[᭓᭑ 31B]
᭓᭑
ᬮᬶᬄᬫᬃᬕ᭄ᬕᬶ᭞ᬳᬩᬺᬤᬦ᭄ᬲᬋᬂᬫᬫᬸᬦ᭄ᬤᬸᬄ᭞ᬲᬫᬶᬲᬫ᭄ᬧᬸᬦ᭄ᬧ᭄ᬭᬬᬢ᭄ᬦ᭞ᬫᬮᭀᬦ᭄ᬮᭀᬦᬦ᭄᭞ᬲᬶᬂᬲᬶᬂᬚᬮᬦ᭄ᬚᭂᬫ᭄ᬧ᭄ᬬᬄᬚᭂᬫ᭄ᬧ᭄ᬬᬸᬄ᭞ᬤᬾᬦᬶᬂᬮᬫ᭄ᬧᬳᬾᬓᬗᬾᬮᬦ᭄᭞
ᬓᬮᬸᬤᬶᬦ᭄ᬳᬫ᭄ᬩᬳᬾᬲ᭄ᬭᬶᬧᬶᬢ᭄᭟ᬦᬸᬦ᭄ᬘᬧ᭄ᬯᭂᬗ᭄ᬓᭀᬦ᭄ᬩᬭᬾᬂᬩᬶᬭ᭞ᬓᬧᬶᬳᬮᬂᬲᬶᬓᭂᬧ᭄ᬕᭂᬤᬾᬫᬧᬕᬶᬦ᭄᭞ᬜᬫ᭄ᬩ᭄ᬭᬫᬢᬶᬗ᭄ᬓᬄᬢᬸᬳᬸ᭞ᬫᬸᬲᬸᬄᬫᬳᬧᬶᬭᭀᬯᬂ᭞ᬭᬤᬾᬦ᭄ᬕᬭᭀ
ᬦ᭄᭞ᬤᬾᬦ᭄ᬳᬶᬮᬫᬓᬧᬦᬸᬭᬸᬢ᭄᭞ᬓᬢᬶᬕᬭᬤᬾᬦ᭄ᬲᬸᬓᬬᬂ᭞ᬲ᭄ᬭᬶᬦᬯᬂᬫᬶᬯᬄᬚᬯᬶᬮᬶ᭟ᬗᬪᬓ᭄ᬢᬶᬜᭀᬗ᭄ᬓᭀᬓ᭄ᬦ᭄ᬤᭂᬲᭂᬓᬂ᭞ᬳᬸᬮᬢ᭄ᬲᬥᬸ᭞ᬳᬧᬦ᭄ᬤᬬ
ᬦᬾᬮᬗᬶᬢ᭄᭞ᬮ᭄ᬬᬸᬫᬸᬜᬶᬗᬮᬸᬲ᭄ᬳᬮᬸᬲ᭄᭞ᬤᬸᬄᬭᬢᬸᬲᬸᬲᬸᬦᬦ᭄᭞ᬲᬫ᭄ᬧᬸᬦ᭄ᬓᬤᬶ᭞ᬳᬓᬾᬄᬳᬃᬓ᭄ᬓᬲᬮᬶᬢ᭄ᬲᭂᬗ᭄ᬕᬸᬄ᭞ᬬᬦ᭄ᬫᬸᬗ᭄ᬕᬸᬳᬶᬂᬲᬸᬪᬓ᭄ᬢᬶᬢ᭄ᬢᬶᬢ᭄ᬬᬂ᭞ᬲᬫᬶᬩᭀ
[᭓᭒ 32A]
ᬬᬯᬾᬦ᭄ᬢᭂᬦ᭄ᬲᬗ᭄ᬲᬶᬄ᭟ᬓᬭᬗ᭄ᬳᬲᭂᬫ᭄ᬫ᭄ᬯᬄᬫᬢᬭᬫ᭄᭞ᬕᬸᬲ᭄ᬢᬶᬦ᭄ᬢᬶᬢ᭄ᬬᬂᬤᬾᬦᬶᬂᬧᬯᬶᬚᬶᬮ᭄ᬢᬸᬗ᭄ᬕᬶᬮ᭄᭞ᬫᬸᬮᬢᭀᬢᭀᬲ᭄ᬳᬦᬓ᭄ᬳᬕᬸᬂ᭞ᬤᭀᬄᬧᬶᬲᬦ᭄ᬫᬦᬄᬢᬶᬢ᭄ᬬᬂ᭞ᬗᬫ
ᬦ᭄ᬤᬓᬧ᭄ᬭᬲᬗ᭄ᬕ᭄ᬬ᭞ᬧ᭄ᬭᬲᬗ᭄ᬕ᭄ᬬᬗᬃᬬ᭄ᬬᬧᬓᬾᬯᬸᬄ᭞ᬳᬢᬸᬭᬾᬫᬶᬲᬺᬗᬂᬲᬶᬫ᭄ᬧᬂ᭞ᬧᬘᬂᬓᬢᬸᬭᬦ᭄ᬧᬲᬚᬶ᭟ᬫᬗ᭄ᬓᬶᬦ᭄ᬕᬸᬢ᭄ᬢᬶᬫᬥᬾᬳᭀᬓ᭞ᬢ᭄ᬓᬦᬸᬭᬸᬢ᭄ᬧ᭄ᬭᬬᬲᬶᬫ᭄ᬧᬂᬳᬸ
ᬫᬸᬮᬶ᭞ᬤᬾᬦ᭄ᬕᬋᬫ᭄ᬳᬾᬕᬭᬾᬧᬸᬧᬸᬢ᭄᭞ᬮᬦ᭄ᬢᬲ᭄ᬫᬜᬦ᭄ᬤᬓ᭄ᬢᬗᬦ᭄᭞ᬳᬶᬭᬶᬗᬦᬾ᭞ᬫᬤᬶᬭᬶᬤᬶᬭᬶᬫᬢᬸᬦ᭄ᬢᬸᬦ᭄᭞ᬦᬗᬶᬂᬲᬸᬩᬧᬧᬶᬸᬤᬢᬗᬃ᭞ᬓᬭᬲᬢᭀᬂᬩᬸᬯᬸᬂ
ᬓᬮᬶ᭟ᬤᬶᬲᬲᭂᬩᭂᬗᬾᬜᬶᬳ᭄ᬦᬬᬂ᭞ᬭᬤᬾᬦ᭄ᬕᬋᬫ᭄ᬘᭀᬭᬄᬫᬳᬋᬧ᭄ᬤᭂᬓᬶᬮ᭄᭞ᬢ᭄ᬯᬭᬗᬶᬢᬸᬂᬢᬸᬮᬄᬫᬦᬸᬄ᭞ᬢᬦ᭄ᬤ᭄ᬭᬸᬄᬢ᭄ᬓᬾᬦ᭄ᬓᬮᬶᬗᬦ᭄᭞ᬢᬦ᭄ᬤᬸᬫᬤᬾ᭞ᬤᬾᬦ᭄ᬕᬋᬫ᭄
Kaca:Bali-lontar-gaguritan-rusak-pagesangan-350ppi.pdf/32
Kaca puniki sampun kauji-wacén
