[᭗᭙ 79B]
᭗᭙
ᬲᬸᬪᬓ᭄ᬢᬶᬦ᭄ᬢᬶᬢ᭄ᬬᬂᬗᬯᬸᬮ᭟ᬘᭀᬓᭀᬃᬤᬕ᭄ᬟᬾᬗᬦ᭄ᬤᬶᬓ᭞ᬦᬄᬲᬸᬩᬬᬂᬳᬸᬕᬶᬘ᭄ᬦᬶᬂ᭞ᬳᬧᬦ᭄ᬧᬦᬶᬢᬄᬪᬝ᭠ᬭ᭞ᬓᬮᬶᬲᬗ᭄ᬳᬭᬫᬫᬹᬃᬢ᭄ᬢᬶ᭞ᬳᭀᬕᬦ᭄ᬫᬫᬢᬶᬫᬢᬶ᭞ᬢ᭄ᬯᬭᬗᬶᬢᬸᬗᬮᬳᬬᬸ᭞ᬳᬓᬾᬢᭀᬲᬸᬩᬳᬶᬤ᭞
ᬫᬤᬾᬯᬾᬓ᭄ᬮᬸᬄᬩᬸᬓᬚᬦᬶ᭞ᬮᬦ᭄ᬧᬳᬬᬸ᭞ᬧᬺᬢᬾᬓᬮᬬᭀᬦ᭄ᬤᬾᬯᬢ᭞ᬧᬫᬶᬤᬶᬦ᭄ᬮᭂᬮᬶᬭᬶᬗᬶᬤ᭞ᬬ᭠ᬤ᭄ᬬᬧᬶᬦ᭄ᬧ᭄ᬭᬕᬸᬗᬾᬲᬫᬶ᭞ᬦᬾᬳᬶᬤᬘᭀᬓᭀᬃᬤᬳᭀᬓ᭞ᬳᬢᬸᬭᬂᬩ᭄ᬮᬶᬭᬶᬂᬘ᭄ᬦᬶᬂ᭞ᬲᬸᬫᬤ᭄ᬬᬗ᭄ᬫᬶᬢ᭄ᬘᭂᬦᬶᬂ᭞ᬳᬧᬂ᭠
ᬕᬸᬫᬶᬦᬾᬫᬯᬦ᭄ᬢᬸᬦ᭄᭞ᬳᬤᭂᬩᬂᬤᬶᬦᬵᬕᬭ᭞ᬤᬾᬯᬬᬸᬳᭂᬗ᭄ᬲᭂᬓ᭄ᬜᬋᬗᬶᬦ᭄᭞ᬳᬶᬗ᭄ᬕᬶᬄᬭᬢᬸ᭞ᬲᬭᬮᬾᬤᬂᬧᬓᬬᬸᬦᬦ᭄᭟ᬳᬢᬸᬃᬢᬶᬢ᭄ᬬᬦᭀᬭᬧᬜ᭄ᬚᬂ᭞ᬲᬋᬂᬲᬫᬶᬲᬾᬫ᭄ᬧᬸᬦ᭄ᬳᬸᬦᬶᬂ᭞ᬦᬸᬦᬕᭀᬩᬢᬸᬦᬫᬦᬄ᭞ᬤᬾ
ᬯᬢᭂᬕ᭄ᬮᬮᬂᬜᬳᬸᬭᬶᬦ᭄᭞ᬳᭀᬂᬜᬦ᭄ᬤᬂᬮᬦ᭄ᬢᬗᬂᬩ᭄ᬯᬶᬦ᭄᭞ᬘᬸᬢᭂᬢ᭄ᬭᬳᬬᬸᬦᬾᬚᬸᬚᬸᬭ᭄᭞ᬲᭀᬢᬦᬶᬂᬲᬫ᭄ᬢᭀᬦᬦ᭄᭞ᬫᬓᬢᬗ᭄ᬕᬾᬦ᭄ᬜᬸᬂᬗ᭄ᬮᬧ᭄ᬕᬸᬫᬶ᭞ᬓ᭄ᬦᬶᬲᬵᬫ᭄ᬧᬸᬦ᭄᭞ᬧᬶᬲᬸᬦᬦᬾᬗᬫᬭᬬᬂ᭟ᬧᬶᬤᬕᬶᬂᬧᬶᬦᬸᬤᬲ᭄ᬢᬶ᭠
[᭘᭐ 80A]
ᬢ᭄ᬬᬂ᭞ᬓᬾᬫᬯᭀᬦ᭄ᬤᬾᬯᬢᬲᬫᬶ᭞ᬫᬦ᭄ᬢᬸᬓ᭄ᬓᬧᬸᬭᬷᬦᬵᬕᬭ᭞ᬫᬗ᭄ᬤᭀᬄᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬗᬶᬭᬶᬂ᭞ᬢᬍᬃᬲᬋᬂᬫ᭄ᬩᬯᭀᬲᬶᬦ᭄᭞ᬭᬾᬄᬢᬶᬢ᭄ᬬᬂᬫᬤᬾᬯᬾᬓ᭄ᬳᭂᬮᬸᬄ᭞ᬤᬸᬭᬸᬗᬸᬦᬶᬂᬯᬶᬭᬲ᭞ᬳᬤᬶᬦ᭄ᬢᬶᬢ᭄ᬬᬂᬓᬦ᭄ᬢᬸᬦᬮᬶᬢ᭄᭞ᬓᬮᬸ
ᬤ᭄ᬳᬸᬩᬸᬄ᭞ᬓᬗᭂᬦ᭄ᬧ᭄ᬭᬕᬸᬂᬫᬶᬋᬗᬂ᭟ᬯᬸᬲᬦ᭄ᬤᭂᬮ᭄ᬭᬶᬂᬧᬓᬬᬸᬦᬦ᭄᭞ᬢᬸᬃᬓᬧᬢᬹᬢ᭄ᬲᬋᬂᬲᬫᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢᬶᬂᬧᬗ᭄ᬭᬯᭀᬲ᭄᭞ᬮᬬᭀᬦᬾᬫᬸᬗ᭄ᬕᬄᬭᬶᬂᬚᭀᬮᬶ᭞ᬭᬭᬶᬲ᭄ᬫᬢᬸᬮᬓ᭄ᬯᬮᬶ᭞ᬕᬕᭂᬮᬶᬲᬦ᭄ᬲᬵᬫ᭄ᬧᬸᬦ᭄ᬭᬳᬸᬄ᭞ᬫᬭᬶᬂᬧᬸᬭᬷ
ᬦᬵᬕᬭ᭞ᬮᬬᭀᬦᬾᬲᬵᬫ᭄ᬧᬸᬦ᭄ᬗᬭᬜ᭄ᬚᬶᬂ᭞ᬕ᭄ᬮᬶᬲ᭄ᬧᬸᬧᬸᬢ᭄᭞ᬧᬘᬭᬦᬶᬂᬧᬓᬸᬭᬸᬗᬦ᭄᭟ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬢᬸᬢᬸᬭᬂ᭞ᬲᬤᬯᬸᬄᬧᬢᬦᬸᬲᬫᬶ᭞ᬧ᭄ᬭᬲᬶᬤᬤ᭄ᬭᬸᬯᬾᬦ᭄ᬲᬂᬢᬶᬕ᭞ᬳᬸᬩᬸᬤ᭄ᬧ᭄ᬮᬶᬬᬢᬦ᭄ᬫᬓᬤᬶ᭞ᬢ᭄ᬕᬮ᭄ᬮᬮᬂᬧᬗ᭄ᬮᬶᬗ᭄ᬲᬶ
ᬭ᭄᭞ᬗᬫᭂᬮᬂᬧᬗ᭄ᬭᬯᭀᬲ᭄ᬓᬸᬓᬸᬄ᭞ᬕᬸᬫᬦ᭄ᬢᬶᬓᬲᬸᬩ᭄ᬧ᭄ᬭᬚ᭄ᬜᬦ᭄᭞ᬲᬾᬋᬢ᭄ᬫᬥᬾᬧᬲᭂᬓ᭄ᬗᬸᬦᬶ᭞ᬦᬾᬦ᭄ᬢᭂᬭᬸᬤ᭄᭞ᬧ᭄ᬭᬬᬢ᭄ᬦᬗᬫᭂᬮᬂᬚᬕᬢ᭄᭟ᬢᬦ᭄ᬫᬭᬶᬫᬚᬚᭂᬭᬸᬓᬦ᭄᭞ᬭᬾᬄᬤᬾᬍᬫ᭄ᬓᬬᬸᬦᬾᬲᬶᬸᬭᬸᬲᬶᬢ᭄᭞ᬲᬯᬶᬭᬾᬄᬲᬵ
Kaca:Bali-lontar-gaguritan-rusak-gianyar-02-300ppi.pdf/80
Kaca puniki sampun kauji-wacén
