Kaca:Bali-lontar-gaguritan-rusak-pagesangan-350ppi.pdf/36

Saking Wikisource
Kaca puniki sampun kauji-wacén

[᭓᭕ 35B]
᭓᭕
ᬓ᭄ᬤᬭᬢᬦ᭄᭞ᬜᬸᬚᬸᬃᬓᬲᬦ᭄ᬢᭂᬮᬸᬓ᭄ᬭᬭᬶᬲ᭄᭞ᬭᬤᬾᬦ᭄ᬲᬦ᭄ᬢᭂᬮᬸᬓ᭄‌ᬳᬾᬕᬃ᭞ᬲᬓᬸᬋᬦᬦ᭄ᬜᬦᬾᬫᬧᬕᬶᬦ᭄᭞ᬢᬸᬫᬸᬮᬶᬤᬶᬢᬸᬓᬧᬸᬧᬸ᭞ᬯ᭄ᬬᬓ᭄ᬢᬶᬢ
ᬦ᭄ᬳᬶᬫᬦ᭄ᬳᬶᬫᬦ᭄᭞ᬲᬢᬶᬗ᭄ᬓᬳᬾ᭞ᬫᬗ᭄ᬭᬓ᭄ᬱᬳᭀᬓᬦ᭄ᬧ᭄ᬭᬭᬢᬸ᭞ᬤᬾᬦᬶᬂᬯᬶᬚᬶᬮᬶᬂᬳᬸᬢᬫ᭞ᬲᬗ᭄ᬓᬦ᭄ᬜᬳᬢ᭄ᬯᬂᬲᬸᬪᬓ᭄ᬢᬶ᭟ᬧᬶᬲᬳᬦ᭄‌ᬬᬾᬦ᭄ᬓᬸᬤᬂᬤᬶᬦ᭞ᬕᬸᬲ᭄ᬢᬶ
ᬫᬥᬾᬳᭀᬓᬓᬧᬢᬶᬢᬾᬦᬶᬦ᭄᭞ᬲᬢᬗ᭄ᬓᭂᬧ᭄ᬲ᭄ᬫᬸᬓᬲᬸᬫ᭄ᬩᬸᬂ᭞ᬲᬸᬫ᭄ᬬᬸᬕ᭄ᬮ᭄ᬬᬸᬢᬺᬱ᭄ᬡ᭞ᬧ᭄ᬭᬯᬗ᭄ᬲᬦᬾ᭞ᬲᬯᭂᬗ᭄ᬓᭀᬦ᭄ᬕᬸᬫᬶᬲᬦ᭄ᬢᭂᬮᬸᬓ᭄᭞ᬦᬾᬚᬦᬶᬤᬶᬲᬶᬮᬧᬭᬂ᭞ᬯᬮᬶᬦᬶ
ᬦ᭄ᬳᬸᬘᬧᬂᬩ᭄ᬯᬶᬦ᭄᭟᭜᭟ᬧᬸᬄᬤᬸᬃᬫ᭄ᬫ᭟ᬲᬸᬩᬓᬮᬄᬤᬸᬃᬫᬗ᭄ᬕᬮᬦᬾᬓᬘᬓ᭄ᬭ᭞ᬲᬯᭂᬗ᭄ᬓᭀᬦ᭄ᬤᬗᬶᬦ᭄ᬚᬸᬭᬶᬂ᭞ᬕᬸᬲ᭄ᬢᬶᬫᬥᬾᬓᬭᬂ᭞ᬫᬗ᭄ᬓᬶᬦ᭄ᬲᬬᬦ᭄ᬳᬲᬶᬕ᭞ᬧ᭄ᬭᬘᬭᬢᬦ᭄ᬤᬂ
[᭓᭖ 36A]
ᬳᬜ᭄ᬚ᭄ᬭᬶᬳᬶᬦ᭄᭞ᬓᬋᬲᬺᬲ᭄ᬫᬭᬲ᭄᭞ᬲᬧ᭄ᬭᬯᬗ᭄ᬲᬦᬾᬲᬫᬶ᭟ᬧᬤᬦᬸᬗ᭄ᬓᬸᬮ᭄‌ᬕ᭄ᬥᬾᬧᭀᬕᭀᬫᬓᬤᬶᬜ᭞ᬲᬫ᭄ᬧᬸᬦ᭄ᬤᬶᬦᬾᬯᬲᬓ᭄ᬱᬶ᭞ᬓᬦᬸᬕ᭄ᬭᬳᬚᬶᬯ᭞ᬓᬳ
ᬢᬕ᭄ᬧ᭄ᬭᬬᬫᬗ᭄ᬓᬢ᭄᭞ᬲᬤᬾᬰᬤᬾᬰᬦᬾᬲᬫᬶ᭞ᬲᬳᬲᬜ᭄ᬚᬢ᭞ᬢᬸᬳᬸᬓᬳᬫ᭄ᬮᬧᬸᬭᬶ᭟ᬕᬕᬜ᭄ᬘᬗᬦ᭄‌ᬲᬂᬲᬶᬤ᭄ᬥᬧᬸᬭᬸᬲ᭞ᬭᬯᬸᬳᬾᬤᬶᬦᬕᬭᬶ᭞ᬧᬾᬦᬄᬫᬲᭂᬓ᭄ᬱᭂ
ᬓᬦ᭄᭞ᬲᬶᬓᭂᬧᬾᬚ᭄ᬭᭀᬦᬶᬂᬚ᭄ᬩᬕ᭄᭞ᬫᬩᭂᬮ᭄ᬩᭂᬮ᭄ᬫᬓ᭄ᬝᬶᬓ᭄ᬝᬶ᭞ᬩᬸᬓᬲᬕᬭ᭞ᬧᬲᬂᬗᭂᬩᭂᬓᬶᬦ᭄ᬩᬸᬫᬶ᭟ᬕᬸᬲ᭄ᬢᬶᬜᭀᬫᬦ᭄‌ᬓᬭᬂᬕᬃᬚ᭄ᬚᬶᬢᬫᬜᬶᬗᬓ᭄᭞ᬯᬶᬭᬾᬄᬓᬭ
ᬯᭀᬲ᭄ᬫᬗ᭄ᬓᬶᬦ᭄᭞ᬲᬫᬸᬲᬸᬳᬾᬓᬦ᭄ᬤᬧ᭄᭞ᬫᬢᬭᬫᬾᬲᬫᬜ᭞ᬫᬳᬶᬲᬦᬦ᭄ᬤᬂᬢᬢᬮᬶ᭞ᬫᬸᬂᬢ᭄ᬩᬶᬸᬂᬧᬸᬕ᭄ᬭᬦ᭄᭞ᬓᬮᬸᬤ᭄ᬓᬲᭂᬧᬓᬦ᭄ᬓᬦ᭄ᬢᬶ᭟ᬢᬦ᭄ᬧᬩᬬᬸᬲᬲᬢ᭄