[᭓᭒ 32B]
᭓᭒
ᬲᬸᬫᬗ᭄ᬓᬶᬦ᭄ᬲᬶᬲᬸ᭞ᬜᬶᬤ᭄ᬭᬬᬂᬗᬸᬦᬸᬲ᭄ᬓᬤᬸᬢᬦ᭄᭞ᬢ᭄ᬓᬲᬳᬲᬗᬲᭂᬫᬶᬦ᭄᭟ᬕᬸᬲ᭄ᬢᬶᬫᬥᬾᬓᬤᬸᬦᬦ᭄᭞ᬓᬭᬾᬧᭀᬢᬦ᭄ᬫᬢᬗ᭄ᬓᬶᬲ᭄ᬳᬲ᭄ᬢᬓᬦᬶᬦ᭄᭞
ᬩᭂᬢ᭄ᬓᬲᬾᬧ᭄ᬗᭂᬫ᭄ᬩᬸᬲ᭄ᬕᬸᬳᬸᬂ᭞ᬢ᭄ᬭᬸᬲ᭄ᬢᬫ᭄ᬧᬓᬶᬂᬢᬗᬦ᭄᭞ᬦᬾᬓᬦᬯᬦ᭄᭞ᬕ᭄ᬢᬶᬳᬾᬫᬸᬮᬓᬦ᭄ᬧᭂᬲᬸ᭞ᬭᬤᬾᬦ᭄ᬕᬋᬫ᭄ᬫᬢᬸᬚᬸᬳᬂ᭞ᬫᬸᬜᬶᬦᬾᬫᬢᬶᬳᬶᬕᬸᬲ᭄ᬢᬶ᭟ᬗᭂᬦᭂᬲ᭄
ᬬᬫᬮᬳᬶᬩ᭄ᬳᬶᬮᬂ᭞ᬚᬦᬶᬭᬫᬾᬲ᭄ᬬᬢᬾᬲᬮᬶᬂᬲᬩᬶᬢ᭄᭞ᬤᬾᬦᬶᬂᬲᬸᬩᬳᬭᬸᬩᬶᬭᬸ᭞ᬫᬧ᭄ᬭᬂᬫᬭᬭᬸᬓᬢᬦ᭄᭞ᬲᬮᬶᬂᬕᬶᬲᬶ᭞ᬲᬮᬶᬂᬧ᭄ᬤᬂᬲᬮᬶᬂᬳᬸᬕᬸᬕ᭄᭞ᬲᬸᬭ
ᬓᬾᬳᭂᬗ᭄ᬕᭂᬃᬫᬓᬶᬮᬶᬢ᭄᭟ᬳ᭄ᬦᬸᬫᬳᬸᬤᭂᬓ᭄ᬳᬸᬤᭂᬓᬦ᭄᭞ᬫᬸᬲᬸᬄᬭᭀᬯᬂᬫᬢᬓᭂᬃᬢ᭄ᬯᬭᬲᬶᬭᬶᬕ᭄᭞ᬫᬕᭂᬫᭂᬄᬕᬢᬶᬫᬓᬸᬓᬸᬃ᭞ᬧ᭄ᬭᬫᬾᬦᬓᬾᬫᬓ᭄ᬚᬂ᭞ᬲᬬᬦ᭄ᬲᭂᬗᬶ
[᭓᭓ 33A]
ᬢ᭄᭞ᬢᭀᬂᬳᬤᬢᬓᬸᬢ᭄ᬓᬋᬩᬸᬢ᭄᭞ᬧ᭄ᬭᭀᬂᬧᭀᬂᬫᬶᬦᬓᬤᬶᬕᭀᬫ᭄ᬩᬂ᭞ᬮ᭄ᬯᬶᬃᬳᬗᬸᬦ᭄ᬳᬗᬸᬦ᭄ᬳᬦ᭄ᬚ᭄ᬭᬶᬳᬶᬦ᭄᭟ᬤᬾᬦ᭄ᬳᬶᬮᬫᬢᬶᬓᬢᬸᬫ᭄ᬩᬓ᭄᭞ᬲᬧᬶᬲᬦᬦ᭄ᬭᬸᬲᬸ
ᬳᬾᬲᬬᬦ᭄ᬗᬶᬮᬶ᭞ᬓᬢᬸᬭᬸᬢ᭄ᬤᬶᬢᬸᬓᬩᬸᬭᬸ᭞ᬯᬂᬩᬬᬦᬾᬧᬩᬺᬲᬢ᭄᭞ᬮ᭄ᬬᬸᬫᬢᬶ᭞ᬩᬋᬂᬲᬶᬭᬳᬾᬓ᭄ᬤᬸᬢ᭄᭞ᬬᬸᬢᬶᬂᬫᬲᬶᬕᬶᬢᬾᬳᭀᬜ᭞ᬧ᭄ᬭᬫᬾᬦᬓᬾᬗᬸ
ᬲᬓ᭄ᬳᬲᬶᬓ᭄᭟ᬲᬶᬂᬓᬘᬸᬦ᭄ᬤᬸᬓ᭄ᬓᬧ᭄ᬭᬚᬬ᭞ᬧᬚᬸᬮᬾᬫ᭄ᬧᬂᬩᬗ᭄ᬓᬾᬫᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬧᬗᬫᬸᬓᬾᬲᬬᬦ᭄ᬗᬫ᭄ᬩᬸᬮ᭄᭞ᬳᬫ᭄ᬩᬸᬮᬦ᭄ᬕᬚᬄᬳᬮᬲ᭄᭞ᬫᬸᬦ᭄ᬢᬕ᭄ᬫᬦ᭄ᬢᬶᬕ᭄᭞
ᬧᬮᬶᬂᬲᬸᬩᬗᭂᬫᬸᬃᬳᬶᬫᬸᬃ᭞ᬫᬸᬲᬸᬳᬾᬲᬮᬶᬂᬧᬮᬶᬯᬢ᭄᭞ᬦᬫ᭄ᬩ᭄ᬯᬂᬢ᭄ᬯᬭᬦᬸᬮᬶᬄᬳᬸᬭᬶ᭟ᬧᬮᬳᬶᬩᬾᬗᬸᬗ᭄ᬲᬶᬳᬮᬲ᭄᭞ᬲᬗ᭄ᬓᬦ᭄ᬓᬦ᭄ᬤᭂᬕ᭄ᬲᬧ᭄ᬭᬫᬾᬦᬓᬾᬲᬫᬶ᭞ᬕᬸᬲ᭄ᬢᬶ
Kaca:Bali-lontar-gaguritan-rusak-pagesangan-350ppi.pdf/33
Kaca puniki sampun kauji-wacén
