Kaca:Bali-lontar-gaguritan-rusak-gianyar-02-300ppi.pdf/81

Saking Wikisource
Kaca puniki sampun kauji-wacén

[᭘᭐ 80B]
᭘᭐
ᬫ᭄ᬧᬸᬦ᭄ᬜᬓᬮ᭞ᬓᬫᬗ᭄ᬯᬶᬗᬺᬋᬄᬓᬦ᭄ᬢᬶ᭞ᬲᬵᬫ᭄ᬧᬸᬦ᭄ᬤᬤᭀᬲᬲᬶᬓᬶ᭞ᬧᬭᬲ᭄ᬧᬭᭀᬲ᭄ᬢᬹᬢ᭄ᬲᬤᬸᬮᬸᬭ᭄᭞ᬲᬋᬂᬲᬩᬬᬦ᭄ᬢᬓ᭞ᬘᭀᬓᭀᬃᬤᬕ᭄ᬟᬾᬫᬋᬢᬶᬦ᭄᭞ᬦᭀᬭᬓᬾᬗ᭄ᬕᬾᬦ᭄‌ᬫᬂᬕᬸᬢᬶᬦ᭄ᬰᬢ᭄ᬭᬸᬲᬢ᭄ᬕᬮ᭄᭟ᬤᬾᬦᬶᬂᬲᬵᬫ᭄ᬧᬸ
ᬦᬦ᭄ᬤᭂᬮ᭄ᬧᬶᬲᬦ᭄᭞ᬭᬶᬗᬶᬤᬾᬯᬭᬢᭂᬗ᭄ᬓᬶᬂ᭞ᬲᬵᬫ᭄ᬧᬸᬦ᭄ᬲᭂᬕᭂᬃᬓᬩᬸᬤᬮᬂ᭞ᬓᬲᬸᬓ᭄ᬱᬭᬭᬶᬂᬲᬸᬓ᭄ᬯᬢᬶ᭞ᬗᬾᬮᬶᬗᬶᬦ᭄ᬓᬤᬶᬭᬶᬳᬶᬦ᭄᭞ᬫᬗ᭄ᬤᬚᬕᬢᬾᬭᬳᬬᬸ᭞ᬲᬋᬂᬧ᭄ᬭᬩ᭄ᬓᭂᬮ᭄ᬫᬜ᭄ᬘ᭞ᬲᬵᬫ᭄ᬧᬸᬦ᭄ᬦᬬᬸᬩ᭄ᬳᬸᬧᬲᬓ᭄ᬱᬶ᭞ᬯᬸᬲ᭄ᬲᬸᬫᬸ᭠
ᬬᬸᬕ᭄᭞ᬜᬶᬳ᭄ᬦᬬᬂᬪᬓ᭄ᬢᬶᬫᬫᬜ᭄ᬚᬓ᭄᭟ᬧᬸᬦᬧᬶᬫᬮᬶᬄᬩᬯᭀᬲᬂ᭞ᬲᭀᬢᬦᬶᬂᬫ᭄ᬦᬗᬶᬂᬚᬸᬭᬶᬢ᭄᭞ᬲᬵᬫ᭄ᬧᬸᬦ᭄ᬗᭂᬧᬄᬭᬵᬚᬩ᭄ᬭᬩ᭞ᬫᬓᬫᬶᬯᬄᬢ᭄ᬕᬮ᭄ᬘᬭᬶᬓ᭄᭞ᬘᭀᬓᭀᬃᬤᬕ᭄ᬟᬾᬧᭀᬮᬶᬄ᭞ᬧᬶᬦᬶᬄᬓᬢᬄᬓᬯᬸᬯᬸᬲ᭄
᭞ᬫᬓᬧᬶᬓᬸᬓᬸᬄᬬᬸᬥ᭞ᬫᬸᬮᬢᭀᬢᭀᬲᬶᬂᬧ᭄ᬭᬚᬸᬭᬶᬢ᭄᭞ᬲᬓᬾᬂᬲᬤᬸ᭞ᬗᬾᬱ᭄ᬝᬶᬪᬝᬭᬭᬶᬲᬢ᭄ᬭ᭄ᬬ᭟ᬤᬾᬦᬶᬂᬲᬂᬫ᭄ᬭᬕᬳᬸᬢ᭄ᬢᬫ᭞ᬬᬦ᭄ᬢᬓᭀᬘᬧ᭄ᬲᬦᬾᬭᬶᬳᬶᬦ᭄᭞ᬲᬩᬦᬵᬦ᭄ᬓᬯᭀᬦ᭄ᬦᬵᬕᬭ᭞ᬳᬶᬤᬳᬦᬓᬕᬸᬂᬫ᭠
[᭘᭑ 81A]
ᬗ᭄ᬕᬲ᭄᭞ᬲᬵᬫ᭄ᬧᬸᬦ᭄ᬳᬸᬫᭀᬭᬶᬂᬯᬷᬥᬶ᭞ᬦᬗ᭄ᬳᬶᬂᬓᬾᬓᬭᬶᬫᬓᬸᬭᬸᬂ᭟ᬲ᭄ᬯᬾᬓᬭᬶᬭᬶᬂᬧᬫᬺᬫᬦ᭄᭞ᬍᬫ᭄ᬢᬦᬾᬮᬶᬂᬫᬯᭀᬲᬶᬦ᭄᭞ᬩᬬᬢᬸᬤᬸᬄ᭞ᬧᬗᭂᬤᬦᬶᬂᬯᬷᬥᬶᬯᬰ᭟ᬓᬾᬗᬶᬦᬦ᭄ᬤᬍᬫ᭄ᬜᬸᬫ᭄ᬧ᭄ᬦ᭞ᬗ᭄ᬭᬧᬢᬲ᭄ᬫᭂᬂᬫᬢᬗᬶ᭞ᬧᬭᬸᬫ᭄ᬦᬩ᭄ᬤ᭠
ᬩᬂᬩᬩᬯᭀᬲ᭄᭞ᬗᭂᬲᬾᬗᬶᬦ᭄ᬲᬧᬭᬳᬶᬲ᭄ᬢ᭄ᬭᬷ᭞ᬲᬋᬂᬤ᭄ᬯᬕᬸᬂᬩ᭄ᬬᬂᬓᬮᬶᬄ᭞ᬫᬶᬦᬓᬤᬶᬧᬭᬯᬶᬓᬸ᭞ᬧ᭄ᬭᬡ᭄ᬟᬓ᭄ᬢᬸ᭠ᬧᬶᬤᬤ᭞ᬲ᭄ᬫᭂᬗᬦ᭄ᬲᬵᬫ᭄ᬧᬸᬦ᭄ᬓᬧᬸᬭᬷ᭞ᬤᬾᬦᬶᬂᬗᬸᬦ᭄ᬗᬸᬦ᭄᭞ᬲ᭄ᬯᬪᬯᬤᬍᬫ᭄ᬦᬶᬲ᭄ᬢᬾᬚ᭟ᬲᬸᬯᬾᬢᬦ᭄ᬫᬶᬚᬶᬮ᭄ᬯᬘᬦ
᭞ᬤᬾᬦᬶᬂᬩᬩᬯᭀᬲᬾᬧᬶᬗᬶᬢ᭄᭞ᬯ᭄ᬓᬲ᭄ᬗᬦ᭄ᬤᬶᬓᬳᬮᭀᬦ᭄᭞ᬤᬸᬄᬧᬤᬡ᭄ᬟᬢᬶᬢ᭄ᬬᬂᬗᬶᬧᬶ᭞ᬭᬲᬳᬶᬩ᭄ᬮᬶᬫᬗ᭄ᬕᬶᬲ᭄᭞ᬭᬯᬸᬄᬚᬕ᭄ᬭᬭᬶᬲ᭄ᬫᬮᬸᬗ᭄ᬕᬸᬄ᭞ᬦᬾᬦ᭄ᬢᭂᬦ᭄ᬧᬲᬫᭀᬤᬦ᭞ᬭᬶᬂᬧᬢᬭᬡᬫᬮᬶᬗ᭄ᬕᬶᬄ᭞ᬓᬤᬶᬩᭂᬦ᭄ᬤᬸ
᭞ᬧᬸᬦᬶᬓᬫᬗ᭄ᬓᬶᬦ᭄ᬩᬯᭀᬲᬂ᭟ᬲᬧᬸᬦᬧᬶᬓᬮᬶᬗᬦ᭄ᬬ᭞ᬬᬦᬮᬓᬮᬯᬦ᭄ᬩᭂᬘᬶᬓ᭄᭞ᬧᬤᬩ᭄ᬟᬳᬢᬸ᭠ᬭᬾᬳᬮᭀᬦ᭄᭞ᬩᭀᬬᬜᬦ᭄ᬤᬂᬧᬶᬓᬬᬸᬦᬶᬦ᭄᭞ᬲᬓᬜ᭄ᬘᬦᬕᬸᬗᬮᬶᬢ᭄᭞ᬬᬦ᭄ᬲᬵᬫ᭄ᬧᬸᬦ᭄ᬮᭂᬍᬧᬢᬸᬭᬸ᭞