[᭔᭖46B]
᭔᭖
ᬗᬶᬮ᭄᭟ᬚ᭄ᬭᭀᬦᬶᬂᬓᬭᬂᬓᬢᭂᬫᬗᬶᬦ᭄ᬢᬸᬳᬭᬧᭂᬕᬢ᭄᭞ᬧᬥᬲᬮᬶᬂᬩᭂᬤᬶᬮᬶᬦ᭄᭞ᬗᬤᬸᬓ᭄ᬧᬺᬯᬶᬭᬦ᭄᭞ᬯᬶᬦᭂᬳᬦ᭄ᬲᬸᬭᬸᬧ᭄ᬲᬹᬃᬬ᭄ᬬ᭞ᬧᬗᬶᬢᭂᬭᬾᬢᬸᬳᬭᬧᬶᬳᬶᬦ᭄᭞ᬩᭂᬤᬸᬮ᭄ᬮᬾᬦ᭄ᬢᬸᬫ᭄ᬩᬓ᭄᭞ᬧᬫᬢᬶᬂᬭᬶᬂᬦᬕᬭᬶ᭞ᬩᬾ
ᬜ᭄ᬚᬂᬘᬭᬶᬢᬅᬦᬓ᭄ᬅᬕᬸᬂᬦᬾᬤᬶᬘᬓᬺ᭞ᬫᬢᬭᬫ᭄ᬫᬦ᭄ᬤᬯᬶᬳᬶᬦ᭄᭞ᬦᭂᬮᭀᬓᬶᬦ᭄ᬦᭂᬤᭂᬲᬂ᭞ᬓᬸᬫ᭄ᬧᭂᬦᬶᬓᬮᬶᬄᬧᬲᬮ᭄᭞ᬦᬾᬤᬶᬫᬾᬭᬸᬘᬓ᭄ᬭᬓᬮᬶᬄ᭞ᬤᬶᬓ᭄ᬱᬾᬢ᭄ᬭᬦ᭄ᬓᬭᬂ᭞ᬚᬗ᭄ᬓᭀᬗᬾᬲᬸᬩᬲᭂᬧᬶ᭟ᬲᬫᬶᬩᬸ᭠
ᬦ᭄ᬢᬲ᭄ᬧᬗᬸᬗ᭄ᬲᬶᬦᬾᬓᬅᬫ᭄ᬧᭂᬦᬦ᭄᭞ᬭᬶᬂᬲ᭄ᬯᬾᬢ᭄ᬢᬳᬸᬘᬧ᭄ᬫᬮᬶᬄ᭞ᬢᬸᬯᬦ᭄ᬓᬧ᭄ᬢᬾᬦ᭄ᬲᬸᬩ᭞ᬫᬦᬸᬦᬲ᭄ᬓᬳᬸ᭠ᬭᬶᬧᬦ᭄᭞ᬫᬶᬯᬄᬲᬹᬭᬤᬥᬹᬲᬫᬶ᭞ᬫᬲ᭄ᬭᬄᬕᬕᬫᬦ᭄᭞ᬓᬳᬢᬹᬃᬧᬺᬫᬗ᭄ᬓᬶᬦ᭄᭟ᬭᬶᬂᬅᬦᬓᬾᬅᬕᬸᬂᬗᬸᬭᬄᬮᬶ᭠
ᬦ᭄ᬢᬂᬲ᭄ᬯᬾᬘ᭞ᬓᬳᭀᬃᬢᬶᬦ᭄ᬫᬗ᭄ᬭᬭᬶᬲ᭄᭞ᬧᬶᬲᬸᬕᬸᬄᬢᬦ᭄ᬓᬶᬭᬂ᭞ᬲᬳᬳᬶᬦᬸᬫ᭄ᬳᬶᬦᬸᬫᬦ᭄᭠ᬫᬗ᭄ᬭᬭᬸᬲ᭄᭞ᬓᬧᬶᬲᬦ᭄ᬤᭂᬓᬂ᭞ᬧ᭄ᬭᬫᬤᬫᬶᬘᬸᬫᬯᬶᬲ᭄᭟ᬢᬦ᭄ᬳᬘᬧᬦ᭄ᬲᭀᬭᭀᬄᬲᬦᬾᬫᬚᬚᬭᬄ᭞ᬩᬭᬂᬩ
[᭔᭗47A]
ᬭᬂᬚᬸᬫ᭄ᬧᭂᬦᬶ᭞ᬲᬧᬓᬓᬲ᭄ᬬᬸᬤ᭞ᬧᬭᬩᭀᬢ᭄ᬫᬧᬾᬮᬕᬦ᭄᭞ᬫᬗ᭄ᬓᬶᬦ᭄ᬅᬦᬓ᭄ᬅᬕᬸᬂᬮᬶᬗ᭄ᬲᬶᬃ᭞ᬫ᭠ᬮᬶᬄᬳᬸᬘᬧᬂ᭞ᬓᬢᬗ᭄ᬓᬶᬮ᭄ᬲᭂᬤᭂᬓ᭄ᬯᭂᬗᬶ᭟ᬧᬺᬧᬸᬗ᭄ᬕᬯᬲᬫ᭄ᬧᬸᬦ᭄ᬳᬚᭂᬗᬦ᭄᭞ᬅᬦᬓᬾᬅᬕᬸᬂᬭᬭᬶᬲ᭄᭞ᬋ᭠
ᬦ᭄ᬢᭂᬄᬧᬗᭂᬦ᭄ᬤᬶᬓ᭞ᬭᬶᬂᬧᬭᬪᬳᬸᬥᬡ᭄ᬥᬵ᭞ᬫᬓᬬᬸᬦᬦ᭄ᬲᬓᬶᬂᬳᬭᬶᬲ᭄᭞ᬧᬘᬂᬫᬗ᭄ᬮᬾᬩᬂ᭞ᬳᬶᬲᬹᬭᬤᬥᬹᬓᭂᬦᬶ᭞ᬯᬱᬘᬜᬭ᭄ᬯᬧᬘᬂᬓᬲᬗ᭄ᬓᬸᬮᬵ᭞ᬧᭀᬮᬶᬄᬫᬥᬦᬳᬸᬭᬶᬧ᭄᭞ᬫᬓᬤᬶᬬᬦ᭄ᬳᬤ᭞ᬲ᭄ᬯᬾᬘ᭄ᬙᬦ᭄ᬳᬶᬤᬪᬝᬵ᭞ᬲᬓᬸᬫ᭄ᬧᭂ᭠
ᬦᬶᬓᬳᬶᬜ᭄ᬘᭂᬮᬶᬦ᭄᭞ᬓᬳᬶᬘᬦ᭄ᬗ᭄ᬭᬱ᭞ᬜᬧᬶᬄᬬᬸᬤᬦᬾᬤᬤᬶ᭟ᬯᬶᬭᬾᬄᬳᬤᬫᬓᬘᬶᬭᬶᬦᬾᬓᬢᬸ᭠ᬮᬓ᭄᭞ᬘᬶᬳ᭄ᬦᬦᬶᬂᬢᬸᬳᬭᬕᬢᬶ᭞ᬳᬋᬧ᭄ᬫᬗᬤᬬᬂ᭞ᬓᬮᬶᬳᬾᬭᬶᬂᬧᬲᬶᬳᬦ᭄᭞ᬧᬸᬗ᭄ᬕᬯᬫᬫᬢᬸᬲᬫᬶ᭞ᬫᬗ᭄ᬤᬗ᭄ᬕᬶ᭠
ᬮᬶᬲᬂ᭞ᬫᬋᬧ᭄ᬓᬤᬗᬶᬦ᭄ᬚᬸᬭᬶᬂ᭟ᬅᬦᬓ᭄ᬅᬕᬸᬂᬫᬗᬦ᭄ᬤᬶᬓᬦᬄᬮᬳᬸᬢᬂ᭞ᬦᬾᬫᬦᬶᬧᬸᬭᬸᬧᬸᬢᬶᬦ᭄᭞ᬮᬾᬩᬂᬳᬧᬂᬫᭂᬮᬄ᭞ᬭᬾᬄᬢᬸᬳᬭᬳᬤᬧᬮᬃ᭞ᬳᬶᬓᬸᬫ᭄ᬧᭂᬦᬶᬳᭂᬦᬸᬤᬶ᭞ᬫᬲᬶᬄᬤᬃᬢ᭄ᬢᬬᬂ᭞ᬥᬃᬫ᭄ᬫᬦ᭄
Kaca:Bali-lontar-gaguritan-rusak-sasak-01-300ppi.pdf/47
Kaca puniki sampun kauji-wacén
