[᭒᭑ 21B]
᭒᭑
ᬮᬶᬗᬶᬦ᭄᭞ᬧᬸᬦᬶᬓᬳᬯᬦ᭄᭞ᬦᬾᬫᬗ᭄ᬓᬶᬦ᭄ᬧᬗᬦ᭄ᬤᬶᬓ᭞ᬘᭂᬦ᭄ᬤᭂᬓ᭄ᬘᬸᬭᬸᬂᬓᬤᬕᬶᬗᬶᬦ᭄᭞ᬧᬘᬂᬗᬭᬶᬲ᭄ᬢ᭞ᬲᭀᬓ᭄ᬳᬸᬢᬸᬲᬦ᭄ᬫᬫᬃᬕ᭄ᬕᬶ᭟ᬲᬫ᭄ᬩᭂᬄᬩᭂᬦ᭄ᬢᬂᬜᬮᬸᬓ᭄ᬲᬸᬓ᭄ᬫᬗᬮᬶᬄ
ᬳᭀᬃᬣ᭞ᬤᬤᬶᬲᬬᬦ᭄ᬫᬫᬹᬃᬣᬶ᭞ᬓᬩᬭᬾᬫᬮᬶᬫ᭄ᬩᬄ᭞ᬳᬶᬕᬸᬲ᭄ᬢᬶᬫᬥᬾᬓᬭᬂ᭞ᬤᬶᬓᭀᬧᬂᬲᬸᬩᬫᬮᬶᬗ᭄ᬕᬶᬄ᭞ᬧ᭄ᬭᬬᬫᬦᬺᬚᭂᬓ᭄᭟ᬤᬗᬶᬦ᭄ᬚᬸᬭᬶᬗᬾᬲᬫᬶ᭟ᬲᬗ᭄ᬓᬦ᭄ᬚᭂ
ᬚᭂᬄᬳᬫ᭄ᬩᬸᬮ᭄ᬧᬶᬢᬶᬓ᭄ᬓᬲᬶᬓᭂᬧᬦ᭄᭞ᬲᬧ᭄ᬭᬤᬾᬰᬦᬾᬲᬶ᭞ᬧᬢᬶᬮᬗ᭄ᬓᭂᬩ᭄ᬲᭂᬗᬧ᭄᭞ᬕᬾᬯᬃᬗᬮᬶᬄᬲᭀᬭᭀᬳᬦ᭄᭟ᬳᬤᬕᭂᬲᬄᬦᬸᬳᬸᬃᬕᬸᬲ᭄ᬢᬶ᭞ᬫᬲᬮᬶᬯᭂᬭᬦ᭄᭞ᬧ
ᬤᬦᬕᬶᬄᬲᬓ᭄ᬱᬶᬦᬶᬦ᭄᭟ᬚ᭄ᬭᭀᬦᬶᬂᬤᬾᬰᬓᭀᬧᬂᬧᬾᬦᬄᬫᬲᭂᬓ᭄ᬱᭂᬓᬦ᭄᭞ᬳᬸᬢᬸᬲᬦᬾᬧᬦ᭄ᬤᭂᬗᬶᬮ᭄᭞ᬬᬾᬦ᭄ᬓᬸᬤᬂᬧᬸᬗ᭄ᬕᬯ᭞ᬫᬚᬮᬦ᭄ᬕᬕᬜ᭄ᬘᬗᬦ᭄᭞ᬲᬳᬲ
[᭒᭒ 22A]
ᬜ᭄ᬚᬢᬮᬸᬫᬶᬦ᭄ᬤᬶᬄ᭞ᬜᬕ᭄ᬚᬕᬶᬦ᭄ᬭᭀᬯᬂ᭞ᬓᬧᭂᬜ᭄ᬘᬃᬫᬧᬕᬶᬲᬶ᭟ᬓᬳᬶᬤ᭄ᬭᬦ᭄ᬲᬸᬩᬚ᭄ᬭᭀᬦᬶᬂᬧ᭄ᬭᬶᬗ᭄ᬕᬮᬾᬮ᭞ᬳᬾᬯᭂᬄᬭᬯᭀᬲᬾᬫᬗ᭄ᬓᬶᬦ᭄᭞ᬕᬸᬲ᭄ᬢᬶᬫᬥᬾᬳᭀᬓ᭞
ᬗ᭄ᬭᬲᬩᬬᬓᬧᭂᬲᬦ᭄᭞ᬓᬦ᭄ᬢᬶᬦᬾᬮ᭄ᬬᬸᬫᬩᬮᬶᬓ᭄᭞ᬲᬤᬾᬰᬤᬾᬰ᭞ᬢᬶᬦᬲ᭄ᬫᬢᬶᬮᬃᬪᬓ᭄ᬢᬶ᭟ᬓ᭄ᬭᬡᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬓᬬᬸᬦᬾᬦᬗ᭄ᬲᬬ᭞ᬓᬤᬶᬧᬓ᭄ᬱᬶᬲᬫ᭄ᬧᬢᬶ᭞
ᬲᬸᬩᬕᬦ᭄ᬤᭀᬕᬦ᭄᭞ᬩᬸᬮᬸᬦ᭄ᬓᬫ᭄ᬧᬶᬤᬾᬳᭀᬜ᭞ᬓᬩᬸᬢ᭄ᬩᬸᬢᬦ᭄ᬳᬮᬄᬓᬸᬭᬶᬲ᭄᭞ᬓᬸᬤ᭄ᬬᬂᬗᬩᭂᬢᬂ᭞ᬫᬓ᭄ᬩᬸᬃᬦ᭄ᬚᬸᬚᬸᬄᬮᬗᬶᬢ᭄᭟ᬬᬦ᭄ᬧᬓ᭄ᬱᬬᬂᬫᬧᬾᬗ᭄ᬓᬲ᭄ᬢ᭄ᬯᬭᬜᬶ
ᬤ᭄ᬥᬬᬂ᭞ᬫᬸᬲᬸᬄᬫᬓ᭄ᬢᬶᬓ᭄ᬢᬶ᭞ᬫᬢᬗ᭄ᬓᭂᬫ᭄ᬫᬚᬕ᭞ᬫᬧᬗ᭄ᬓᬲᬶᬂᬲᬶᬂᬚᬮᬦ᭄᭞ᬓᬮᬸᬤ᭄ᬫᬃᬕ᭄ᬕᬦᬾᬓᬕᬶᬲᬶ᭞ᬲᬗ᭄ᬓᬄᬦ᭄ᬢᬵᬂᬲᬶᬤ᭄ᬥ᭞ᬓᬢᬜ᭄ᬚᬸᬂᬳᬸᬮᬸᬂᬳᬸᬮᬶᬄ᭟ᬫᬧ᭄ᬭᬂᬮᬮᬸᬲᬳᬶ
Kaca:Bali-lontar-gaguritan-rusak-pagesangan-350ppi.pdf/22
Kaca puniki sampun kauji-wacén
