[᭕5B]
ᬧᬸᬦᬶᬓᬫᬧᬓᬦ᭄ᬭᬭᬶᬲ᭄᭞ᬓᬧᬸᬭᬶᬕ᭄ᬬᬜᬃ᭞ᬢᬍᬃᬲᬬᬗᬾᬢᬦ᭄ᬲᬶᬧᬶ᭟ᬧ᭄ᬢᭂᬂᬍᬫᬄᬫᬗ᭄ᬤᬧᭀᬮᬶᬄᬓᬘᬶᬗᬓᬦ᭄᭞ᬲᬵᬫ᭄ᬧᬸᬦ᭄ᬓᬲ᭄ᬯᬾᬦ᭄ᬫᬗ᭄ᬓᬶᬦ᭄᭞ᬓᬶᬦᬸᬮᬯᬶᬰᬸᬤ᭄ᬥ᭞ᬓᬳᬶᬘ᭄ᬮᬾᬦ᭄ᬓ᭠
ᬯᬶᬪᬯᬦ᭄᭞ᬗ᭄ᬭᬯᭀᬲᬶᬜ᭄ᬚᬕᬢᬾᬲᬫᬶ᭞ᬲᬭᬳᬶᬲᬭ᭞ᬳᬦᬓ᭄ᬳᬕᬸᬂᬫᬶᬲᬶᬗ᭄ᬕᬶᬄ᭟ᬫᬥᬾᬲᭂᬓ᭄ᬓᭂᬢᬸᬢ᭄ᬧᬲᭂᬓ᭄ᬓᬭᬵᬬ᭄ᬬᬦᬂ᭞ᬗ᭄ᬕᬫᭂᬮ᭄ᬭᬯᭀᬲᬾᬲᬫᬶ᭞ᬓᬵᬯᬸᬕ᭄ᬭᬶᬂᬳᬶᬲᬭ᭞ᬭᬭᬶ
ᬲ᭄ᬫᬕᭂᬦ᭄ᬢᭀᬲ᭄ᬯᬵᬱ᭄ᬝ᭞ᬳᬦᬓ᭄ᬳᬕᬸᬂᬗᬯᬵᬱ᭄ᬢᬦᬶᬦ᭄᭞ᬩᬵᬲ᭄ᬮᬶᬦ᭄ᬢᬂᬲᬬᬂ᭞ᬳᬓ᭄ᬢᬸᬢ᭄ᬲᬸᬓᬯᬢᬶ᭟ᬢᬜ᭄ᬘᬭᬶᬢᬲᬸᬓᬦ᭄ᬜᬦᬾᬗᬶᬲᬶᬧᬜ᭄ᬚᬓ᭄᭞ᬳᬶᬓ᭄ᬢᬸᬢ᭄ᬲᬸᬓᬯᬢᬶ᭞ᬓᬲ᭄ᬯᬾᬦ᭄ᬓᭀᬘᬧᬦ᭄᭞
ᬫᬗ᭄ᬕᬯᬾᬩᬯᬸᬃᬚᬕᬕ᭄᭞ᬲᬢᬢᬫᬗ᭄ᬕᬯᬾᬭᬸᬦ᭄ᬢᬶᬓ᭄᭞ᬩᬶᬓᬲᬾᬫᬗ᭄ᬓᬲ᭄᭞ᬲᬳᬶᬫᬧ᭄ᬭᬶᬄᬧᬓᭀᬮᬶᬄ᭟ᬮᬦ᭄ᬢᬂᬲᬓᬶᬢ᭄ᬚᬕᬢᬾᬍᬳᬗ᭄ᬳᬯᬓ᭄᭞ᬕ᭄ᬤᭂᬕ᭄ᬜᬦᬾᬢᬦ᭄ᬲᬶᬧᬶ᭞ᬫᬓ᭠
[᭖6A]
ᬤᬶᬧᬺᬫᬜ᭄ᬘᬵ᭞ᬓᬮᬶᬦ᭄ᬢᬗᬶᬂᬤᬸᬓᬧᬶᬲᬦ᭄᭞ᬳᬦ᭄ᬢᬸᬓ᭄ᬳᬶᬲᬭᬩᬵᬲ᭄ᬳᬾᬗ᭄ᬕᬶᬂ᭞ᬩᬸᬫᬭᬲᬬᬂ᭞ᬢ᭄ᬯᬭᬫᬦᭀᬮᬶᬄᬓᬲᬫ᭄ᬧᬶᬂ᭟ᬓᬮᬶᬄᬳᬦᬓᬾᬳᬕᬸᬂᬲᬋᬂᬓᬮᬶᬧ᭄ᬬᬬᬦ᭄᭞ᬕᬦ᭄ᬢᭀ
ᬲ᭄ᬫᬾᬭᬂᬓᬧᬗ᭄ᬕᬶᬄ᭞ᬤᬤᬶᬢ᭄ᬯᬭᬧ᭄ᬭᬄ᭞ᬧᬗ᭄ᬭᬯᭀᬲᬾᬭᬶᬂᬚᬕᬢ᭄᭞ᬧᬺᬫᬗ᭄ᬓᬶᬦ᭄ᬫᬓᬳ᭄ᬬᬸᬦ᭄ᬋᬱᬶᬓ᭄᭞ᬩᬵᬲ᭄ᬓᬮᬶᬦ᭄ᬢᬂ᭞ᬋᬲᬶᬓᬾᬢᬦ᭄ᬲᬶᬦᬶᬧᬶ᭟ᬦᬸᬚᬸᬯᬾᬦ᭄ᬢᭂᬜ᭄ᬚᬤ᭄ᬫᬵᬫᬦᬗ᭄ᬓᬶᬮᬶᬦ᭄ᬳᬶᬤ᭞᭠
ᬓᬫ᭄ᬩᭂᬦ᭄ᬳᬶᬲᬸᬦᬾᬤ᭄ᬓᬶᬮ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬦᭂᬫᬦ᭄᭞ᬧᬺᬫᬗ᭄ᬓᬶᬦ᭄ᬓᬩᬸᬤᬮᬂ᭞ᬮ᭄ᬬᬸᬧᬋᬓᬦ᭄ᬦᭂᬍᬳᬶᬦ᭄᭞ᬫᬮᬸᬓᬢ᭄ᬧᬺᬫᬗ᭄ᬓᬶᬦ᭄᭟ᬳᬦᬓ᭄ᬳᬕᬸᬂᬲᬳᬶᬫᬕ᭄ᬮᬂᬳᬫ᭄ᬩᭂᬗᬦ᭄᭞
ᬬᬦ᭄ᬯᬾᬦ᭄ᬢᭂᬜ᭄ᬚᬤ᭄ᬫᬫᬢᬶ᭞ᬦᬸᬚᬸᬫᬧ᭄ᬭᬢᬾᬓ᭞ᬲᭀᬭᭀᬄᬦᬾᬦᬾᬓᬲ᭄ᬫᭂ᭞ᬳᬢᭂ᭠ᬫ᭄ᬯᬂᬢᬦ᭄ᬯᬾᬦ᭄ᬢᭂᬦ᭄ᬓᬾᬗᬶᬦ᭄᭞ᬦᬫ᭄ᬧᬓ᭄ᬩᬜ᭄ᬘᬶᬗᬄ᭞ᬫᬂᬯᬄᬧ᭄ᬭᬡ᭄ᬥᬗᬚᭂᬗᬶᬦ᭄᭟ᬪᬵᬕᬯᬦ᭄ᬳᬢ᭠
Kaca:Bali-lontar-gaguritan-rusak-gianyar-03-350ppi.pdf/6
Kaca puniki sampun kauji-wacén
