[᭕᭖56B]
᭕᭖
᭚ᬧᬸᬧᬸᬄ᭞᭑᭑᭞ᬤᬹᬫ᭄ᬫᬵ᭚ᬤᬹᬃᬦ᭄ᬦᬶᬫᬶᬢ᭄ᬢᬦᬶᬂᬫᬢᬭᬫ᭄ᬫᬗ᭄ᬓᬶᬦ᭄ᬓᬋᬕᬄ᭞ᬲᬹᬭᬤᬥᬹᬗᬸᬚᬦᬶᬦ᭄᭞ᬩᬦ᭄ᬫᬶᬫᬶᬲᬶᬦᬧᬂ᭞ᬲᬓᬶᬂᬓᭂᬮᭀᬤ᭄ᬦᬋᬚᬓ᭄᭞ᬫᬕᬸᬮᬸᬗᬦ᭄ᬲᬯᬂᬓᬤᬶ᭞ᬗᬸᬍᬫ᭄ᬗ᭄ᬭᬦᬬᬂ᭞ᬲᬩᭂᬄᬗ᭄ᬮᬾᬤᭀᬕᬂᬕᬸᬫᬶ᭟
ᬫᬫᬢᬶᬗᬾᬭᬶᬂᬫᬢᬭᬫ᭄ᬲᬫ᭄ᬧᬸᬦ᭄ᬫᭂᬦ᭄ᬤᬓ᭄᭞ᬬᬢ᭄ᬦᬫᬗ᭄ᬯᬍᬲ᭄ᬫ᭄ᬩᭂᬤᬶᬮ᭄᭞ᬲᬓᬶᬂᬚ᭄ᬭᭀᬦᬶᬂᬓᬸᬝᬵ᭞ᬓᬸᬚᬦᬦ᭄ᬢᬸᬳᬭᬧᭂᬢ᭄᭞ᬲᬸᬭᬤᬥᬹᬳᬓᬾᬄᬫᬢᬶ᭞ᬯᬶᬭᬾᬄᬓᬩᬦᬦ᭄᭞ᬫᬦᬧᬶᬳᬸᬚᬦ᭄ᬫᬶᬫᬶᬲ᭄᭟ᬫᬕ᭄ᬮᬶᬬᬸᬭ᭠
ᬦ᭄ᬫᬲᬸᬦ᭄ᬤᬸᬮ᭄ᬲᬸᬦ᭄ᬤᬮᬦ᭄ᬦᬺᬚᬓ᭄᭞ᬳᬲᬶᬂᬫᬦᭀᬗ᭄ᬲᭀᬓ᭄ᬫᬢᬶ᭞ᬳᬧᬦ᭄ᬤᬶᬢᬸᬲᭂᬗ᭄ᬓᬵ᭞ᬕᭂᬮᬃᬗᬋᬧᬸᬦ᭄ᬢᬸᬓᬤ᭄᭞ᬦᬾᬫᬗ᭄ᬓᬶᬦ᭄ᬳᬸᬘᬧᬂᬫᬸᬮᬶᬄ᭞ᬦᬓ᭄ᬅᬕᬸᬂᬗᬸᬭᬄ᭞ᬕᭀᬗ᭄ᬲᭀᬃᬭᬯᬸᬳᬾᬕᭂᬮᬶᬲ᭄᭟ᬓᬫᬢᬭᬫ᭄᭠
ᬲᬳᬲᬜ᭄ᬚᬢᬫᬗᬧ᭄᭞ᬭᬶᬂᬧᭂᬫ᭄ᬧᬢᬦ᭄ᬫᬮᬶᬗ᭄ᬕᬶᬄ᭞ᬧᬫᬢᬶᬂᬫᬗᬫ᭄ᬩᬶᬳᬃ᭞ᬓᬤᬶᬲᭂᬓᬃᬲᬕᬮᬲ᭄᭞ᬲᬶᬂᬢᭂᬢᭂᬄᬧᬘᬂᬢᬫ᭄ᬧᬶᬄ᭞ᬳᬶᬤᬳᬦᬓ᭄ᬤ᭞ᬳᬸᬦ᭄ᬢᬢ᭄ᬅᬫ᭄ᬮᬦᬕᬭᬶ᭟ᬢᬸᬳᬭᬚᭂᬦᭂᬓ᭄ᬫᬮᬶᬗ᭄ᬕᬶᬄᬲᬳᬢ᭄ᬗᬤᬸᬯᬂ᭠
[᭕᭗57A]
ᬧᬫᬢᬶᬂᬫᬫ᭄ᬩᭂᬤᬶᬮᬶᬦ᭄᭞ᬓᬸᬫ᭄ᬧᭂᬦᬶᬲᬶᬂᬳᬸᬮᬄ᭞ᬓᬮᬶᬄᬧᬸᬗ᭄ᬕᬯᬲᬸᬩ᭞ᬓᬤᬯᬸᬳᬦ᭄ᬧᬥᬕᬶᬦ᭄ᬢᬶᬂ᭞ᬫᬗᬥᬸᬭᬾᬜ᭄ᬘᬂ᭞ᬓᭂᬮᭀᬤ᭄ᬓᬳᬸᬄᬓᬸᬓᬸᬳᬶᬦ᭄᭟ᬢᬹᬃᬦᬾᬓᬳᬸᬄᬅᬦᬓ᭄ᬅᬕᬸᬂᬚᭂᬦᭂᬓ᭄ᬫᬮᬶᬗ᭄ᬕ᭞ᬓᭂᬢᬸᬢ᭄ᬚ᭄ᬮ
ᬡ᭄ᬝᬶᬓ᭄ᬧᬧᬲᬶᬄ᭞ᬢᭀᬲ᭄ᬦᬶᬂᬧᬸᬭᬶᬧᬹᬢ᭄ᬯ᭞ᬫᬢᬭᬫ᭄ᬮᬶᬗ᭄ᬕᬶᬄᬳᬶᬤ᭞ᬓᬺᬡᬧᬲᬶᬳᬢᬾᬤᬤᬶ᭞ᬮᬸᬕᭂᬢ᭄ᬫᭀᬲᭀᬕᬦ᭄᭞ᬲᬓᬾᬂᬩᬸᬳᭂᬦ᭄ᬤᬕ᭄ᬳᬳᬶ᭟ᬧᬶᬦᭂᬄᬲᬫ᭄ᬧᬸᬦ᭄ᬲᬗ᭄ᬳ᭄ᬬᬂᬲᬹᬃᬬ᭄ᬬᬩᭂᬦᭂᬄᬫᬸᬗ᭄ᬕᬄ᭞ᬧᬶᬂᬓᬸᬤᬯᬮᬶᬯᬮᬶ᭞ᬓᬸ
ᬫ᭄ᬧᭂᬦᬶᬜᬳᬢᬂ᭞ᬗᬺᬕᬄᬓᬶᬤᬸᬮᬶᬂᬧᬸᬭᬵ᭞ᬫᬾᬄᬲᬢᬓᬦ᭄ᬓᬦᬶᬦ᭄ᬫᬢᬶ᭞ᬢᬸᬳᬭᬓᬲᬶᬤᬦ᭄᭞ᬦ᭄ᬤᭂᬲᭂᬓ᭄ᬕᭂᬮᬭᬾᬭᬶᬫ᭄ᬩᬶᬢ᭄᭟ᬧᬢ᭄ᬓᬳᭀᬢᬕ᭄ᬩᬦ᭄ᬫᬭᬶᬬᭂᬫ᭄ᬢᬸᬳᬭᬧᭂᬕᬢ᭄᭞ᬕᬸᬮᬶᬓᬸᬳᬸᬄᬗᬸᬚᬦᬶᬦ᭄᭞ᬤᬤᬶᬩᬸ᭠
ᬓᬳᬫ᭄ᬧᬸᬭ᭞ᬲᬶᬓᭂᬧᬾᬤᬶᬦᬕᬭ᭞ᬩᬸᬘᬸᬓᭂᬮᭀᬤ᭄ᬓᬳᬸᬄᬢᬶᬫ᭄ᬩᬶᬲ᭄᭞ᬢᬸᬳᬭᬜᬾᬗᭂᬳᬂ᭞ᬲᬹᬭᬤᬥᬹᬗ᭄ᬮᭀᬮᭀᬲᬶᬦ᭄᭟ᬲᬓᬶᬂᬢᬫᬦ᭄ᬧᬸᬥᬓ᭄ᬱᬭᬶᬦᬺᬚᬓ᭄᭞ᬗ᭄ᬕᬶᬲᬶᬕᭂᬮᬃᬫᬫ᭄ᬩᭂᬤᬶᬮ᭄᭞ᬩ᭄ᬭᬶᬬᬸᬓ᭄ᬳᬤᬤᭀᬫᬲ᭄᭞ᬧ᭠
Kaca:Bali-lontar-gaguritan-rusak-sasak-01-300ppi.pdf/57
Kaca puniki sampun kauji-wacén
