[᭒᭕25B]
᭒᭕
ᬤᬶᬫᬗ᭄ᬓᬶᬦ᭄᭟ᬓᬤᬶᬘᭀᬗᬄᬧᬜᬋᬗᬶᬦ᭄ᬳᬶᬧ᭄ᬭᬬ᭞ᬳᬶᬗ᭄ᬕᬶᬄᬤᬾᬯ᭄ᬯᬵᬳᬕᬸᬂᬯᬶᬳᬓ᭄ᬢᬶ᭞ᬫᬸᬗ᭄ᬕᬸᬳᬶᬂᬫᬦᬄᬢᬶᬢᬶᬬᬂ᭞ᬧᬶᬂᬲᬧ᭄ᬢᬬᬦ᭄ᬫᬜ᭄ᬚᬤ᭄ᬫ᭞ᬫᬗ᭄ᬤᬓᬓᬯᬸᬮᬳᬸᬕᬶ᭞ᬘᭀᬓᭀᬃᬳᬶᬤᬾᬯ᭄ᬯ᭞ᬦᬾᬲᬸᬳᬸᬦ᭄ᬢᬶᬢᬶᬬᬂᬓᬮᬶᬄ᭟ᬫᬳᬯᬶᬦᬦ᭄᭠
ᬢᬶᬢᬶᬬᬂᬓᬤᬶᬓᬦ᭄ᬢᭂᬦ᭄ᬘᭀᬗᬄ᭞ᬓᬩᬸᬳᬢᬦ᭄ᬩᭀᬬᬓᬶᬗᬶᬦ᭄᭞ᬭᬢᬸᬳᬦ᭄ᬢᬸᬓ᭄ᬢᬶᬢᬶᬬᬂ᭞ᬫᬳᬗ᭄ᬕᬮ᭄ᬓᬧ᭄ᬭᬬ᭞ᬓᬦ᭄ᬢᬶᬦ᭄ᬳᬶᬧᬸᬦ᭄ᬳᬓᬾᬄᬯᬶᬳᬓ᭄ᬢᬶ᭞ᬤᬾᬰᬧᬤᬲᬦ᭄᭞ᬲᭀᬭᭀᬳᬦ᭄ᬤᬗᬶᬦ᭄ᬳᬸᬭᬶᬂ᭟ᬫᬾᬄᬓᭂᬢᬶᬬᬦ᭄᭠
ᬚᬦ᭄ᬫᬦ᭄ᬳᬶᬧᬸᬦ᭄ᬫᬦᬋᬓᬲ᭄᭞ᬢᬶᬢᬶᬬᬂᬳᬸᬧᬫᬶᬓᬤᬶ᭞ᬤᬯᬸᬦᬾᬲᬍᬫ᭄ᬩᬃ᭞ᬳᬓᬶᬂᬫᬸᬗ᭄ᬕᬸᬄᬭᬶᬂᬚᬸᬭᬂ᭞ᬳᬗᬶᬦ᭄ᬭᬶᬩᬸᬢ᭄ᬫᬗ᭄ᬭᬯᬸᬳᬶᬦ᭄᭞ᬩᭀᬬᬯᬗ᭄ᬤᬾᬦᬦ᭄᭞ᬮᬩᬸᬄᬫᬦᭂᬧᬾᬦ᭄ᬕᬶᬢ᭄ᬕᬶᬢ᭄᭟ᬳᬤᬶᬫᬗ᭄ᬓᬶᬦ᭄ᬬᬦ᭄ᬳᬶᬲᬢ᭄ᬭᬸ
ᬚᬦ᭄ᬢᭂᬦ᭄ᬧᬶᬲᬦ᭄᭞ᬭᬶᬂᬤᬾᬰᬦ᭄ᬳᬶᬧᬸᬦ᭄ᬲᬫᬶ᭞ᬧᬘᬂᬓᬓᬸᬳᬂ᭞ᬩᭀᬬᬦ᭄ᬤᬸᬕᬶᬫᬫᭂᬦ᭄ᬤᬓ᭄᭞ᬘᭀᬓᭀᬃᬳᬶᬤᬾᬯ᭄ᬯᬭᬶᬂᬫᬃᬕ᭄ᬕᬶ᭞ᬢᬶᬢᬶᬬᬂᬦ᭄ᬤᬯᭂᬕᬂ᭞ᬫᬦᬳᬸᬃᬳᬸᬕᬶᬫᬗ᭄ᬓᬶᬦ᭄᭟ᬫᬗ᭄ᬮᬶᬗ᭄ᬕᬦᬶᬦ᭄ᬳᬶᬓᬯᬸᬮᬲᬶᬦᬫᬶᬳᬦ᭄᭞
[᭒᭖26A]
᭒᭖
ᬲᬧᭀᬳᭀᬲ᭄ᬢᬶᬢᬶᬬᬂᬪᬓ᭄ᬢᬶ᭞ᬩᬗ᭄ᬕᬬᬂᬧᬸᬘᬸᬓᬂ᭞ᬬᬦ᭄ᬳᭂᬗ᭄ᬓᬾᬦ᭄ᬧᬓᬬᬸᬦᬦ᭄᭞ᬤᬾᬰᬦᬾᬧᬘᬂ᭠ᬭᬯᬸᬳᬶᬦ᭄᭞ᬳᬤᭀᬄᬢᬦ᭄ᬲᬶᬤ᭞ᬓᬕᭂᬲᭂᬂᬧᬭᬫᬗ᭄ᬓᬶᬦ᭄᭟ᬫᬗ᭄ᬤᬳᬶᬧᬸᬦ᭄ᬳᬶᬧᬦᬹᬚᬮᬶᬦ᭄ᬢᬂᬘᬗ᭄ᬓᬄ᭞ᬚᬦ᭄ᬫᬓᬫᬸ᭠
ᬮᬦ᭄ᬓᬶᬩᬶᬃ᭞ᬫᬗ᭄ᬓᬶᬦ᭄ᬗᬸᬫᬦ᭄ᬤᭂᬮᬂ᭞ᬳᬶᬩᬗ᭄ᬓᭀᬮ᭄ᬭᬶᬂᬧ᭄ᬭᬬ᭞ᬤᬸᬓ᭄ᬳᭂᬗ᭄ᬓᬾᬦᬾᬧᬘᬂᬧᬸᬮᬶᬄ᭞ᬫᬢᭂᬢ᭠ᬓᭂᬭᬦ᭄᭞ᬫᬬᬸᬤᬓᬦᬕᬭᬶ᭟ᬧᬾᬢ᭄ᬤᬶᬚᬫᬦᬄᬳᬶᬧᬸᬦ᭄ᬫᬜᬶᬤᬬᬂ᭞ᬗᭂᬦ᭄ᬤᭀᬦ᭄ᬓᭂᬦ᭄ᬤᭀᬦᬦ᭄ᬫᬮᬶᬄ᭞ᬬᬦ᭄ᬭᬶᬂᬢᭂᬕ᭠
ᬮ᭄ᬲᬯᬄ᭞ᬬᬤᬶᬦ᭄ᬫᬕᬸᬦᬸᬂᬲᬯ᭞ᬫᬲᬕᬭᬳᬦ᭄ᬢᬸᬓ᭄ᬕᭂᬢᬶᬄ᭞ᬫᬮᬾᬤᭀᬕ᭄ᬩᬜᬄ᭞ᬢᬶᬢᬶᬬᬂᬳᬸ᭠ᬕᬶᬫᬗᬶᬭᬶᬂ᭟ᬢᬶᬢᬶᬬᬂᬫᬶᬦ᭄ᬤᬄᬧᬘᬂᬫᬫᬜ᭄ᬚᬓ᭄ᬭᬶᬂᬲᭂᬮᬫ᭄᭞ᬭᬾᬄᬲᬓᬶᬂᬭᬶᬳᬶᬦ᭄ᬭᬶᬳᬶᬦ᭄᭞ᬭᬢᬸᬢᬫᬶᬦ᭄ᬢᬶᬢᬶᬬᬂ᭞᭠
ᬘ᭄ᬭᬶᬢᬦ᭄ᬓᬯᬶᬢᬦ᭄ᬢᬶᬢᬶᬬᬂ᭞ᬮᭀᬫ᭄ᬩᭀᬓᬾᬧᬸᬦᬶᬓᬶᬯᬶᬳᬓ᭄ᬢᬶ᭞ᬯᬦ᭄ᬢᬄᬓᬯᬯ᭞ᬳᬦ᭄ᬢᬸᬓ᭄ᬦᬕᬭᬩᬮᬶ᭟ᬅᬦᬓ᭄ᬅᬕᬸᬂᬗᬸᬭᬄᬳᬶᬤᬫᬯᬘᬦ᭞ᬦᬄᬯᬓᬾᬲᬸᬩᬢᬫ᭄ᬧᬶ᭞ᬳᭂᬤᬫᬦᬸᬕᭂᬢᬂ᭞ᬗᬗ᭄ᬕᭀ
Kaca:Bali-lontar-gaguritan-rusak-sasak-01-300ppi.pdf/26
Kaca puniki sampun kauji-wacén
