[᭓᭓ 33B]
᭓᭓
ᬫᬥᬾᬦᬾᬓᬭᬸᬦ᭄ᬘᬸᬂ᭞ᬤᬾᬦᬶᬂᬓ᭄ᬦᬶᬦᬾᬭᬳᬢ᭄᭞ᬩᬦᭂᬄᬩᬦᭂᬄ᭞ᬓ᭄ᬮᬳᭂᬲᭀᬦ᭄ᬫᬦᬶᬩᬓᬦ᭄ᬢᬸ᭞ᬕ᭄ᬢᬶᬳᬾᬢᬦ᭄ᬧᬧ᭄ᬕᬢᬦ᭄᭞ᬩᬜ᭄ᬚᬃᬢᭀᬂᬤᬤᬶᬳᭂᬫ᭄ᬧᭂᬢᬶᬦ᭄᭟ᬲ
ᬳᬶᬭᬶᬗᬦᬾᬫᬓ᭄ᬚᬂ᭞ᬢᬦ᭄ᬧᬚᬶᬯᬫᬗᬶᬮ᭄ᬕᬶᬮᬦ᭄ᬫᬗ᭄ᬮᬶᬂ᭞ᬲᬲᬫ᭄ᬩᬢᬦᬾᬫᬗᬤᬸᬄ᭞ᬲᬫ᭄ᬩᬶᬮ᭄ᬗᬸᬲᬧᬶᬦ᭄ᬧᬤ᭞ᬲᭂᬕᬸᬲᭂᬕᬸ᭞ᬳᬶᬗᭂᬢ᭄ᬗᬤᬸᬳᬸᬗᬂᬢᬸᬤᬸᬄ᭞ᬩᬸᬓᬢᬦ᭄ᬫᬢ᭄ᬬᬳᬸ
ᬩᬬ᭞ᬧᬗᬶᬱ᭄ᬝᬶᬦᬾᬦᬕᬶᬄᬫᬢᬶ᭟ᬦᬸᬚᬸᬳᬤᬳᬶᬘᬦ᭄ᬤᬾᬯ᭞ᬢ᭄ᬓᬾᬦ᭄ᬕᬸᬲ᭄ᬢᬶᬫᬥᬾᬓᬳᬶᬘᬦ᭄ᬗᬮᬶᬮᬶᬃ᭞ᬳ᭄ᬦᬸᬫᬲᬸᬦ᭄ᬤᬂᬫᬧᬗ᭄ᬓᬸ᭞ᬭᬕᬦᬾᬫᬮᬾᬕ᭄ᬮᭀᬕᬦ᭄᭞ᬯᬶᬲ᭄ᬦᬳ
ᬘᬸᬫ᭄᭞ᬢᬸᬭᬳᬂᬫᬤᬧᬮᬬᬸ᭞ᬘᬘᬶᬗᬓᬾᬫᬗ᭄ᬭᬸᬭᬸᬳᬂ᭞ᬢᬦ᭄ᬫᬭᬶᬗᭂᬢᬸᬲᬂᬳᬢᬶ᭟ᬓᬤᬾᬳᬤᬾᬧᬤᬤᬧᬓ᭄᭞ᬳᬧᬦ᭄ᬮᬸᬬᬸᬢᬸᬬᬸᬄᬦᬸᬳᬗ᭄ᬓᬶᬄᬳᬗ᭄ᬓᬶᬄ᭞
[᭓᭔ 34A]
ᬯᬶᬭᬾᬄᬲᬢᬫ᭄ᬧᬓᬾᬗᬫᬸᬓ᭄᭞ᬕᬸᬲ᭄ᬢᬶᬫᬥᬾᬗᬦ᭄ᬤᬶᬓ᭞ᬫ᭄ᬕᬢ᭄ᬫᭂᬕᬢ᭄᭞ᬗᬤᬸᬯᬗ᭄ᬲᬶᬢ᭄ᬦᬸᬦ᭄ᬤᬾᬦ᭄ᬦᬸᬳᬸᬓ᭄᭞ᬲᬧ᭄ᬭᬫᬾᬦᬓᬾᬫᬓ᭄ᬚᬂ᭞ᬗᬢᬸᬭᬂᬫᬸᬳᬾᬮᬶᬮᬶᬄ᭟ᬢᬸᬃᬲᬸ
ᬩᬓᬮᬗᬦ᭄ᬲᬹᬃᬬ᭄ᬬ᭞ᬓᬧᬸᬗ᭄ᬯᬂᬳᬯᬦᬦ᭄ᬚᬗ᭄ᬕᭂᬮ᭄ᬓᬭᬶ᭞ᬫᬕᬸᬦᬶᬳᬫᬧᬳᬸᬫᬸᬫ᭄᭞ᬓᭂᬢᭂᬃᬫᬢᬸᬃᬫᬜᬸᬫ᭄ᬩᬄ᭞ᬗᬶᬭᬶᬂᬢᬸᬮᬓ᭄᭞ᬧ᭄ᬭᬤᬾᬰᬲᬬᬗᬾᬦ᭄ᬚᬸᬚᬸᬃ᭞ᬳᬧᬦ᭄ᬓᬳᬸᬮ
ᬓᬫᬸᬮᬦ᭄᭞ᬚᬦ᭄ᬢᭂᬦ᭄ᬳᬶᬧᬸᬦ᭄ᬓᬭᬶᬪᬓ᭄ᬢᬶ᭟ᬓᬧᬢᬸᬢ᭄ᬮᬳᬸᬢ᭄ᬫᬚᬮᬦ᭄᭞ᬩ᭄ᬦᭂᬄᬓᬗᬶᬦ᭄ᬤᬶᬲᬬᬂᬦᬾᬓᬳᬸᬗ᭄ᬲᬶ᭞ᬳᬶᬕᬸᬲ᭄ᬢᬶᬫᬥᬾᬓᬧᬶᬓᬸᬮ᭄᭞ᬲᬸᬩᬢ᭄ᬓᭂᬤ᭄ᬤᬶᬲᬬᬂ᭞ᬤᬾᬦᬶᬂᬤᬾ
ᬰ᭞ᬘ᭄ᬦᬶᬓ᭄ᬤᬶᬲᬫ᭄ᬧ᭄ᬬᬦᬶᬂᬕᬸᬦᬸᬂ᭞ᬳᬤᬫᬤᬦ᭄ᬳᬶᬫᬃᬚ᭄ᬚᬬ᭞ᬧᬸᬦᬶᬓᬦᬾᬫᬗ᭄ᬮ᭄ᬬᬗᬶᬦ᭄᭟ᬧᬋᬓ᭄ᬬᬢ᭄ᬓᬭᬦ᭄ᬢᬩᬦ᭄᭞ᬜᬸᬫ᭄ᬩᬄᬜᬸᬫ᭄ᬩᬄᬫᬢᬸᬂᬢᬸᬂᬢᬸᬂᬢᬸᬂᬳ᭄ᬮᬶᬂ᭞ᬩᬳ
Kaca:Bali-lontar-gaguritan-rusak-pagesangan-350ppi.pdf/34
Kaca puniki sampun kauji-wacén
