Kaca:Bali-lontar-gaguritan-rusak-pagesangan-350ppi.pdf/21

Saking Wikisource
Kaca puniki sampun kauji-wacén

[᭒᭐ 20B]
᭒᭐
ᬚᬕᬢᬾᬭᬶᬂᬓᭀᬧᬂ᭞ᬯᬦ᭄ᬢᬄᬘᭀᬓᭀᬃᬳᬶᬤᬾᬯ᭞ᬗᭀᬤᬕᬂᬲᬧᬢᬶᬳᬸᬭᬶᬧ᭄᭞ᬬᬤᬶᬦ᭄‌ᬳᭀᬳᬢᬂ᭞ᬢᬶᬢ᭄ᬬᬂᬧᬶᬢᬼᬲ᭄ᬗᬶᬭᬶᬂ᭟ᬓᬜ᭄ᬘᬶᬢ᭄ᬢᭂᬓᬧᬧᬭᬤᬾᬦ᭄‌ᬳᬸᬮᬶᬩ
ᬢᬸᬓ᭄ᬳ᭄ᬬᬂ᭞ᬲᬜ᭄ᬚᬢᬳᬕᬸᬂᬗᬶᬭᬶᬂ᭞ᬫᬤᬦ᭄ᬥᬾᬲᬶᬗ᭄ᬳᬃᬲ᭞ᬫᬧᬓ᭄ᬓᬧᬲᬗ᭄ᬕ᭄ᬭᬳᬦ᭄᭞ᬧ᭄ᬭᬦᬫ᭄ᬬᬗᭂᬳᭂᬤ᭄ᬗᬪᬓ᭄ᬢᬶ᭞ᬫᬢᬸᬃᬦᬸᬦᬲᬂ᭞ᬧᬸᬦᬧᬶᬭᬢᬸᬫᬲᬶᬄ᭟ᬮᬸᬫᬓ᭄ᬱᬦᬧᬫᭂᬫ᭄ᬧᭂᬂ
ᬳᬗᭂᬢ᭄ᬳᬗᭂᬢᬦ᭄᭞ᬜᬦ᭄ᬤᬂᬫᬗ᭄ᬓᬶᬦ᭄ᬕᬸᬭᬳᬶᬦ᭄᭞ᬓᬳᬸᬮᬦᬾᬗᬶᬤᬫ᭄᭞ᬫᬸᬮᬦᬕᬶᬄᬢᬳᬸᬭᬂ᭞ᬧᬶᬲᬦ᭄ᬳᬤᬸᬂᬧᬶᬤᬾᬦᬶᬦ᭄᭞ᬭᬭᬶᬲ᭄ᬧᬸᬘᬸᬓᬂ᭞ᬳᬢᬫ᭄ᬧᬓ᭄ᬩᭀᬬ
ᬲᬶᬭᬶᬕ᭄᭟ᬳᬓᬸᬤᬲᬦ᭄ᬗᬸᬩᬬᭀᬦ᭄ᬧ᭄ᬭᬶᬗ᭄ᬕᬲᬾᬮᬦᬾ᭞ᬓᬶᬗᬶᬦ᭄ᬧᬸᬭᬸᬦ᭄‌ᬗ᭄ᬭᬶᬘᬶᬦᬶᬦ᭄᭞ᬯ᭄ᬓᬲᬶᬂᬢᬫ᭄ᬩᬭ᭞ᬧᬓᬃᬬ᭄ᬬᬳᬮᬫ᭄ᬳᬮ᭄᭞ᬳᬢ᭄ᬭᬚᬗᬦ᭄ᬚᬦ᭄ᬢᭂᬦ᭄ᬮᬶᬲᬶᬓ᭄᭞ᬘᭀ
[᭒᭑ 21A]
ᬓᭀᬃᬳᬶᬤᬾᬯ᭞ᬓᬾᬯᬦ᭄ᬢᭂᬦ᭄ᬗᬤᭂᬕ᭄ᬗᬓ᭄ᬱᬶ᭟ᬧᬸᬧᬸᬢ᭄ᬳᬢᬸᬃᬧᬶᬦᬸᬦᬲᬾᬥᬾᬦ᭄‌ᬲᬶᬗ᭄ᬳᬃᬲ᭞ᬲᬧ᭄ᬭᬯᬗ᭄ᬲᬦᬾᬲᬫᬶ᭞ᬮᬳᬸᬢ᭄ᬓᬢᬭᬾᬓᬦ᭄᭞ᬫᬓ᭄ᬚᬂᬤᬶᬧᬋᬧᬦ᭄᭞ᬫᬤᬶᬭᬶ
ᬤᬶᬭᬶᬓᬳᬭᬶ᭞ᬧᬤᬫᬸᬮᬶᬭᬓ᭄᭞ᬲᬗ᭄ᬕᬸᬧᬾᬢ᭄ᬯᬭᬕᬶᬗ᭄ᬲᬶᬃ᭟ᬕᬸᬲ᭄ᬢᬶᬫᬥᬾᬓᬭᬂᬲᬃᬚ᭄ᬚᬶᬯᬫᬶᬋᬗᬂ᭞ᬫᬗ᭄ᬓᬶᬦ᭄ᬓᬤᬶᬯᭂᬯᭂᬳᬶᬦ᭄᭞ᬓᬲᬶᬗ᭄ᬳᬧᬸᬭᬸᬲ᭞ᬢᬸᬮ᭄ᬬᬳᬧ᭄ᬯᬶᬤᬸᬫᬶᬮᬄ
᭞ᬓᬧᬸᬦ᭄ᬧᬸᬦ᭄ᬢᬭᬸᬳᬓᬶᬂ᭞ᬲᬬᬦ᭄ᬓᬢᬭ᭞ᬫᬸᬭᬸᬩ᭄ᬲᬸᬫᬦ᭄ᬓᬶᬦ᭄‌ᬯᬺᬤᬶ᭟ᬦᬗᬶᬂᬓᬭᬶᬧᬳ᭄ᬬᬸᬦᬦᬾᬗᬯᬲ᭄ᬯᬲ᭄᭞ᬓᬋᬋᬄᬓᬧᬶᬤᬾᬦᬶᬦ᭄᭞ᬪᬓ᭄ᬢᬶᬦ᭄ᬳᬶᬓᬳᬸᬮ᭞
ᬦᬾᬚᬢᬶᬓᬭᬶᬢᬺᬱ᭄ᬡ᭞ᬲᬗ᭄ᬓᬦ᭄ᬚᬦᬶᬓᬕᬮᬶᬳᬶᬦ᭄᭞ᬲᬢᬢᬶᬗ᭄ᬓᬳᬦ᭄᭞ᬲᬤᬗᬶᬦ᭄ᬚᬸᬭᬶᬗᬾᬲᬫᬶ᭟ᬳᬦ᭄ᬢᬸᬓ᭄‌ᬩ᭄ᬬᬸᬃᬕᬫ᭄ᬩᬸᬭᬲᬤᬾᬰᬤᬾᬰ᭞ᬩᭀᬬᬓ᭄ᬦᬶᬳᬶ