[᭓᭒32B]
᭓᭒
ᬢᬫᬦ᭄ᬲᬸᬩᬩᬾᬩᬲ᭄᭞ᬫᬸᬲᬸᬳᬾᬫᬗᭂᬜ᭄ᬚᬸᬢᬶᬦ᭄᭞ᬢᬸᬢᬶᬂᬦᬾᬤᬶᬲᭂᬮᬢ᭄᭞ᬤᬚᬦ᭄ᬦᬃᬫ᭄ᬫᬤᬢᭂᬮᬲ᭄᭞᭠ᬕᭂᬲᭂᬂᬩᬦ᭄ᬫᬸᬲᬸᬄᬜᬶᬳᬢᬶᬦ᭄᭞ᬧᬶᬮᬶᬄᬤᬲ᭄ᬤᬲᬦ᭄᭞ᬦᬵᬃᬫ᭄ᬫᬤᬓᬮᬶᬦ᭄ᬢᬶᬗᬶᬦ᭄᭟ᬳᬶᬤᬅᬦᬓ᭄ᬅᬕᬸᬂᬗᬸᬭᬄᬫᭂ᭠
ᬗ᭄ᬕᬄᬧᬶᬲᬦ᭄᭞ᬳᬯᬶᬦᬦ᭄ᬧ᭄ᬭᬫᬗ᭄ᬓᬶᬦ᭄᭞ᬫᬫ᭄ᬩᬸᬤᬮᬶᬦ᭄ᬤᬾᬰ᭞ᬩᬢᬸᬚᬳᬶᬭᬶᬓ᭞ᬯᬶᬃᬬ᭄ᬬᬚᬮᬚᬗᬦ᭄ᬢᬶ᭠ᬳᬦᬶᬦ᭄᭞ᬦᬾᬓᬮᬶᬄᬤᬾᬰ᭞ᬭᬶᬂᬲᬸᬓᬭᬭ᭞ᬢᬶᬦ᭄ᬤᬶᬄ᭞ᬢᬸᬯᬶᬯᬾᬦ᭄ᬢᭂᬦ᭄ᬧ᭄ᬭᬧᬸᬢᬺᬤᬶᬢᬸᬫᬮᬶᬗ᭄ᬕ᭞ᬳᬸᬦ᭄ᬢᬢ᭄ᬚᬮ᭠
ᬚᬦᬫᬶ᭞ᬢᬸᬲ᭄ᬦᬶᬂᬧᬸᬭᬶᬋᬧᬹᬃᬯ᭄ᬯ᭞ᬫᬢᬭᬫ᭄ᬮᬶᬗ᭄ᬕᬶᬄᬳᬶᬤ᭞ᬓᭀᬘᬧ᭄ᬅᬦᬓ᭄ᬅᬕ᭄ᬕᬸᬂᬮᬶᬗ᭄ᬲᬶᬃ᭞ᬕᬕᬾᬲᭀᬦ᭄ᬧᬶᬲᬦ᭄᭞ᬭᬯᬸᬳᬾᬓᬦᬕᬭᬶ᭟ᬫᬗ᭄ᬭᬭᬶᬲ᭄ᬓᬦᬵᬃᬫᬤᬕᬕᭂᬮᬶᬲᬦ᭄᭞ᬬᬦ᭄ᬓᬸᬤᬂᬤᬶᬦᬯᬶᬳᬓ᭄ᬢᬶ᭞ᬫᬮᬶᬄᬳᬶᬤ᭠
ᬗᬸᬦ᭄ᬢᬲ᭄᭞ᬲᬢ᭄ᬭᬸᬦᬾᬤᭂᬮᭀᬤ᭄ᬩᬩᬓ᭄᭞ᬲᬶᬦ᭄ᬢᬸᬂᬋᬜᭂᬫ᭄ᬓᬧᬶᬂᬓᬮᬶᬄ᭞ᬦᬸᬗ᭄ᬓᭂᬤ᭄ᬓᬧ᭄ᬭᬶᬗ᭄ᬕ᭞ᬭᬢᬫᬓᭂᬚᬂᬮᬶᬮᬶᬄ᭟ᬲᬮᬶᬗ᭄ᬓᬾᬜᬲᭀᬭᭀᬄᬲᬤᬗᬶᬦ᭄ᬦᬵᬃᬫ᭄ᬫᬤ᭞ᬫᬸᬲᬸᬳᬾᬳᭀᬜᬩᭂᬮᬶᬢ᭄᭞ᬗᬸᬗ᭄ᬲᬶᬤᬾᬰᬢᭂᬗᬄ᭞ᬤᬶ
[᭓᭓33A]
ᬓᭀᬧᬂᬩᬢᬸᬓ᭄ᬮᬶᬬᬂ᭞ᬤᬶᬢᬸᬢᭀᬦ᭄ᬗᭀᬲᬗᬸᬓᬸᬳᬶᬦ᭄᭞ᬲᬶᬓᭂᬧ᭄ᬦᬕᬭ᭞ᬢᬦ᭄ᬫᬋᬦ᭄ᬫᬗᬸᬮᬳᬶᬦ᭄᭟ᬩᬢᬸᬓ᭄ᬮᬶᬬᬂᬓᭀᬧᬂᬭᬭᬂᬮᬦ᭄ᬪᬪᬸᬯ᭞ᬧ᭄ᬦᬦ᭄ᬤᬂᬅᬭᬲᬫᬮᬶᬄ᭞ᬓᭂᬰᬶᬓᬲᬶᬓᬸᬃᬢᭂᬮᬲ᭄᭞ᬬᬦ᭄ᬓᬸᬤᬂᬤᬶᬦᬩ᭄ᬭᬲ᭄ᬢ᭞ᬓ᭠
ᬬᬸᬦ᭄ᬳᬶᬤᬧᬥᬩᭂᬮᬶᬢ᭄᭞ᬗᬸᬗ᭄ᬲᬶᬗᬗᬶᬦᬂ᭞ᬤᬾᬰᬜᬓᬢᬸᬦᬸᬳᬶᬦ᭄᭟ᬫᬳᬯᬶᬦ᭄ᬲᬶᬤᬩᬾᬩᬲ᭄ᬦᬫ᭠ᬓ᭄ᬤᬾᬰ᭞ᬤᬶᬢᬸᬝᬵᬭᬚᬯᬶᬳᬓ᭄ᬢᬶ᭞ᬓᬧᬮᬜᬳᬢᬸᬯᬂ᭞ᬫᬜᬸᬗ᭄ᬚᬸᬂᬓᬦᬕᬭ᭞ᬳᬸᬘᬧᬂᬤᬶᬧᬸᬚᬸᬢ᭄ᬫᬗ᭄ᬓᬶᬦ᭄᭞ᬢᬍᬃᬜ
ᬳᬢᬂ᭞ᬫᬸᬚᬸᬭᬾᬲᬫ᭄ᬧᬸᬦ᭄ᬓᭂᬦᬶ᭟ᬫᬶᬬᬄᬲᭀᬭᭀᬄᬤᬾᬰᬤᬾᬰᬩᬤᬗᬶᬦᬦ᭄᭞ᬕᬦ᭄ᬢᬶᬲᬗ᭄ᬓ᭄ᬭᬗᬾᬮᬶᬮᬶᬄ᭞ᬭᬯᬸᬄᬓᬩᬮᬾᬓ᭞ᬦᬪ᭄ᬭᬂᬫᬢᬶᬗ᭄ᬕᬮ᭄ᬤᬾᬰᬓᬕᭂᬲᭂᬂᬓᬚᬭᬄᬲᬫᬶ᭞ᬲᭀᬭᭀᬄᬩᬭᬡᬵ᭞ᬧᬝᬶᬓ᭄ᬳᬶᬯᬾ᭠
ᬦ᭄ᬓᬶᬓᬶᬭᬶᬓ᭄᭟ᬅᬦᬓ᭄ᬅᬕᬸᬂᬗᬸᬭᬄᬢᬍᬃᬫᬗᬸᬮᬳᬂ᭞ᬋᬦ᭄ᬤᬂᬦᬗ᭄ᬓᬦᬾᬓᭂᬦᬶ᭞ᬓᬕᬫᭂᬮ᭄ᬳᬶᬭᬶᬓ᭞ᬲᬓᬶᬂᬳᬶᬭᬶᬓᬗᬸᬦ᭄ᬢᬲ᭄᭞ᬧ᭄ᬭᬶᬗ᭄ᬕᬰᬾᬮᬓᬬᬸᬤᬳᬶᬦ᭄᭞ᬮᬦ᭄ᬧ᭄ᬭᬶᬗ᭄ᬕᬚᬸᬭᬂ᭞ᬲᬫᬶᬓᬕᭂᬲᭂᬂᬭᬤᬶᬦ᭄᭟ᬦᬗ᭄ᬳᬶᬂ
Kaca:Bali-lontar-gaguritan-rusak-sasak-01-300ppi.pdf/33
Kaca puniki sampun kauji-wacén
