[᭑᭔ 14B]
᭑᭔
ᬗᬸᬂᬲᬶ᭞ᬘᬸᬗ᭄ᬓᬸᬩ᭄ᬫᬢᬭᬫ᭄᭞ᬗ᭄ᬕᭂᬕᬾᬫᬲᬸᬭᬓ᭄ᬢᬭᬶᬢ᭄᭟ᬓᬢᬮᬶᬓᬸᬃᬲᬸᬩᬫᬓᭂᬧᬸᬂᬓᬶᬓᬶᬲᬂ᭞ᬢᬫ᭄ᬩᬸᬃᬗᬺᬤᭂᬕ᭄ᬫᬫᬸᬜᬶ᭞ᬲᬶᬓᭂᬧᬾᬫᬕ᭄ᬮᬃ᭞ᬤᬶᬘᬭᬶᬓᬾᬫᬓᭂᬩᬢ᭄᭞
ᬲᬂᬓ᭄ᬢᬸᬢ᭄ᬜᬶᬦᬳᬶᬦ᭄᭞ᬕ᭄ᬥᬾᬲᬶᬗ᭄ᬳᬃᬲ᭞ᬫᬓᬤᬶᬦ᭄ᬳᬶᬧᬸᬦ᭄ᬓᬮᬶᬄ᭟ᬫᬢ᭄ᬭᬬᬸᬳᬦ᭄ᬲᬸᬲᬸᬫ᭄ᬩᬃᬧᬜ᭄ᬚᬓᬾᬕᬶᬭᬂ᭞ᬩᭀᬦᬳᬬᬾᬦ᭄ᬢ᭄ᬯᬄᬩᬦᬶ᭞ᬳᬾᬗ᭄ᬕᬮᬂᬧᭂᬲ᭄ᬯᬦ᭄᭞ᬚᬦᬶᬢ᭄ᬯ
ᬭᬩᬸᬯᬸᬗᬦ᭄᭞ᬳᬶᬩᬧᬘᬂᬓᬓᭂᬫ᭄ᬩᬭᬶᬦ᭄᭞ᬳᬸᬧᬄᬩᬫᬗ᭄ᬓᬓ᭄᭞ᬧᭀᬗᬄᬚ᭄ᬯᬭᬶᬫᬩᬮᬶᬓ᭄᭟ᬬᬾᬦᬶᬂᬳᬶᬩᬫᬲ᭄ᬭᬄᬦᬸᬗ᭄ᬓᬸᬮ᭄ᬢᬓᬸᬢ᭄ᬩᬗ᭄ᬓ᭞ᬫᬲᬶᬄᬗᬦ᭄ᬢ᭄ᬬᬂᬫᬢᬮᬶ᭞
ᬫᬢᬸᬂᬢᬸᬂᬩᬩᬦ᭄ᬤᬦ᭄᭞ᬓᬾᬢᭀᬫᬸᬜᬶᬦᬾᬳᬓᬲ᭄᭞ᬲᬳᬸᬢᬶᬦ᭄ᬲᬸᬭᬓ᭄ᬫᬓᬶᬮᬶᬢ᭄᭞ᬩ᭄ᬤᬶᬮ᭄ᬧᬦᭀᬫᬂ᭞ᬗᬺᬧᭂᬤ᭄ᬲᬮᬶᬂᬢᬶᬫ᭄ᬩᬮᬶᬦ᭄᭟ᬫᬕᬾᬜ᭄ᬚᭀᬗᬦ᭄ᬕᬸᬫᬶ
[᭑᭕ 15A]
ᬓᬳᬚᬸᬃᬭᬲᬜ᭞ᬓᬳᬸᬚᬦᬶᬦ᭄ᬩᬳᬦ᭄ᬫᬶᬫᬶᬲ᭄᭞ᬘᬸᬗ᭄ᬓᬸᬩᬾᬓᬭᬶᬱ᭄ᬝ᭞ᬫᬗ᭄ᬓᬶᬦ᭄ᬯᬢᭂᬓ᭄ᬩᭀᬦᬳ᭞ᬕᬮᬓ᭄ᬧᬩᬍᬲ᭄ᬩᭂᬲ᭄ᬫᬶᬚᬶᬮ᭄᭞ᬦ᭄ᬤᬾᬭᬾᬂᬫᬗᬸᬮᬄ᭞ᬗᭂᬚᭀᬭᬂ
ᬩᭀᬓᬢ᭄ᬫᬶᬗᬶᬤ᭄᭟ᬧᬗ᭄ᬓᭂᬧ᭄ᬲ᭄ᬬᬢ᭄ᬮᬕᬯᬫᬢᬢᬸᬫ᭄ᬩᬓᬦ᭄᭞ᬧᬤᬧᬲᬮᬶᬂᬢᬗ᭄ᬓᬶᬲ᭄᭞ᬫᬜᭂᬫ᭄ᬧᬮ᭄ᬓᬲᭂᬫ᭄ᬧᬮ᭄᭞ᬘᬶᬤ᭄ᬭᬓᬧᬭᬶᬘᬶᬤ᭄ᬭ᭞ᬲᬸᬭᬓᬾᬲᬬᬦ᭄ᬕᬸ
ᬫᬶᬭᬶᬄ᭞ᬫᬢᬢᬶᬫ᭄ᬩᬮᬦ᭄᭞ᬫᬸᬜᬶᬦ᭄ᬢᬫ᭄ᬩᬸᬭᬾᬢᬶᬢᬶᬃ᭟ᬫᬳᬤᬸᬓᬦ᭄᭞ᬲ᭄ᬬᬢᬾᬫᬤᬸᬓ᭄ᬳᬤᬸᬓᬦ᭄᭞ᬓᬸᬫ᭄ᬧᬸᬮ᭄ᬤᬤᬶᬳᬩ᭄ᬲᬶᬓ᭄᭞ᬳᬾᬗ᭄ᬕᬮ᭄ᬧᬓᬸᬭᬾᬧᬓ᭄᭞
ᬧ᭄ᬭᬫᬾᬦᬓᬾᬗᬳᭂᬧᬂ᭞ᬤᬾᬦᬶᬂᬲᬸᬩᬲᬬᬦ᭄ᬲᭂᬗᬶᬢ᭄᭞ᬫᬸᬲᬸᬄᬮᬾᬦ᭄ᬭᭀᬯᬂ᭞ᬫᬕᬶᬫᭂᬄᬲᬮᬶᬂᬘᭀᬓᬶᬦ᭄᭟ᬘᭂᬩᬾᬃᬘᭂᬩᬾᬃᬫᬸᬜᬶᬦ᭄ᬩ᭄ᬤᬶᬮᬾᬗᬺᬲᭂᬧᬂ
Kaca:Bali-lontar-gaguritan-rusak-pagesangan-350ppi.pdf/15
Kaca puniki sampun kauji-wacén
