[᭑1B]
᭑
᭚᭜᭚ᬒᬁᬅᬯᬶᬖ᭄ᬦᬫᬵᬲ᭄ᬢᬸ᭚ᬧᬸᬧᬸᬄ᭑᭚ᬤᬹᬃᬫ᭄ᬫᬤᬹᬃᬫ᭄ᬫᬗ᭄ᬕᬮᬦ᭄ᬚᬕᬢᬾᬳᬮᬄᬲᬧᬸᬳᬂ᭞ᬳᬦ᭄ᬢᬸᬓ᭄ᬓᬺᬢ᭄ᬢᬲᬹᬲᬦ᭄ᬥᬶ᭞ᬳᬤᬶᬧᬧ᭄ᬭᬾᬦ᭄ᬢᬳᬦ᭄᭞ᬳᬶᬤᬲᬂᬫᬗ᭄ᬯᬶᬰᬾᬱ᭞ᬰ᭄ᬭᬶᬪᬕᬾᬡ᭄ᬥᬵᬭᬵ᭠
ᬚᬸᬧᬸᬢ᭄ᬭᬶ᭞ᬲᬢ᭄ᬲᬹᬃᬬ᭄ᬬᬲᬘᬦ᭄ᬤ᭄ᬭ᭞ᬗ᭄ᬮᬗᬶᬦ᭄ᬫᬓᬕᬸᬫᬶ᭟ᬲᬯᭂᬯᭂᬗ᭄ᬓᬦ᭄᭞ᬭᬶᬂᬢᬦᬄᬍᬦ᭄ᬥ᭄ᬬᬦᭂᬤᭂᬃᬮ᭄ᬮᬦ᭄᭞ᬓᬯᬰᬜᬓᬺᬯᬃᬢ᭄ᬢᬶ᭞ᬧᬜᬸᬗ᭄ᬲᬸᬗᬜ᭄ᬚᬕᬢ᭄᭞ᬭᬵᬚᬵᬥᬶᬭᬵᬚᭀᬢ᭄ᬢᬫ᭞ᬢᬦ᭄ᬓᬕᬗ᭄ᬕᬂᬢᬦ᭄ᬓᬕᬶᬗ᭄ᬲᬶᬃ᭞ᬩᬩ᭠
ᬯᭀᬲ᭄ᬳᬶᬤ᭞ᬲᬶᬧᬢ᭄ᬩᬦᭂᬃᬫᬫᬃᬕ᭄ᬕᬶ᭟ᬫᬗᬃᬥ᭄ᬤᬶᬬᬂᬗᬫᬾᬢ᭄ᬭᬳᬬᬸᬦᬶᬂᬚᬕᬢ᭄᭞ᬧᬶᬢᬸᬮᬸᬂᬭᬶᬂᬦᬾᬲᬓᬶᬢ᭄᭞ᬫᬢᬹᬢᬂᬦᬾᬥᬃᬫ᭄ᬫ᭞ᬗᬬᬸᬩᬶᬦ᭄ᬲᬦᬾᬧᬦᭂᬲ᭄᭞ᬫᬫᬶᬮᬦ᭄ᬤᬦᬾᬦᬾᬲᬶᬲᬶᬧ᭄᭞ᬫᬦᬹᬢ᭄ᬩᬩᬸᬯᬢ᭠
ᬦ᭄᭞ᬗᬶᬭᬶᬂᬳᬸᬘᬧᬦ᭄᭞ᬳᬚᬶ᭟ᬩᬸᬯᬢ᭄ᬅᬕᬫᬰᬲ᭄ᬢ᭄ᬭ᭞ᬓᬸᬢ᭄ᬢᬭᬫᬦᬯ᭞ᬲᬱᬡᬵᬲᬭᭀᬥᬺᬢᬶᬚᭂᬚᭂᬃᬓᬫᬗ᭄ᬕᭂᬳᬂ᭞ᬤᬾᬦᬶᬂᬳ᭄ᬬᬫᬰᬭᬶᬭ᭞ᬳᬲ᭄ᬢᬩ᭄ᬭᬢ᭄ᬢᬦᬾᬢᬦ᭄ᬫᬭᬶ᭞ᬧᬺᬢ᭄ᬢᬫᬩ᭄ᬭᬢ᭄ᬢᬦ᭄᭞ᬳ᭄ᬬᬂᬇᬩ᭄ᬤ᭄ᬭ᭠
[᭒2A]
ᬓᬫᬃᬕ᭄ᬕᬦᬶᬦ᭄᭟ᬲᬹᬓᬾᬃᬢ᭄ᬢᬶᬦᬾᬧᬸᬦᬶᬓᬧᬺᬱᬶᬤᬳᬸᬚᬦ᭄᭞ᬩ᭄ᬮᬶᬫ᭄ᬩᬳᬶᬦ᭄ᬚᬕᬢ᭄ᬲᬫᬶ᭞ᬳᭂᬢᬶᬲ᭄ᬢᬺᬧ᭄ᬢᬶᬲᬸᬓᬧᬶᬂᬭᭀᬬᬫ᭄ᬫᬩ᭄ᬭᬢ᭄ᬢ᭞ᬦᬶᬕ᭄ᬢᬶᬕ᭄ᬫᬶᬥᬦ᭄ᬥᬦᬾᬲᬶᬲᬶᬧ᭄᭞ᬘᭀᬭᬄᬲᬢᬢ᭞ᬗ᭠
ᬭᬹᬳᬭᬬᬂᬕᬸᬫᬶ᭟ᬓᬧᬶᬂᬢᬶᬕᬲᬹᬃᬬ᭄ᬬᬩ᭄ᬭᬢ᭄ᬢᬓᬚᭂᬚᭂᬭᬂ᭞ᬫᬗᬶᬲᭂᬧ᭄ᬯᬬ᭄ᬢᬦ᭄ᬫᬭᬶ᭞ᬢᬦ᭄ᬓᬢᭂᬗᭂᬩᬶᬗ᭄ᬩᬂ᭞ᬩᬩᬯᭀᬲ᭄ᬧᬸᬓᬸᬮ᭄ᬭᬢ᭞ᬳᬲᬢᬹᬃᬲᬓᬭᬶᬂᬳᬭᬶᬲ᭄᭞ᬍᬯᬶᬄᬯᬶᬯᬾᬓ᭞ᬕᬸᬡᭀᬢ᭄ᬢ᭠
ᬫᬗ᭄ᬕᬮᬗᬶᬦ᭄᭟ᬓᬧᬶᬂᬳᭂᬫ᭄ᬧᬢ᭄ᬰᬰᬶᬩ᭄ᬭᬢ᭄ᬢᬗ᭄ᬕᬯᬾᬲᬸᬓ᭞ᬗ᭄ᬮᬶᬬᬗᬶᬦ᭄ᬚᬕᬢ᭄ᬲᬫᬶ᭞ᬮ᭄ᬯᬶᬃ᭠ᬳᬫᬺᬢ᭄ᬢ᭞ᬲᬲ᭄ᬫᬶᬢᬳᬸᬮᬢ᭄ᬳᬸᬮᬢ᭄ᬳᬚᬸᬃᬳᬚᬸᬃᬓᬤᬸᬓ᭄ᬫᬦᬶᬲ᭄᭞ᬳᬲᬶᬂᬧᬵᬡ᭄ᬥᬶᬢ᭞ᬦᬾᬧᬢᬸᬢ᭄ᬓ᭠
ᬳᭀᬃᬫ᭄ᬫᬢᬶ᭟ᬓᬧᬶᬂᬮᬶᬫᬪᬬᬸᬩ᭄ᬭᬢ᭄ᬢᬜᬶᬤᬺᬱᭀᬮᬄ᭞ᬫᬦᬄᬚᬕᬢᬾᬲᬫᬶ᭞ᬭᬱᬕᬸ᭠ᬡᬥᬶᬓ᭞ᬩᬦ᭄ᬢᭂᬭᬂᬦᬾᬦᬾᬲᬸᬓ᭄ᬱ᭄ᬫ᭞ᬦᬾᬓᬭᬶᬭᬂᬚᭂᬭᭀᬦᬶᬂᬳᬢᬶ᭞ᬓᬯᬲ᭄ᬧᬤᬬᬂ᭞ᬤᬶᬩ᭄ᬬᬘᬓ᭄ᬱᬹ᭠
Kaca:Bali-lontar-gaguritan-rusak-sasak-01-300ppi.pdf/2
Kaca puniki sampun kauji-wacén
