[᭒᭘ 28B]
᭒᭘
᭞ᬓᬦ᭄ᬢᭂᬦ᭄ᬧᬶᬲᬦ᭄᭞ᬳᬶᬤᬳᬶᬳᬚᬶᬗᬤᬸᬳᬸᬂ᭞ᬧᬸᬦᬶᬓᬳᬯᬦᬦ᭄ᬢᬶᬢ᭄ᬬᬂ᭞ᬧᬸᬭᬸᬦ᭄ᬫ᭄ᬭᬲᬗ᭄ᬕᬬᬂᬫᬮᬶᬄ᭟ᬩᭀᬬᬯᬾᬦ᭄ᬢᭂᬦ᭄ᬧᬭᬶᬘᬾᬤ᭞ᬩ᭄ᬯᬢ᭄ᬭᬶᬂᬳᬗ᭄ᬕᬦ᭄ᬘᭀᬓᭀᬃᬳᬶᬤᬾ
ᬯᬯ᭄ᬬᬓ᭄ᬢᬶ᭞ᬫᬧᬦᬶᬂᬲᬶᬦᬄᬓᬤᬸᬮᬸ᭞ᬲᬫ᭄ᬧᬸᬦ᭄ᬗᬋᬧᬂᬬᬸᬤ᭞ᬭᬯᬶᬂᬓᬦ᭄ᬢᬶᬫᬶᬍᬢ᭄ᬗᬶᬕᬸᬫ᭄᭞ᬢᬦ᭄ᬚᬕᬢᬓᭂᬃᬫᬗ᭄ᬕᭂᬳᬂ᭞ᬲᬢ᭄ᬮᬭᭀᬦ᭄ᬢᬸᬫᬶᬩᬾᬂᬕ᭄ᬦᬶ᭟ᬫᬧ᭄ᬯᬭᬧᬘᬂᬢ᭄ᬮᬲ᭄
᭞ᬢ᭄ᬮᬲ᭄ᬭᬸᬲᬓ᭄ᬭᬸᬲᬓᬾᬢᬧᬫ᭄ᬬᬢᬶ᭞ᬓᬤᬶᬫᬶᬦᬳᬦᬾᬩᬸᬩᬸ᭞ᬓᬩᬼᬢ᭄ᬓᬲᬾᬧ᭄ᬫᬢᬶᬧᬗ᭄ᬓᬄ᭞ᬓᬧ᭄ᬭᬧᭂᬓᬦ᭄᭞ᬳᬓᬶᬚᬧ᭄ᬲᬶᬤ᭄ᬥᬓᬲᬸᬮᬸᬄ᭞ᬳᬯᬦᬦ᭄ᬢᬗᬭᬶᬦ᭄ᬧᬶ
ᬲᬦ᭄᭞ᬬᬸᬲᬦᬾᬋᬓᬸᬄᬩᬯᭀᬲᬶᬦ᭄᭟ᬤᬾᬦ᭄ᬦᬶᬂᬦᬾᬫᬗ᭄ᬓᬶᬦ᭄ᬤᬸᬭᬸᬲᬂ᭞ᬗᬶᬭᬶᬂᬩᬸᬤᬮ᭄ᬧᬫᭂᬂᬧᭂᬂᬯᬾᬦ᭄ᬢᬦ᭄ᬫᬃᬕ᭄ᬕᬶ᭞ᬫᬓᬤᬶᬳᬶᬧᬗ᭄ᬓᬸᬃᬲᬫ᭄ᬧᬸᬦ᭄᭞ᬫᬘᬘᬤᬂᬩ
[᭒᭙ 29A]
ᬳᬶᬢ᭞ᬧᬮᬶᬗ᭄ᬕᬶᬳᬦ᭄᭞ᬧ᭄ᬭᬬᬗᭂᬦ᭄ᬢᬲᬶᬦ᭄ᬮᬾᬃᬕᬸᬦᬸᬂ᭞ᬫᬲᬦ᭄ᬩᭂᬘᬶᬓ᭄ᬮᬮᬬᬭᬦ᭄᭞ᬧᬮ᭄ᬯᬦᬾᬫᬶᬗ᭄ᬕᬶᬃᬧᬲᬶᬲᬶ᭟ᬓᬾᬢᭀᬳᬢᬸᬭᬾᬧ᭄ᬭᬦᬫ᭄ᬬ᭞ᬗᭀᬮᬲ᭄ᬳᭀ
ᬮᬲ᭄ᬳᬸᬮᬢ᭄ᬩᬸᬓᬗᬲᬶᬳᬶᬦ᭄᭞ᬓᬳᭀᬬᬕ᭄ᬓᬧᬸᬗᬸᬧᬸᬗᬸ᭞ᬳᬶᬕᬸᬲ᭄ᬢᬶᬫᬥᬾᬳᭀᬓ᭞ᬢ᭄ᬯᬭᬧᬶᬯᬮ᭄᭞ᬧᬧᭀᬮᭀᬲᬦ᭄ᬢᭂᬓᬦᬸᬭᬸᬢ᭄᭞ᬫᬤᬩ᭄ᬤᬩ᭄ᬮᬦ᭄ᬢᬲ᭄ᬫᬚ
ᬮᬦ᭄᭞ᬓᬮᭀᬫ᭄ᬩᭀᬓ᭄ᬩ᭄ᬯᬶᬦ᭄ᬫᬯᬮᬶ᭟ᬲᬧ᭄ᬭᬫᬾᬦᬓᬾᬫᬓ᭄ᬚᬂ᭞ᬧᬤᬗᬶᬭᬶᬂᬧᬤᬲᬶᬲᬸᬤᬶᬫᬃᬕ᭄ᬕᬶ᭞ᬤᬾᬦᬶᬂᬲᬸᬃᬬ᭄ᬬᬦ᭄ᬤᭂᬂᬓᭂᬩᬸᬲ᭄᭞ᬲᬗ᭄ᬓᬦ᭄ᬫᬗᭂᬦ᭄ᬢᬓ᭄ᬳᭂᬦ᭄ᬢᬓ᭄᭞
ᬧᬲᬸᬮᬾᬳᬾᬢ᭄᭞ᬧᬭᬶᬗᭂᬢᬾᬦᬸᬳᬸᬢ᭄ᬩᬸᬳᬸ᭞ᬲᬕᬾᬢ᭄ᬳᬗᬶᬦ᭄ᬳᬭᬶᬲ᭄ᬢᭂᬓ᭞ᬗᬲᬶᬃᬲᬶᬃᬧᬘᬂᬗᬶᬮᬶᬳᬶᬦ᭄᭟ᬓᬗᭂᬦ᭄ᬳᬦᬓᬾᬗᬦ᭄ᬢᭂᬦᬂ᭞ᬘ᭄ᬭᬶᬓᬼᬮᬶᬄᬧᬤᬫᬢᬸᬂᬢᬸᬂᬳ᭄ᬮᬶᬂ
Kaca:Bali-lontar-gaguritan-rusak-pagesangan-350ppi.pdf/29
Kaca puniki sampun kauji-wacén
