Kaca:Bali-lontar-gaguritan-rusak-gianyar-03-350ppi.pdf/37

Saking Wikisource
Kaca puniki sampun kauji-wacén

[᭓᭖36B]
᭓᭖
ᬢᬦ᭄ᬧᬜ᭄ᬚᬂ᭞ᬫᬶᬰᬭᬳᬶᬤᬲᬗ᭄ᬓᬮᬶᬄ᭞ᬫᬗᬵᬃᬬ᭄ᬬᬦᬂᬚᬕᬤ᭄ᬥᬶᬢ᭞ᬧᬸᬦᬶᬓᬯᬦ᭄ᬢᬄᬓᬳᬾᬱ᭄ᬝᬶ᭞ᬫᬫᬕᭂᬳᬂᬲᬦᬾᬗᬹᬦᬶ᭞ᬓ᭄ᬦᬶᬲᬵᬫ᭄ᬧᬸᬦ᭄ᬫᬗ᭄ᬓᬶᬦ᭄ᬓᬍᬗᬸᬃ᭞ᬰᬰᬡᬦᬾᬉᬢ᭄ᬢᬫ᭞ᬫᬗ᭄ᬤᬾ
ᬦ᭄ᬫᬵᬦᬹᬢ᭄ᬮᬶᬗ᭄ᬦᬶᬗ᭄ᬳᬳᬶ᭞ᬲᬧᬫᬸᬗᬸ᭞ᬧᬸᬦᬶᬓᬵᬦᬾᬓᬮᬶᬗ᭄ᬕᬶᬳᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬩᬯᭀᬲᬦ᭄᭞ᬗᬶᬭᬶᬂᬲᬉᬡᬧᬶᬗ᭄ᬳᬚᬶ᭞ᬳᬬᬸᬳᬧᭂᬲ᭄ᬓᬶᬦᬳᬲᬦ᭄᭞ᬰᬰᬡᬦᬶᬂᬭᬢᬸᬍᬯᬶᬄ᭞ᬳ
ᬬ᭄ᬬᬜᬳᬲᬾᬦ᭄‌ᬯ᭄ᬤᬶ᭞ᬇᬮᬇᬮᬬᬦ᭄ᬫᬫᬸᬭᬸᬕ᭄᭞ᬧᬺᬲᬶᬤ᭄ᬥᬓᬮᬶᬗ᭄ᬕᬶᬳᬦ᭄᭞ᬧᬫᬸᬗᬸᬦ᭄ᬳᬶᬤᬲᬗ᭄ᬓᬮᬶᬄ᭞ᬦᬾᬦᬶᬂᬳᬦᬹᬢ᭄᭞ᬲᬓᬤᬶᬉᬘᬧᬶᬂᬰᬵᬲ᭄ᬢ᭄ᬭ᭞ᬫᬲ᭄ᬮᬦ᭄ᬧᬲ᭄ᬬᬓᬭᬡ᭞ᬯ᭄ᬢᬸ
ᬳᬶᬘ᭄ᬙᬕᬦ᭄ᬢᬶᬕᬦ᭄ᬢᬶ᭞ᬯᬸᬲᬦ᭄ᬫᬧᬫᬶᬢ᭄ᬲᬧᬸᬲᬦ᭄᭞ᬫᬦᭂᬫ᭄ᬩᬄᬳᬶᬤᬲᬗ᭄ᬓᬮᬶᬄ᭞ᬤᬾᬦᬶᬂ᭠ᬢᬦ᭄ᬯᬾᬦ᭄ᬢᭂᬦ᭄ᬫᬮᬶᬄ᭞ᬧᬗ᭄ᬭᬯᭀᬲ᭄ᬫᬧᬫᬶᬢ᭄ᬫᬦ᭄ᬢᬸᬓ᭄᭞ᬧ᭄ᬭᬬᬧᬘᬂᬗᬸᬦᬶᬗᬂ᭞ᬧᬸᬧᬸᬢ᭄ᬧᬗ᭄ᬭᬯᭀ᭠
[᭓᭗37A]
ᬲᬫᬗ᭄ᬓᬶᬦ᭄᭞ᬫᬗ᭄ᬤᬾᬭᬯᬸᬄ᭞ᬳᬶᬤᬲᬂᬢᬶᬕᬂᬦᬵᬕᬭ᭟ᬲᬵᬫ᭄ᬧᬸᬦ᭄ᬓᬦᬸᬕ᭄ᬭᬳᬦ᭄ᬩᬸᬤᬮ᭄᭞ᬩᬥᬸᬂᬲᬋᬂᬮᬦ᭄ᬫᬗ᭄ᬯᬶ᭞ᬳᬱ᭄ᬝᬓᬭᬦᬾᬲᬸᬫ᭄ᬩᬃ᭞ᬫᬫᬃᬕ᭄ᬕᬶᬦᬸᬳᬸᬢ᭄ᬧᬲᬶᬲᬶ᭞ᬫᬓᬭᭀ᭠
ᬦᬦ᭄ᬫᬫᬃᬕ᭄ᬕᬶ᭞ᬕᬕᬜ᭄ᬘᬗᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬲᬵᬫ᭄ᬧᬸᬦ᭄ᬲᬫᬶᬓᬳᬸᬦᬶᬗᬂ᭞ᬲᬯᬘᬦᬦ᭄ᬥᬍᬫ᭄ᬲᬫᬶ᭞ᬬᬦ᭄ᬭᬶᬂᬩᬥᬸᬂ᭞ᬫᬮᬶᬄᬗᬯᬗᬸᬦᬂᬲᬸᬭᬵᬢ᭄᭟ᬗ᭄ᬲᬾᬗᬶᬦ᭄ᬫᬜ᭄ᬘᬕ᭄ᬬᬜᬃ᭞᭠
ᬓᬮᬶᬄᬩ᭄ᬭᬵᬳ᭄ᬫᬡᬲᬸᬮᬶᬗ᭄ᬕᬶᬄ᭞ᬳᬲᬶᬂᬲ᭄ᬥᭂᬂᬫ᭄ᬩᬓ᭄ᬢᬲᬸᬭᬵᬢ᭄᭞ᬉᬢᬸᬲᬦ᭄ᬲᬵᬫ᭄ᬧᬸᬦ᭄ᬫᬵᬫᬃᬕ᭄ᬕᬶ᭞ᬤᬕᬶᬂᬳᬶᬧᬸᬦ᭄ᬓᬳᬶᬭᬶᬂ᭞ᬲᬢᬶᬢᬄᬳᬦᬓᬾᬳᬕᬸᬂ᭞ᬕ᭄ᬥᬾᬗᬸᬭᬄᬧᬫ᭄ᬘᬸᬢᬦ᭄᭞ᬧ᭄ᬭᬬᬯᬾᬦ᭄ᬢᭂᬦ᭄ᬳᬶᬤ
ᬲᬸᬮᬶᬗ᭄ᬕᬶᬄ᭞ᬧ᭄ᬭᬬᬭᬯᬸᬄ᭞ᬫᬫᬸᬧᬸᬢᬂᬧᬦᬫᬬ᭟ᬢᬦ᭄ᬮᬾᬦ᭄ᬤᬦᬾᬓ᭄ᬢᬸᬲ᭄ᬲᬭ᭞ᬯᭀᬂ᭠ᬳᬦ᭄ᬤᭂᬮ᭄ᬧᬘᬂᬗᬶᬭᬶᬂ᭞ᬬᬦ᭄ᬲᬯᬗᬂᬬᬸᬥᬶᬱ᭄ᬝᬶᬭᬳ᭞ᬧᬺᬡᬄᬧᬸᬢᬺᬤᬾᬯᬶᬓᬸᬦ᭄ᬢᬶ᭞ᬓᬳᬦᬦᬂᬥᬃᬫ᭄ᬫᬭᬶ᭠