭᬳᬶᬦᬯᭂᬗᬶ᭞ᬮᬸᬧᬸᬢᬾᬂᬦ᭄ᬳᭀᬕᬢᬦ᭄ᬧᬢᬸᬭᬹ᭞ᬫᬦ᭄ᬤ᭠
[᭖᭑61A]
ᬤᬶᬓᬬᬸᬦ᭄ᬫᬦᬄ᭞ᬳᬧᬶᬧᬸᬳᬭᬡᬫᬗ᭄ᬓᬶᬦ᭄᭞ᬭᬾᬄᬢᬦ᭄ᬯᬸᬭᬸᬂ᭞ᬘᬓ᭄ᬭᬦᬾᬧᬘᬂᬓᬋᬕᬄ᭟ᬦᬾᬩᬾᬜ᭄ᬚᬂᬫᬮᬶᬄᬘᬭᬶᬢ᭞ᬲᬹᬭᬤᬥᬹᬫᬦᬶᬩᬾᬦᬶᬦ᭄᭞ᬓᭀᬢᬘᬓ᭄ᬭᬩᬜ᭄ᬚᬋᬦᬢ᭄᭞ᬲᬓᬶᬂᬧᬕᭂᬲᬗᬦ᭄ᬓᬮᬶᬄ
ᬫᬢᬭᬫ᭄ᬮᬶᬦ᭄ᬢᬂᬢᬶᬢᬶᬃ᭞ᬭᬢᬓᬳᬸᬚᬦᬶᬦ᭄ᬲᬫ᭄ᬧᬸᬦ᭄᭞ᬳᬓᬸᬤᬂᬤᬶᬦᬲᬸᬩ᭞ᬍᬫᭂᬂᬍᬫᬄᬢᬦ᭄ᬧᬕᬦ᭄ᬢᬶ᭞ᬓᭀᬢᬘᬓᬺ᭞ᬲᬓ᭄ᬱᬢ᭄ᬫᬫᬸᬲᬸᬄᬭᬶᬂᬓᬶᬮᬧ᭄᭟ᬫᬩᬶᬳᬬᬸᬳᬦ᭄ᬚ᭄ᬭᭀᬦᬶᬂᬕᭂᬮᬃ᭞ᬳᬤᬫᬢᬶᬲᭂᬤᭂᬓ᭄
ᬯᭂᬗᬶ᭞ᬳᬤᬫᬢᬶᬲᭂᬤᭂᬓ᭄ᬜᬓᬦ᭄᭞ᬢᬦ᭄ᬳᬸᬘᬧ᭄ᬫᬢᬶᬤᬶᬫᬃᬕ᭄ᬕᬶ᭞ᬳᬓᬸᬤᬂᬳᬸᬫᬄᬜᬸᬫ᭄ᬧ᭄ᬭᬶᬢ᭄᭞ᬮᬾᬦ᭄ᬧᬸᬳᬶᬦ᭄ᬢᭀᬂᬤᬤᬶᬢᬸᬮᬸᬂ᭞ᬤᬶᬧᬸᬭᬶᬫᬓᬤᬶᬜ᭞ᬬᬦ᭄ᬳᬓᬸᬤᬂᬳᬸᬫᬄᬩᬺᬲᬶᬄ᭞ᬢᬸᬢᬶᬂᬕᭂᬤᭀᬂ᭞ᬧᬲᬶᬫ᭄ᬧᭂᬦᬦ᭄ᬳᭀᬩᬢ᭄ᬩᬾᬩᬲ᭄᭟ᬤᬸᬓ᭄ᬧᬸᬳᬸᬦᬾᬓᬪᬶᬦᬯ᭞ᬭᬱᬫᬗᬸᬳᬸᬕᬂᬕᬸᬫᬶ᭞ᬫᬓᭂᬧ᭄ᬮᬸᬕ᭄ᬤᬤᬶᬗᬫ᭄ᬩᬭ᭞ᬳᬧᬶᬦᬾᬲᬓ᭄ᬱᬢᬂᬓᬤᬶ᭞ᬧᬋᬫ᭄ᬩ᭄ᬭᬳ᭄ᬫᬫᬗᬺᬱ᭄ᬋᬲᬶᬦ᭄᭞ᬫᬸᬜᬶᬦ᭄ᬗᬾᬗᬾᬗᬦᬾᬮᬶᬬᬸ᭞ᬜᬫ᭄ᬩᬢᬂᬤᬾᬯ᭄ᬯᬲ᭄ᬯᬾᬘ᭄ᬙ᭞ᬦᬸ᭠
Kaca:Bali-lontar-gaguritan-rusak-sasak-01-300ppi.pdf/61
Kaca puniki sampun kauji-wacén
