[᭔᭐40B]
᭔᭐
ᬳᬶᬢᬸᬯᬦ᭄᭞ᬅᬦᬓ᭄ᬅᬕᬸᬂᬗᬸᬭᬄᬮᬶᬦ᭄ᬢᬂᬫᬶᬲᬶᬗ᭄ᬕᬶᬄ᭞ᬲᬫ᭄ᬧᬸᬦ᭄ᬓᬧᬶᬳᬸᬦᬶᬂᬧᬸᬧᬸᬢ᭄ᬭᬶᬂᬮᬶᬗ᭄ᬕᬶᬄᬰ᭄ᬭᬶᬤᬸᬓᬢᬸᬯᬦ᭄ᬋᬱᬶᬤᬾᬦ᭄ᬤᬳᬢᬶᬂᬳᬾᬦᬓ᭄ᬭᬶᬂᬓᬬᬸᬦ᭄᭞ᬘᬶᬳ᭄ᬦᬦᬶᬂᬮᬸᬕᭂᬢ᭄ᬫᬲᬶᬳᬦ᭄᭞ᬭᬯᬸᬄᬓᬧᬶᬗᬸᬭᬶᬗ᭄ᬕᬶᬮᬶᬲ᭄᭚᭜᭚
ᬧᬸᬧᬸᬄ᭞᭖᭞ᬲᬶᬦᭀᬫ᭄᭚ᬓᬲᬶᬦᭀᬫᬦ᭄ᬭᬶᬂᬦᬕᬭ᭞ᬲᬧᬺᬫᬾᬦᬓ᭄ᬓᬥᬂᬅᬚᬶ᭞ᬫᬓᬫᬶᬯᬄᬚᬸᬭᬸᬭᬯᭀᬲ᭄᭞ᬧᬺᬩ᭄ᬓᭂᬮ᭄ᬧᬸᬗ᭄ᬕᬯᬲᬫᬶ᭞ᬧᬥᬫᬗ᭄ᬭᬱᬳᬸᬭᬶᬧ᭄᭞ᬩᬦ᭄ᬭᬯᭀᬲᬾᬲᬶᬤᬭᬸᬲᬓ᭄᭞ᬳᬋ
ᬧᬾᬭᬶᬂᬳᬶᬢᬸᬯᬦ᭄᭞ᬬᬾᬦ᭄ᬢᭂᬓᬫᬦ᭄ᬤᬤᬶᬓᬮᬶ᭞ᬢᬸᬳᬭᬩᬸᬳᬸᬂᬦᬕᬭᬦᬾᬧᬘᬂᬭᬸᬲᬓ᭄᭟ᬦᬾᬫᬗ᭄ᬓᬶᬦ᭄ᬕᬗ᭄ᬲᬃᬳᬗᬸᬘᬧ᭄᭞ᬳᬶᬤᬳᬦᬓ᭄ᬅᬕᬸᬂᬮᬶᬗ᭄ᬲᬶᬃ᭞ᬲᬫ᭄ᬧᬸᬦ᭄ᬗᬫᭂᬤᬮᬂᬳᭀᬗ᭄ᬓᭀᬲ᭄᭞ᬭᬶᬗ᭄ᬕᬶᬢ᭄ᬫᬯᬤᬄᬓᬮ᭠
ᬫ᭄ᬧᬶ᭞ᬳᬓᬸᬤᬂᬧᬶᬓᬸᬮ᭄ᬗᬶᬦ᭄᭞ᬓᬢᬹᬃᬭᬶᬂᬳᬶᬢᬸᬯᬦ᭄ᬲᬫ᭄ᬧᬸᬦ᭄᭞ᬦᬗ᭄ᬳᬶᬂᬤᬸᬭᬸᬂᬫᬦᬧᬓ᭄᭞ᬫᬓᬢᬶᬕᬂᬓᭂᬝᬶᬭᬶᬗ᭄ᬕᬶᬢ᭄᭞ᬰ᭄ᬭᬶᬧᬤᬸᬓᬢᬸᬯᬦ᭄ᬋᬱᬶᬤᬾᬦ᭄ᬫᬗ᭄ᬓᬶᬦ᭄ᬓᭀᬘᬧ᭄᭟ᬧᬸᬧᬸᬢ᭄ᬲᬫ᭄ᬧᬸᬦ᭄ᬫᬫ᭄ᬩᬯᭀ
[᭔᭑41A]
ᬲᬂ᭞ᬭᬶᬂᬳᬶᬢᬸᬯᬦ᭄ᬚᬾᬦ᭄ᬤ᭄ᬭᬮ᭄ᬓᬮᬶᬄ᭞ᬪᬝᬵᬯᬶᬫᬶᬯᬄᬲᬸᬫᬭᬂ᭞ᬫᬗᬸᬢᬸᬲ᭄ᬓᬤᬗᬶᬦ᭄ᬚᬸᬭᬂ᭞ᬲᬹᬭᬤᬥᬹᬦᬾᬫᬕᭂᬮᬶᬓ᭄᭞ᬬᬦ᭄ᬳᬓᬸᬤᬂᬧᭀᬳᭀᬲᬫ᭄ᬧᬸᬦ᭄᭞ᬫᬳᬾᬦ᭄ᬢᭂᬃᬩᬦ᭄ᬓᬸᬫᭂᬦ᭄ᬤᬦ᭄᭞ᬫᬓᬤᬶᬉᬩ᭄ᬭᬸᬲ᭄ᬫᬸᬲᬸ
ᬗᬶᬦ᭄᭞ᬓᬧ᭄ᬢᬾᬦ᭄ᬓᬧ᭄ᬢᬾᬦ᭄ᬫᬫᬃᬕ᭄ᬕᬶᬲᬫᬶᬗᬲᬢᬂ᭟ᬧᬕᬫᭂᬮᬾᬩᬶᬮᬂᬤᬾᬰ᭞ᬲᬲᭀᬭᭀᬳᬦ᭄ᬤᬗᬶᬜ᭄ᬚᬸᬭᬶᬂ᭞ᬫᬓᬫᬶᬯᬄᬭᬶᬂᬧᬭᬬ᭞ᬫᬓᬤᬶᬲᬓᬶᬂᬦᬕᬭᬶ᭞ᬭᬵᬚᬧᬸᬢ᭄ᬭᬦᬾᬲᬫᬶ᭞ᬦᬧᬓ᭄ᬓᬧᬭᬦᬶᬦ᭄᭠
ᬲᬫ᭄ᬧᬸᬦ᭄᭞ᬗᬸᬲᬦᬂᬦᬗᬸᬦ᭄ᬬᬸᬤ᭞ᬤᬾᬦᬶᬂᬭᬯᭀᬲᬫ᭄ᬧᬸᬦ᭄ᬧᬲ᭄ᬢᬶ᭞ᬢᬸᬯᬦ᭄ᬋᬱᬶᬤᬾᬦ᭄ᬲᬋᬭᬵᬚᬦᬾᬭᬶᬂᬘᬓᬺ᭟ᬧᬕᬫᭂᬮᬾᬲᬫᬶᬩᬸᬤᬮ᭄᭞ᬲᬤᬕᬶᬂᬦᬕᬭᬗᬶᬭᬶᬂ᭞ᬩᬩᬯᭀᬲᬦᬾᬓᬯᬰ᭞ᬭᬶᬂᬓᭀᬢᬘᬓᬺ
ᬫᬓᬤᬶ᭞ᬳᬶᬢᬸᬯᬦ᭄ᬦᬾᬫᬦ᭄ᬤᬶᬭᬶ᭞ᬭᬶᬂᬲᬶᬗ᭄ᬳᬵᬭᬚᬓᬳᬸᬢᬸᬲ᭄᭞ᬳᬦ᭄ᬢᬸᬓ᭄ᬧᬮᬶᬗ᭄ᬕᬶᬄᬳᬶᬤ᭞ᬰ᭄ᬭᬶᬧᬤᬸᬓᬭᬶᬂᬪᬝᬵᬯᬶ᭞ᬓᬮᬶᬂᬲᭂᬮᬫ᭄ᬧᬘᬂᬩᬦᬶᬫᬫ᭄ᬩᬓ᭄ᬧᬶᬯᬮ᭄᭟ᬫᬗ᭄ᬓᬶᬦ᭄ᬓᭀᬘᬧ᭄ᬭᬶᬂᬦᬕᬭ᭞ᬅᬦᬓ᭄ᬅ᭠
Kaca:Bali-lontar-gaguritan-rusak-sasak-01-300ppi.pdf/41
Kaca puniki sampun kauji-wacén
