[᭑᭓ 13B]
᭑᭓
ᬦ᭄᭟ᬲᬸᬩᬓᬢᬸᬃᬢ᭄ᬓᬾᬦ᭄ᬕᬸᬲ᭄ᬢᬶᬜᭀᬫᬦ᭄ᬓᬭᬂ᭞ᬫᬲᬶᬄᬢᭀᬦ᭄ᬤᬾᬦ᭄ᬓᬢᬫ᭄ᬧᬶ᭞ᬭᬾᬄᬫᬸᬮᬲᬗ᭄ᬲᬬᬳᬂ᭞ᬲᬗ᭄ᬓᬦᬶᬂᬫᬚᬗ᭄ᬕᭂᬮᬦ᭄᭞ᬲᬶᬓᭂᬧᬾᬫᬩᭂᬮ᭄ᬩᭂᬮ᭄ᬓᬭᬶ᭞ᬤᬶᬳ
ᬫ᭄ᬮᬧᬸᬭ᭞ᬫᬢᬭᬫ᭄ᬓᭀᬘᬧ᭄ᬚᬦᬶ᭟ᬫᬧᬤᬩ᭄ᬤᬩ᭄ᬫᬧᬭᬫᬜ᭄ᬘ᭞ᬜᬢᬸᬃᬳᬤᬧᬕᬶᬲᬶ᭞ᬤᬶᬲᬩᬶᬮᬂᬚ᭄ᬩᬕ᭄᭞ᬧᬤᬫᬲᭀᬯᬂᬲᭀᬯᬂ᭞ᬢᭀᬗᭀᬲ᭄ᬫᬜ᭄ᬘᬦᬾᬗᭂᬫ᭄ᬩ
ᬦᬶᬦ᭄᭞ᬧᬋᬓᬦ᭄ᬩᬢ᭞ᬩᬢᬸᬫᬶᬯᬄᬩᬩ᭄ᬘᬶᬓ᭄᭟ᬫᬾᬭᬸᬓᬯᬸᬄᬤᬶᬳᬚᭂᬂᬪᬝᬵᬭᬗᬫ᭄ᬩ᭄ᬬᬃ᭞ᬲᭀᬭᭀᬄᬦᬾᬲᬶᬓᭂᬧ᭄ᬩᭂᬤᬶᬮ᭄᭞ᬢᬸᬮ᭄ᬬᬧᬶᬢ᭄ᬭᬭᬓ᭄ᬯ᭞ᬓ᭄ᬭᬸᬭᬫᬫᬦ᭄ᬢᭂᬲ᭄ᬧᬶ
ᬲᬦ᭄᭞ᬮᬓᬸᬦᬾᬳᬧᬚᭂᬕ᭄ᬫᬶᬭᬶᬂ᭞ᬧᬢᬸᬄᬫᬩᬸᬗ᭞ᬲᬸᬫ᭄ᬧᬂᬧᬸᬘᬸᬓ᭄ᬳᬓᬢᬶᬄ᭟ᬗᭂᬫ᭄ᬩᬢ᭄ᬢᬦ᭄ᬤᬂᬮᭀᬕᬲ᭄ᬫᬗᭂᬦ᭄ᬢᬸᬗᬂᬮᬶᬫ᭞ᬩᬸᬓᬢᭀᬂᬧᬧᬓᬶᬭᬶᬂ᭞ᬤᬾᬦᬶᬂᬕᬕ᭄ᬮᬶᬓ
[᭑᭔ 14A]
ᬦ᭄᭞ᬧᬯᬓᬦ᭄ᬩᬵᬓᬸᬄᬳᬤᬲ᭄᭞ᬓᬮᬾᬲ᭄ᬢᬸᬃᬫᬘᭂᬧᬾᬕ᭄ᬓᬸᬫᬶᬲ᭄᭞ᬓᬤᬶᬩᬾᬮᬯ᭞ᬭᬲᬜᬧᬘᬂᬫᬫᬢᬶᬂ᭟ᬤᬶᬧᬸᬗ᭄ᬓᬸᬭᬩᬳᬩᬺᬤᬦ᭄ᬗᬺᬫ᭄ᬧᭂᬕ᭄ᬪᬝᬵᬭ᭞ᬫᬘᬢ᭄ᬭ
ᬓᭂᬫ᭄ᬩᬃᬧᬸᬢᬶᬄ᭞ᬫᬢᭀᬧᬶᬧ᭄ᬭᬤ᭞ᬢᬸᬗ᭄ᬕᬸᬮ᭄ᬲᭂᬍᬫ᭄ᬗᬧᬶᬢᬂ᭞ᬢᬶᬗ᭄ᬓᬳᬾᬓᬕᬶᬭᬶᬕᬶᬭᬶ᭞ᬯᬾᬦ᭄ᬢᭂᬦ᭄ᬧ᭄ᬭᬧᬸᬢ᭄ᬭ᭞ᬓᬮᬶᬄᬳᬦᭀᬫ᭄ᬳᬧ᭄ᬓᬶᬓ᭄᭟ᬯᬬᬦ᭄ᬚᭂᬮᬦ᭄ᬢᬶᬓ᭄ᬧᬲᬾᬗ
ᬦ᭄ᬦᬾᬮᬸᬳᬸᬭᬦ᭄᭞ᬳᬮᬶᬢᬦ᭄ᬓᭂᬢᬸᬢ᭄ᬚᭂᬮᬦ᭄ᬢᬶᬓ᭄᭞ᬗᬶᬭᬶᬗᬂᬳᬶᬭᬶᬓ᭞ᬢᬸᬫᬸᬮᬶᬲᬫ᭄ᬧᬸᬦ᭄ᬦᬫᬶᬸᬧᬓ᭄᭞ᬳᬶᬭᬶᬗᬦ᭄ᬪᬝᬵᬭᬲᬫᬶ᭞ᬤᬶᬤᬯᬸᬄᬚ᭄ᬩᬕ᭄᭞ᬗᬫ᭄ᬩ᭄ᬬᬃᬧᬶᬗ᭄ᬕᬶᬭᬶᬂ
ᬘᬭᬶᬓ᭄᭟ᬲᬕᬾᬢ᭄ᬢᭂᬓᬲᬶᬓᭂᬧ᭄ᬤᬾᬰᬧᬕᭂᬲᬗᬦ᭄᭞ᬳᬸᬮᬶᬓ᭄ᬮᭀᬤ᭄ᬮᬸᬫᬶᬦ᭄ᬤᬶᬄ᭞ᬗᭂᬦ᭄ᬢᬲᬶᬦ᭄ᬧᬸᬦ᭄ᬤᬸᬓᬦ᭄᭞ᬯᬢᬭᬳᬤᬤᭀᬫᬲ᭄᭞ᬮᬕᬯᬗᬸᬘᬸᬃᬫ
Kaca:Bali-lontar-gaguritan-rusak-pagesangan-350ppi.pdf/14
Kaca puniki sampun kauji-wacén
