[᭕5B]
᭕
ᬤᬶᬭᬶᬯᬶᬳᬓ᭄ᬢᬶ᭞ᬲᬫ᭄ᬧᬸᬦ᭄ᬓᬤᬯᬸᬳᬦ᭄᭞ᬧᬧᬸᬘᬸᬓᬾᬫᬫᬃᬕ᭄ᬕ᭞ᬯᬾᬦ᭄ᬢᭂᬦ᭄ᬓ᭄ᬮᭀᬤ᭄ᬯᬾᬦ᭄ᬢᭂᬦ᭄ᬓ᭠ᬗᬶᬦ᭄᭞ᬲᬦᬾᬗᬗᬶᬦᬂ᭞ᬧ᭄ᬭᬗ᭄ᬕᬭᬢᬓᬸᬓᬸᬳᬶᬦ᭄᭟ᬰᬹᬭᬅᬫ᭄ᬮᬧᬸᬭᬵᬫᬸᬗ᭄ᬕᬄᬳᬶᬂᬥᬫ᭄ᬧ᭞ᬫᬧᬬᬸᬂᬓᬺ
ᬢᬲ᭄ᬓᬸᬦᬶᬂ᭞ᬫᬫᬲᬾᬗᬶᬭᬶᬗᬂ᭞ᬩᬸᬗᬄᬫᬧᭀᬦ᭄ᬢᬂᬳᭂᬫᬲ᭄᭞ᬧᬫᬃᬕ᭄ᬕᬶᬦᬾᬧᬥᬕᭂᬮᬶᬲ᭄᭞ᬢᬫ᭄ᬩᬸᬃ᭠ᬫᬢᬶᬫ᭄ᬩᬮ᭄᭞ᬫᬸᬜᬶᬦᬾᬫᬗᭂᬫ᭄ᬧᭂᬗᬶᬦ᭄᭟ᬓᭂᬩᬶᬬᬃᬓᬩᬶᬬᬸᬃᬮᬮᭀᬦ᭄ᬢᬾᬓᬾᬫᬧᬭᬤ᭞ᬫᬸᬭᬸᬩ᭄ᬫᬲᬯᬂ
ᬢᬢᬶᬢ᭄᭞ᬲᬸᬭᬓᬾᬫᬢᬶᬫ᭄ᬩᬮ᭄᭞ᬓᬤᬶᬲᬕᬭᬗᭂᬜ᭄ᬘᬄ᭞ᬧᬕᬺᬤᭂᬕ᭄ᬲᬮᬦ᭄ᬢᬂᬫᬃᬕ᭄ᬕᬶ᭞ᬲᬶᬓᭂᬧ᭄᭞᭠ᬮᬓ᭄ᬱᬬᬦ᭄᭞ᬕᬶᬦ᭄ᬢᬶᬂᬧᬥᬩᬩᭂᬘᬶᬓ᭄᭟ᬢᬜ᭄ᬘᬭᬶᬢᬦ᭄ᬤᬶᬫᬃᬕ᭄ᬕᬶᬲᬫ᭄ᬧᬸᬦ᭄ᬫᬦᬧᬓ᭄᭞ᬫᬸᬗ᭄ᬕ᭄ᬯᬶᬂᬤᬾᬰᬓ᭠
ᬤᬶᬭᬶ᭞ᬳᬤᬫᬗᬢᬸᬭᬂ᭞ᬫᬸᬲᬸᬳᬾᬲᬸᬩᬢᭂᬓᬵ᭞ᬤᬶᬚᬮᬡ᭄ᬝᬶᬓ᭄ᬯᬶᬳᬓ᭄ᬢᬶᬢᬶᬢᬶᬄ᭞ᬩᬸᬓᬓᭂ᭠ᬢᭀᬕᬂ᭞ᬲᬧ᭄ᬭᬬᬫᬫ᭄ᬩ᭄ᬭᬶᬬᬸᬓᬶᬦ᭄᭟ᬦᬾᬫᬳᬤᬦ᭄ᬩᬗ᭄ᬓᭀᬮ᭄ᬫᬳᬶᬮ᭄ᬧᬕᬸᬭᬸᬳᬦ᭄᭞ᬯᬢᬓ᭄ᬳᬮᬶᬫᬾ᭠
[᭖6A]
ᬲᬫᬶ᭞ᬤᬶᬤᬾᬰᬫᬭᬬ᭞ᬲᬳᬢ᭄ᬧᬥᬦᬸᬳᬸᬢᬂ᭞ᬘᭀᬗᬄᬜᬦᬾᬓᬦᬕᬭ᭞ᬰᬹᬭᬵᬫ᭄ᬮᬧᬸᬭᬵ᭞ᬕᬗ᭄ᬲᬸᬄᬩᬦ᭄ᬤᬶᬓᬕᭂᬮᬶᬲ᭄᭟ᬫᬗᬸᬢᬸᬲᬂᬪᬳᬸᬥᬡ᭄ᬥᬓᬧᬃᬘ᭄ᬮᬬ᭞ᬫᭂᬦ᭄ᬤᬓ᭄ᬫᬸᬲᬸᬳᬾᬭᬭᬶᬲ᭄᭞ᬭᬦ᭄ᬢᬩᬦ᭄ᬫᬚᬮ
ᬦ᭄᭞ᬗᬸᬦ᭄ᬢᬲᬂᬤᬗᬶᬦ᭄ᬢᬸᬓᬤ᭄᭞ᬧᬓᬸᬓᭂᬮᬶᬂᬓᬯᬱ᭄ᬝᬦᬶᬦ᭄᭞ᬤᬶᬢᬸᬓᬧᭂᬦ᭄ᬤᬓ᭄᭞ᬲᬢ᭄ᬭᬸᬦᬾᬫᬗ᭄ᬭᬶᬳᬶᬦᬶᬦ᭄᭟ᬕᬮᬓ᭄ᬗᬫᬸᬓ᭄ᬲᬶᬓᭂᬧᬾᬲᬓᬶᬂᬦᬕᬭ᭞ᬯᬾᬦ᭄ᬢᭂᬦ᭄ᬭᬸᬲᬓ᭄ᬮᬾᬦ᭄ᬓᬦᬶᬦ᭄᭞ᬓᬲᬾᬧᬦ᭄ᬫᬢᬶᬗ᭄ᬓᬄ᭞ᬫᬓᬶᬍᬲ᭄
ᬤᬯᬸᬄᬢᬸᬓᬤ᭄᭞ᬤᬶᬢᬸᬗᬮᬶᬄᬢᬤᬄᬦᭂᬘᬶᬓ᭄᭞ᬕᭂᬮᬶᬲ᭄ᬫᬤᬩ᭄ᬤᬩ᭄᭞ᬗᬫ᭄ᬩᬶᬬᬭᬂᬲᬶᬓᭂᬧ᭄ᬢᬭᬶᬓ᭄᭟ᬓᬮᬶᬄᬳᬶᬤᬰᬹᬭᬅᬫ᭄ᬮᬧᬸᬭᬵᬫᭂᬗ᭄ᬕᬄ᭞ᬳᬦ᭄ᬢᬸᬓᬾᬓᬳᬩᬦᬶᬦ᭄᭞ᬩᬳᬦ᭄ᬫᬸᬲᬸᬄᬧᬭᬬ᭞ᬭᬭᬶᬲ᭄ᬳᬶᬤᬗᬦ᭄ᬤᬶᬓ᭞ᬗᬋᬧᬂ᭠
ᬩᭂᬤᬶᬮ᭄ᬧᬗᬯᬶᬦ᭄᭞ᬫᬸᬲᬸᬳᬾᬳᬸᬘᬧ᭄᭞ᬫᬗ᭄ᬮᬶᬦ᭄ᬢᬂᬢᬸᬓᬤ᭄ᬕᭂᬮᬶᬲ᭄᭟ᬲᬓ᭄ᬱᬢ᭄ᬩᬦ᭄ᬢᬾᬂᬳᬫ᭄ᬩᬭᬦ᭄᭞ᬓᬸᬘᬸᬓ᭄ᬗᬋᬧᬂ᭞ᬲᬶᬓᭂᬧ᭄ᬦᬕᬭᬓᬤᬶ᭞ᬲᬶᬗ᭄ᬳᬵᬲᭂᬤᭂᬂᬕᬮᬓ᭄᭞ᬕᬶᬦ᭄ᬢᬶᬂᬧᬥᬗᬋᬧᬂ᭞ᬓᬶᬯ᭄ᬯᬢᭂᬗᭂᬦ᭄ᬫᬫ᭄ᬩᭂᬤᬶᬮᬶᬦ᭄᭞᭠
Kaca:Bali-lontar-gaguritan-rusak-sasak-01-300ppi.pdf/6
Kaca puniki sampun kauji-wacén
