[᭒᭔ 24B]
᭒᭔
ᬭᭀᬧᭀᬦᬾᬭᬶᬂUᬧᬬᬸᬤᬦ᭄᭞ᬫᬯᬲᬦᬩᭀᬬᬩ᭄ᬘᬶᬓ᭄᭞ᬭᬢᬸᬳᬶᬮᬶᬗᬂ᭞ᬲᬧᬶᬢ᭄ᬓᭂᬢ᭄ᬳᬶᬳᬚᬶ᭟ᬜᬦ᭄ᬤᬂᬧᬶᬲᬦ᭄ᬲᬸᬳᬸᬦ᭄ᬧᬸᬦᬶᬓᬩ᭄ᬘᬶᬓᬂ᭞ᬲᬫ᭄ᬧᬸᬦ᭄ᬗᬮᬮ᭄ᬯᬂ
ᬧᬢᬶ᭞ᬢᬸᬦᬭᬶᬂᬧᬭᬶᬓ᭄ᬱ᭞ᬓᬤᬶᬲᬂᬧᬃᬣᬲᬸᬢ᭞ᬗᬾᬤᬍᬫᬂᬫᬓᬶᬭᬶᬕ᭄᭞ᬳᬯᬦᬦ᭄ᬭᬸᬲᬓ᭄᭞ᬚ᭄ᬭᭀᬦᬶᬂᬩ᭄ᬬᬸᬳᬓᬳᬶᬦ᭄ᬢᬶᬧ᭄᭟ᬧᬸᬦᬶᬓᬧᬶᬲ
ᬦ᭄ᬭᬢᬸᬧᬶᬦᭂᬄᬧᬶᬦᭂᬳᬂ᭞ᬓ᭄ᬦᬶᬲᬾᬩᭂᬢ᭄ᬦᬗᬭᬶᬦ᭄᭞ᬬᬤᬶᬦ᭄ᬓᬫᭂᬲᭂᬳᬦ᭄᭞ᬢᬶᬗ᭄ᬓᬄᬗᬋᬧᬶᬦ᭄ᬬᬸᬤ᭞ᬘᬶᬤ᭄ᬭᬬᬂᬫᬮᬶᬄᬩᬯᭀᬲᬶᬦ᭄᭞ᬓᬶᬭᬾᬬᬂᬢᬤᬄ᭞
ᬭᬭᬶᬲ᭄ᬯᬗᬸᬦ᭄ᬩᬯᭀᬲᬶᬦ᭄᭟ᬫᬶᬦᬓᬤᬶᬓᬳᬸᬮᬦ᭄ᬘᭀᬓᭀᬃᬳᬶᬤᬾᬯ᭞ᬦᬾᬫᬸᬯᭂᬤ᭄ᬲᬓᬶᬂᬭᬶᬳᬶᬦ᭄᭞ᬳᬓᬾᬄᬓᬭᬶᬢᬺᬱ᭄ᬡ᭞ᬧᬸᬭᬸᬦ᭄ᬧᬘᬂᬳᬤ᭄ᬯᬂ᭞ᬦᬸᬦ
[᭒᭕ 25]
ᬲ᭄ᬳᬤᭂᬕᬶᬦ᭄ᬮᬶᬗ᭄ᬕᬶᬳᬶᬦ᭄᭞ᬕᭂᬦ᭄ᬢᭀᬲᬶᬦ᭄ᬓᬭᬂ᭞ᬧᬜ᭄ᬘᭀᬭᬾᬧᬶᬓᬸᬓᬸᬳᬶᬦ᭄᭟ᬓ᭄ᬦᬶᬲᬶᬤ᭄ᬥᬓᬢᬜ᭄ᬚᬸᬂᬜᬸᬦ᭄ᬤᬂᬓᬘᬸᬦ᭄ᬤᬂ᭞ᬧᭂᬧᭂᬓ᭄ᬲᬮᬶᬂᬢᬸᬮᬸᬗᬶᬦ᭄᭞ᬬᬾᬦ᭄ᬧᬤᬾ
ᬫᬗ᭄ᬕᭂᬳᬂ᭞ᬕᬫᭂᬮ᭄ᬭᬶᬂᬧ᭄ᬭᬶᬗ᭄ᬕᬲᬾᬮ᭞ᬓᬳᭂᬩᬂᬓᬲᬾᬧ᭄ᬳᬢᬗ᭄ᬓᬶᬲ᭄᭞ᬤ᭄ᬯᬦᬶᬂᬤᬸᬭᬸᬲᬂ᭞ᬧᬶᬲᬦ᭄ᬫᬗ᭄ᬓᬶᬦ᭄ᬩᬸᬤᬮᬶᬦ᭄᭟ᬓᬾᬢᭀᬳᬢᬸᬃᬲᬂᬯᬬᬦ᭄ᬧᬸᬢ᭄ᬭᬶᬫᬶᬲᬺᬗᬂ᭞ᬲᬸᬩᬦᬾ
ᬓᬧᬶᬗ᭄ᬲᬶᬗ᭄ᬕᬶᬄ᭞ᬮᬦ᭄ᬢᬲ᭄ᬫᬤᬩ᭄ᬤᬩᬦ᭄᭞ᬓᬤᬶᬲᬂᬕᬚᬤ᭄ᬭᬸᬫ᭞ᬗᭂᬩᭂᬢ᭄ᬧᬫᬃᬕ᭄ᬕᬶᬦᬾᬜᬗᬶᬦ᭄᭞ᬫᬫ᭄ᬕᬢ᭄ᬕᭂᬮᬃ᭞ᬢ᭄ᬯᬭᬫᬦᬸᬳᬸᬢ᭄ᬫᬃᬕ᭄ᬕᬶ᭟ᬲᬶᬂᬲᬶᬂᬚᬮᬦ᭄ᬫᬓᬸᬢᬢᬸ
ᬭᬶᬂᬧ᭄ᬭᬬᬢ᭄ᬦ᭞ᬫᬲᬶᬗ᭄ᬲᭂᬢ᭄ᬧᬤᬍᬓᬶᬂ᭞ᬤᬾᬦᬶᬂᬗᬕᭂᬦ᭄ᬪᬬ᭞ᬳᬶᬭᬶᬗᬦᬾᬫᬓ᭄ᬚᬂ᭞ᬜ᭄ᬮᬕ᭄ᬲᬶᬓᭂᬧ᭄ᬫᬸᬲᬸᬄᬢᬶᬢᬶᬩ᭄᭞ᬢᭀᬂᬳᬤᬲᬾᬗᭂᬄ᭞ᬦ᭄ᬤᬤᬓᬂᬳᬶᬘ᭄ᬮᬦ᭄ᬯᬶᬤ᭄ᬥᬶ᭟
Kaca:Bali-lontar-gaguritan-rusak-pagesangan-350ppi.pdf/25
Kaca puniki sampun kauji-wacén
