[᭑᭘ 18B]
᭑᭘
ᬮᬶᬦ᭄᭞ᬦᬗᬸᬦᬂᬕ᭄ᬮᬃ᭞ᬲᬶᬓᭂᬧᬾᬜᭂᬗᭂᬄᬲᬫᬶ᭟ᬲᬮᬶᬂᬳᬯᬲ᭄ᬯᬶᬦᬯᬲ᭄ᬲᬢᬢᬶᬗ᭄ᬓᬳᬦ᭄᭞ᬳᭀᬗ᭄ᬕᬾᬃᬲᬬᬦ᭄ᬫᬓᬶᬮᬶᬢ᭄᭞ᬫᬦᬶᬫ᭄ᬩᬮ᭄ᬓᬢᬶᬫ᭄ᬩᬮ᭄᭞ᬲᬸᬭᬓ᭄ᬲᬚ᭄ᬭᭀᬦᬶᬂ
ᬓᬸᬢ᭞ᬲᭀᬓ᭄ᬓᬃᬬ᭄ᬬᬦᬾᬗᬶᬤᭂᬭᬶᬦ᭄᭞ᬗᬦ᭄ᬢᭂᬦᬂᬢᬤᬄ᭞ᬲᬧᬫᬢᬶᬗᬾᬲᬶᬸᬲᬫᬶ᭟ᬤᬾᬦᬶᬂᬢᭀᬦ᭄ᬤᬾᬦ᭄ᬗᬫᬭᬬᬂᬮᬸᬫᬓ᭄ᬱᬦ᭞ᬧᬤᬦᬕᬶᬄᬤᬸᬳᬸᬦᬶᬦ᭄᭞ᬬᬾᬦ᭄ᬳᬓᬸ
ᬤᬂᬤᬶᬦ᭞ᬳ᭄ᬦᬸᬫᬚᬚᭂᬦᭂᬗᬦ᭄᭞ᬧᬸᬗ᭄ᬕᬯᬧ᭄ᬭᬫᬦ᭄ᬘᬲᬶ᭞ᬫᬶᬧᬸᬓ᭄ᬳᬶᬧᬸᬓᬦ᭄᭞ᬫᬗᬶᬢᭂᬳᬂᬩᬩ᭄ᬘᬶᬓ᭄᭟ᬫᬲᬲᬸᬓᬦ᭄ᬳᬸᬫᬸᬂᬲᬩ᭄ᬓᭂᬮ᭄ᬩᭂᬓᭂᬮᬦ᭄᭞ᬳᬶᬬᭀᬂᬲᬮᬶᬂᬓ᭄ᬤᬾ
ᬓᬶᬦ᭄᭞ᬬᬤᬶᬦ᭄ᬤᬶᬩᬜ᭄ᬘᬶᬗᬄ᭞ᬚᭂᬚᭂᬮ᭄ᬢᬦ᭄ᬧᬯᬶᬮᬗᬦ᭄᭞ᬧᬋᬓᬦ᭄ᬯᬾᬱ᭄ᬬᬦᭂᬩᭂᬗᬶᬦ᭄᭞ᬫᬕᬕᭀᬜ᭄ᬚᬓᬦ᭄᭞ᬭᬯᭀᬲᬾᬲᬮᬶᬂᬢᬭᬶ᭟ᬢᬦ᭄ᬘᬭᬶᬢ
[᭑᭙ 19A]
ᬓᭀᬘᬧ᭄ᬕᬸᬲ᭄ᬢᬶᬫᬥᬾᬳᭀᬓ᭞ᬭᬯᬸᬄᬓᬤᬗᬶᬦ᭄ᬚᬸᬭᬶᬂ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬦᬧᬓ᭄᭞ᬧ᭄ᬭᬬᬧᬘᬂᬫᬢᭀᬓ᭄᭞ᬲᬾᬓᬧᬢᬶᬦᬾᬫᬩᬮᬶᬓ᭄᭞ᬤᬶᬧ᭄ᬭᬶᬗ᭄ᬕᬲᬾᬮ᭞ᬳᬶ
ᬭᬶᬓᬓᬓᬸᬓᬸᬳᬶᬦ᭄᭞ᬫᬢ᭄ᬩᭂᬗᬦ᭄ᬤᬾᬦᬶᬂᬧᬜ᭄ᬚᬓ᭄ᬮᬦ᭄ᬓᬫᬸᬮᬦ᭄᭞ᬲᬤᬗᬶᬦ᭄ᬢᬸᬓᬤ᭄ᬩ᭄ᬮᬶᬫ᭄ᬩᬶᬂ᭞ᬲᬯᬢᭂᬓ᭄ᬧ᭄ᬭᬯᬗ᭄ᬲ᭞ᬲᬳᬶᬫᬢᬢᬗ᭄ᬓᬶᬮᬦ᭄᭞ᬓᬧ᭄ᬭᬶᬗ᭄ᬕᬲᬾᬮ
ᬦᭂᬩᭂᬗᬶᬦ᭄᭞ᬲᬳᬧ᭄ᬭᬘᬶᬳ᭄ᬦ᭞ᬗᬢᬸᬭᬂᬳᬯᬓ᭄ᬪᬓ᭄ᬢᬶ᭞ᬦᬸᬦᬲ᭄ᬮᬸᬕ᭄ᬭᬮᬸᬫ᭄ᬮᬲ᭄ᬫᬭᬭᭀᬚᭀᬗᬦ᭄᭞ᬳᬲᬶᬂᬓᬭᬶᬫᬶᬯᬮᬶᬦ᭄᭞ᬚᭂᬳᭂᬕᬶᬦ᭄ᬲᬚᬬᬂ᭞ᬳᬢᬸᬭᬾᬧᬧ
ᬢᬸᬳᬦ᭄᭞ᬕ᭄ᬥᬾᬧᭀᬕᭀᬫᬜᬗ᭄ᬓᭀᬮᬶᬦ᭄᭞ᬢ᭄ᬯᬭᬫᬢᬸᬢᬂ᭞ᬳᬯᬦ᭄ᬗ᭄ᬕᬾᬕᬾᬃᬓᬭᬶ᭟ᬤᬾᬦ᭄ᬩᬦ᭄ᬤᬾᬲᬤᬶᬓᭀᬧᬂᬫᭀᬢᭀᬄᬓᬭᬗ᭄ᬤ᭞ᬫᬧᬸᬢᬸᬲᬦ᭄ᬫᬶᬳᬸ
Kaca:Bali-lontar-gaguritan-rusak-pagesangan-350ppi.pdf/19
Kaca puniki sampun kauji-wacén
