[᭒᭗27B]
᭒᭗
ᬬᬸᬤ᭄ᬥ᭞ᬫᬗᬯᬸᬕ᭄ᬓᬲᬸᬓᬯᬢᬶ᭞ᬤᬾᬦᬶᬂᬩᬵᬲ᭄ᬓᬃᬯ᭄ᬯᬦ᭄᭞ᬧᬘᬂᬢᭀᬂᬩᬓᬢ᭄ᬓᬶ᭠ᬮᬶᬢ᭄᭟ᬢᭀᬳᬯᬦᬜ᭄ᬘᭀᬓᭀᬃᬤ᭄ᬥᬫᬧᬶᬦᭂᬄᬤᬬ᭞ᬩᬕᬸᬲ᭄ᬭᬳᬶᬜᬯᬸᬭᬶᬦ᭄᭞ᬳᬶᬗ᭄ᬕᬶᬄ
ᬫᬦᬄᬢᬶᬢ᭄ᬬᬂ᭞ᬢᬍᬃᬲᬫᬶᬧᬶᬦᭂᬳᬂ᭞ᬬᬦ᭄ᬫᬸᬗ᭄ᬕ᭄ᬯᬶᬂᬲᬓᬤᬶᬫᬗ᭄ᬓᬶᬦ᭄᭞ᬭᬢᬸᬤᬸᬭᬸᬲᬂ᭞ᬗᬯᬸᬕ᭄ᬓᬲᬸᬓᬯᬢᬶ᭟ᬧᬵᬤᬾᬲᬵᬫ᭄ᬧᬸᬦ᭄ᬭᬯᬸᬄᬢ᭄ᬧᬶᬦᬶᬂᬦᬵᬕᬭ᭞ᬲ᭄ᬤᬸᬢ᭄ᬮᬾᬮᬦᬾᬲᬫᬶ᭞ᬫ
ᬗ᭄ᬤᬾᬦ᭄ᬳᬶᬧᬸᬦ᭄ᬦᬶᬗ᭄ᬓ᭄ᬭᬓ᭄᭞ᬮᬯᬸᬮᬦᬾᬲᬶᬦᬫ᭄ᬬᬦ᭄᭞ᬧᬸᬦᬶᬓᬓᬧᬵᬢᬹᬢ᭄ᬭᬭᬶᬲ᭄᭞ᬳᬶ᭠ᬤᬫᬫᬃᬕ᭄ᬕ᭞ᬭᬯᬸᬄᬲᬸᬓᬯᬢᬶ᭟ᬓᬼᬢ᭄ᬚᭂᬚᭂᬮ᭄ᬲᬶᬓᭂᬧᬾᬦ᭄ᬩᭂᬓᬶᬦ᭄ᬫᬃᬕ᭄ᬕ᭞ᬗᬶᬍᬳᬶᬦ᭄ᬲᬸᬓᬯ᭠
ᬢᬶ᭞ᬲᬫᬶᬲᬵᬫ᭄ᬧᬸᬦ᭄ᬦᬧᬓ᭄᭞ᬭᬭᬶᬲ᭄ᬫᬲ᭄ᬯᬭᬮᬾᬮ᭞ᬗᬋᬤᭂᬕ᭄ᬗᭂᬩᭂᬓᬶᬦ᭄ᬕᬸᬫᬶ᭞ᬧᬜ᭄ᬚᬓᬾᬳᬾᬕᬃ᭞ᬫᬩᬶᬦ᭄ᬤᭂᬃᬲᬮᬶᬂᬢᬢᬶ᭟ᬲᬓᬶᬂᬩᬥᬸᬂᬧ᭄ᬭᬫᬗ᭄ᬓᬶᬦ᭄ᬦᬶᬜ᭄ᬘᬧᬂᬭᭀᬯᬂ᭞ᬓᬲᬶᬫ
[᭒᭘28A]
ᬦ᭄ᬫᬫᬸᬘᬸᬓᬶᬦ᭄᭞ᬗᬯᬸᬕ᭄ᬩᬢᬸᬩᬸᬮᬦ᭄᭞ᬕᬸᬫᬶᬘᬶᬓ᭄ᬓᬲᬋᬗᬂ᭞ᬲᬓᬶᬂᬇᬦ᭄ᬢᬭᬦ᭄ᬫᬗᬶᬲᬶ᭞ᬳᬶᬕᬸᬲ᭄ᬢᬶᬗᬸᬭᬄ᭞ᬫᬥᬾᬲᬓᬶᬂᬚ᭄ᬭᭀᬤᬗᬶᬦ᭄᭟ᬲᬓᬶᬂᬩᬗ᭄ᬮᬶᬧ᭄ᬭᬫᬗ᭄ᬓᬶᬦ᭄ᬦᬶᬜ᭄ᬘᬧᬂᬭᭀᬯᬂ᭞
ᬲᬶᬤ᭄ᬥᬦ᭄ᬤᬸᬓᬸᬄᬓᬕᬶᬲᬶ᭞ᬧᬦ᭄ᬲᬶᬦᬾᬓᬚᬦ᭞ᬳᬦᬓ᭄ᬳᬕᬸᬂᬫᬥᬾᬭᬓ᭞ᬜᬼᬕᬶᬦ᭄ᬧᬜ᭄ᬚᬓᬾᬲᬫᬶ᭞ᬢ᭄ᬯᬭᬜᭂᬗ᭄ᬓᬬᬂ᭞ᬦᬤ᭄ᬬᬦ᭄ᬫᬦᭂᬍᬓ᭄ᬧᬸᬭᬶ᭟ᬳᬦᬓ᭄ᬳᬕᬸᬂᬭᬶᬂᬲᬸᬓᬯᬢᬶᬫ
ᬘᬶᬗᬓ᭄᭞ᬕ᭄ᬮᬸᬦᬾᬢᬦ᭄ᬲᬶᬧᬶ᭞ᬩᬵᬦᬾᬓᬳᬶᬍᬳᬦ᭄᭞ᬧᬸᬭᬶᬦᬾᬩᬳᬜ᭄ᬚᬤ᭄ᬫ᭞ᬢᭀᬳᬯᬦᬦ᭄ᬳᬶᬤᬫᬶᬚᬶᬮ᭄᭞ᬲᬳᬧᬋᬓᬦ᭄᭞ᬯᬾᬦ᭄ᬢᭂᬦ᭄ᬲᬢᬸᬲ᭄ᬫᬗᬶᬭᬶᬂ᭟ᬲᬳᬲᬶᬓᭂᬧ᭄ᬭ
ᬭᬶᬲ᭄ᬳᬶᬤᬗᬚᬩᬬᬂ᭞ᬤᬶᬩᬜ᭄ᬘᬶᬗᬄᬫᬮᬶᬗ᭄ᬕᬶᬄ᭞ᬓᬭᬶᬫᬶᬚᬦ᭄ᬢᭂᬦᬂ᭞ᬭᬭᬶᬲ᭄ᬘᭀᬓᭀᬃᬤ᭄ᬥᬪᬶᬫ᭞ᬓᬩᬜ᭄ᬘᬶᬗᬄᬫᬜᬕ᭄ᬚᬕᬶᬦ᭄᭞ᬭᬯᬸᬄᬳᬶᬭᬶᬓ᭞ᬲᬫᬶᬲᬋᬂᬫᬮᬶᬗ᭄ᬕᬶᬄ᭟ᬩᬕᬸ
Kaca:Bali-lontar-gaguritan-rusak-gianyar-03-350ppi.pdf/28
Kaca puniki sampun kauji-wacén
