Kaca:Bali-lontar-gaguritan-rusak-pagesangan-350ppi.pdf/20

Saking Wikisource
Kaca puniki sampun kauji-wacén

[᭑᭙ 19B]
᭑᭙
ᬦᬶᬂ᭞ᬓᬳᬫ᭄ᬮᬧᬸᬭ᭞ᬢᬢᬲ᭄ᬩᬜᬗᬢᬸᬭᬂ᭞ᬲᬧᬭᬶᬳᬶᬦ᭄ᬤᬶᬓᬾᬲᬫᬶ᭞ᬫᬗ᭄ᬓᬶᬦ᭄ᬓᬩᬗᬦ᭄᭞ᬪᬵᬝᬵᬭᬗᬭᬸᬭᬸᬦ᭄ᬢᬶᬓ᭄᭟ᬯᬾᬦ᭄ᬢᬦ᭄‌ᬓ᭄ᬭᬕᬧ᭄ᬭᬕᬸᬲ᭄ᬢᬶᬲᬂᬓᬳᬸᬘᬧᬂ᭞ᬯᬶᬬᭀ
ᬘ᭄ᬦᬶᬂᬩᭂᬗ᭄ᬓᭂᬮ᭄ᬚᬢᬶ᭞ᬓ᭄ᬢᬸᬢ᭄ᬧᬲᭂᬤᬳᬦ᭄᭞ᬲᬬᬂᬧᬭᬦᬶᬂᬯ᭄ᬓᬲ᭄᭞ᬢᬸᬭᬲᬶᬂᬳᬸᬧᬬᬲᬦ᭄ᬤᬶ᭞ᬲᬦ᭄ᬢᬦᬦ᭄ᬳᬶᬤ᭞ᬤᬾᬯᬢᬓᭂᬢᬸᬢ᭄ᬭᬶᬳᬶᬦ᭄᭟ᬓᬳᬸᬢᬸᬲ᭄ᬓᬤᬚᬦ᭄ᬕᬸᬦᬸᬂᬕᬕ
ᬜ᭄ᬘᬗᬦ᭄᭞ᬫᬧᬳᬶᬲᬶᬜᬶᬦᬳᬶᬦ᭄᭞ᬦᬾᬧᭂᬲᬸᬗᬗᬶᬦᬂ᭞ᬳᬶᬕᬸᬲ᭄ᬢᬶᬫᬥᬾᬓᬭᬂ᭞ᬯᬾᬦ᭄ᬢᭂᬦ᭄ᬧᬶᬢᬸᬂᬩᬗ᭄ᬲᬶᬢ᭄ᬗᬶᬭᬶᬂ᭞ᬲᬳᬲᬜ᭄ᬚᬢ᭞ᬲᬶᬲᬸᬓᬲᬺᬓ᭄ᬭᬶᬂᬫᬃᬕ᭄ᬕᬶ᭟ᬓᬰ᭄ᬬᬕ᭄ᬬ
ᬮᬓᬸᬦᬾᬢᬦ᭄ᬫᬯᬲᬦ᭄ᬲᬸᬭᬓ᭄᭞ᬲᬶᬬᭂᬧ᭄ᬲᬩᬶᬮᬂᬫᬃᬕ᭄ᬕᬶ᭞ᬤᬾᬦᬶᬂᬓᬳ᭄ᬬᬸᬦᬦ᭄᭞ᬫᬧ᭄ᬭᭂᬧ᭄ᬫᬫᬸᬓ᭄ᬳᬫᬸᬓ᭄‌ᬦᬵᬂ᭞ᬧᬜ᭄ᬚᬓᬾᬧᬤᬓᬢᬭᬶ᭞ᬦᬕᬶᬄᬘᬭ᭄ᬯᬂ᭞ᬫᬸᬜᬶᬦᬾ
[᭒᭐ 20A]
ᬫᬢᭀᬄᬧᬢᬶ᭟ᬲᬗ᭄ᬓᬦ᭄ᬳᬾᬕᬃᬕᬶᬭᬂᬲᬲᭂᬩᭂᬗᬾᬩᬶᬦᬮ᭄᭞ᬩᬦᬾᬗᬦ᭄ᬢᭂᬦᬂᬕᬸᬲ᭄ᬢᬶ᭞ᬮᬕᬯᬭᬶᬂᬢᬶᬗ᭄ᬓᬄ᭞ᬩᬸᬓᬢᬦ᭄‌ᬢᬺᬱ᭄ᬡᬾᬂᬚᬶᬯ᭞ᬲ᭄ᬤᭂᬂᬤᬤᬶᬲᬾᬦᬧᬢᬶ᭞ᬫᬸ
ᬳᬸᬕ᭄ᬫᬚᬮᬦ᭄᭞ᬫᬗ᭄ᬓᬢ᭄ᬓᬮᬦᬶᬃᬯ᭄ᬗᬶ᭟ᬩᬾᬜ᭄ᬚᬂᬧᬲ᭄ᬫᭂᬗᬦ᭄ᬤᬸᬓ᭄ᬭᬯᬸᬄᬭᬶᬂᬓᭀᬧᬂ᭞ᬓᬾᬦ᭄ᬩᬦ᭄ᬤᬾᬲᬓᬧᬗ᭄ᬕᬶᬄ᭞ᬗᬤᭂᬕᬂᬢᭂᬩᭂᬗᬦ᭄᭞ᬲᬳᬧᬜ᭄ᬚᬓ᭄ᬲᬜ᭄ᬚᬢ᭞ᬓᬧᬲ
ᬗ᭄ᬕ᭄ᬭᬳᬦ᭄‌ᬫᬗ᭄ᬭᬭᬶᬲ᭄᭞ᬕᬸᬲ᭄ᬢᬶᬫᬥᬾᬓᬭᬂ᭞ᬦᬾᬫᬗ᭄ᬓᬶᬦ᭄ᬓᬢᬗ᭄ᬓᬶᬮ᭄᭟ᬤᬾᬦ᭄ᬩᬦ᭄ᬤᬾᬰᬫᭂᬓᬸᬮ᭄ᬧᬤᬜᬸᬫ᭄ᬩᬄᬜᬸᬫ᭄ᬩᬄ᭞ᬫᬳᬢᬸᬃᬢᬸᬗ᭄ᬢᬸᬂᬢᬗᬶᬲ᭄᭞ᬭᬢᬸᬧᬦᭂᬫ᭄ᬩᬳᬦ᭄᭞ᬢᬶ
ᬢ᭄ᬬᬂᬘᭀᬓᭀᬃᬳᬶᬥᬾᬯ᭞ᬲᬫ᭄ᬧᬸᬦ᭄ᬓᬤᬶᬓᬶᬭᬂᬢᬫ᭄ᬧᬶ᭞ᬧᬶᬢᬺᬱ᭄ᬡᬦ᭄ᬢᬶᬢ᭄ᬬᬂ᭞ᬯᬦ᭄ᬢᬄᬫᬗ᭄ᬕᭂᬄᬲᬸᬪᬓ᭄ᬢᬶ᭟ᬩᭀᬬᬧᬶᬢᭂᬮ᭄‌ᬫᬸᬮᬫᬶᬮᬶᬃᬓᬸᬫᬳᬸᬮ᭞ᬓᬢ᭄ᬓᬦ᭄ᬲᬓᬶᬂᬭᬶᬳᬶᬦ᭄᭞