[᭗᭗ 77B]
᭗᭗
ᬫᬗ᭄ᬓᬶᬦᬸᬘᬧᬂᬫᬮᬶᬄ᭞ᬧᬸᬢ᭄ᬭᬶᬦᬵᬕᬭ᭞ᬤᬾᬯᬬᬸᬫᭂᬂᬧᭂᬂᬢ᭄ᬭᬸᬡᬶ᭟ᬫᬧᬲᬾᬗᬦ᭄ᬳᬬᬸᬫᬸᬢᭂᬃᬧᬶᬦᬄᬯᬺᬤ᭄ᬟ᭞ᬲᬗᬭᬶᬳᬮᬶᬢᬮᬶᬢ᭄᭞ᬤᬸᬭᬸᬂᬓᬸᬫᬯᬶᬭᬂ᭞ᬲᬂᬤᬶᬜᬬᬄᬓᭂᬲ᭄ᬬᬩ᭄ᬓᭂᬲ᭄ᬬᬩ᭄᭞ᬫᬶᬋᬗᬂᬓᭂᬧ᭄ᬮᬸᬕᬦ᭄ᬩᭂᬤᬶᬮ᭄᭞ᬓᬜ᭄ᬘᬶ
ᬢ᭄ᬧᬋᬓᬦ᭄᭞ᬭᬯᬸᬄᬲᬶᬕ᭄ᬲᬶᬕᭂᬦ᭄ᬗᭂᬮᬶᬂ᭟ᬫᬢᬸᬭᬸᬦᬶᬂᬲᬢᬶᬗ᭄ᬓᬳᬾᬭᬶᬂᬧᬬᬸᬥᬦ᭄᭞ᬲᬾᬤᬦᬶᬤᬳᬶᬳᬚᬶ᭞ᬧ᭄ᬢᭂᬂᬭᬲᬦᬶᬢ᭄ᬯᬲ᭄᭞ᬫᬮᬶᬄᬲᬧᬭᬭᬗ᭄ᬤ᭞ᬫᬕᬸᬬᬂᬭᬶᬂᬦᬢᬃᬦᬗᬶᬲ᭄᭞ᬩᭀᬬᬗᭂᬮᬶᬗᬂ᭞ᬲᬶᬦᭀᬫᬾᬧᬕᬸ
ᬮᬯᬶᬭ᭄᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬫᬩ᭄ᬬᬬᬸᬳᬦ᭄ᬭᬶᬂᬚᭀᬧᬸᬭ᭞ᬢᬗᬶᬲᬾᬯ᭄ᬯᭀᬂᬮᬦᬂᬳᬶᬲ᭄ᬢ᭄ᬭᬷ᭞ᬤᬾᬯᬬᬸᬲᭂᬦ᭄ᬤᬸᬫᬗᬾᬧᭀᬦ᭄᭞ᬧ᭄ᬢᭂᬂᬭᬲᬦᬶᬓᬗᬢᬶ᭞ᬭᬲᬢᬦ᭄ᬓᬦ᭄ᬢᭂᬦ᭄ᬕᬸᬫᬶ᭞ᬓ᭞ᬲᬓ᭄ᬱᬡᬘᬓᬵᬦ᭄ᬢᬸᬤᬾᬯᬬᬸ᭞
ᬜᬸᬫᬶᬗ᭄ᬓᬶᬦᬂᬧᬕᭂᬭᭀᬩ᭄ᬬᬗᬾᬭᬯᬸᬄᬜᬕ᭄ᬚᬕᬶᬦ᭄᭞ᬲᬳᬗ᭄ᬮᬸᬢ᭄᭞ᬢᬗᬶᬲᬾᬲᬯᬗᬫ᭄ᬧᬸᬳᬦ᭄᭟᭠ᬓᭀᬘᬧᬶᬤᬲᬂᬓᬧᬢ᭄ᬬ᭞ᬲ᭄ᬯᬾᬤᬸᬭᬸᬂᬢᬍᬃᬗ᭄ᬮᬶᬮᬶᬭ᭄᭞ᬫᬢ᭄ᬭᬓᬭᬶᬚᬷᬯᬋᬓᭀ᭞ᬯ᭄ᬓᬲᬦ᭄ᬯᬯᬸᬫᬢᬗᬶ᭞ᬗᬸᬲ
[᭗᭘ 78A]
ᬧᬂᬢᭀᬬᬦᬓ᭄ᬱᬶ᭞ᬭᬭᬶᬲᬶᬤᬫᬭᬭᬳᬸᬧ᭄᭞ᬢᬦ᭄ᬲᬄᬫᬲᭂᬲᬫ᭄ᬩᬢᬦ᭄᭞ᬮᬗ᭄ᬓᬸᬂᬢᬫ᭄ᬲ᭄ᬯᬾᬘ᭄ᬙᬳ᭄ᬬᬂᬯᬷᬥᬷ᭞ᬩᬧᬳᬕᬸᬂ᭞ᬮᬮᬶᬲ᭄ᬲᬫ᭄ᬦᬶᬗ᭄ᬕᬮᬶᬦ᭄ᬲᬾᬤ᭟ᬘᬶᬗᬓᬸᬕᬶᬢᬶᬢ᭄ᬬᬂᬩᬧ᭞ᬦᬧᬶᬧ᭄ᬯᬭᬦ᭄ᬢᬶᬢ᭄ᬬᬗᬸᬭᬶᬧ᭄᭞ᬲᬢ
ᬢᬦᬦ᭄ᬤᬂᬤᬸᬄᬓᬶᬢ᭞ᬢᬗᬶᬲᬾᬲᬬᬦ᭄ᬜᬸᬫᬶᬗ᭄ᬓᬶᬦ᭄᭞ᬓᬤᬶᬕᬸᬭᬸᬳᬲᬸᬚᬶ᭞ᬓᬵᬧᬦᭂᬤ᭄ᬗᬶᬂᬲᬦ᭄ᬢᬸᬦ᭄᭞ᬫᬕᬸᬡ᭄ᬦᬫ᭄ᬲᬓᬶᬢ᭄ᬫᬦᬄ᭞ᬧᬭᬶᬭᬶᬲ᭄ᬢᭀᬬᬦ᭄ᬧᬗᬓ᭄ᬱᬶ᭞ᬓᬤᬶᬕᬸᬦ᭄ᬢᬸᬭ᭄᭞ᬢᬗᬶᬲᬾᬭᬯᬸᬄᬓᬚᬩ᭟ᬫᬭ᭠
ᬲ᭄ᬓᬬᬸᬦ᭄ᬩᬶᬬᬗᬶᬤ᭞ᬲᬃᬯ᭄ᬯᬗ᭄ᬮᬸᬢ᭄ᬫᬧᬲᬶᬳᬶᬦ᭄᭞ᬫᬵᬲ᭄ᬫᬶᬭᬄᬫᬾᬫᬾᬳᬶᬤᬾᬯ᭞ᬤᬸᬄᬲᬵᬫ᭄ᬧᬸᬦᬂᬳᬸᬕᬶᬦᬗᬶᬲ᭄᭞ᬧᬜ᭄ᬚᬗᬂᬫᬫᬶᬦᭂᬳᬶᬦ᭄᭞ᬳᬾᬭᬗᬂᬢᬍᬃᬭᬶᬂᬓᬬᬸᬦ᭄᭞ᬲᬶᬭᬧᬘᬂᬓᬬᭀᬕ᭄ᬬ᭞ᬫᬳᬬᬸᬮᬬᭀᬦᬶᬳ᭠
ᬚᬶ᭞ᬩ᭄ᬘᬶᬓ᭄ᬤᬸᬫᬸᬦ᭄᭞ᬧᬸᬦᬶᬓᬳᬸᬕᬶᬩᬯᭀᬲᬂ᭟ᬕᬸᬲ᭄ᬢᬶᬕ᭄ᬫᭀᬭᭀᬂᬫᬢᬸᬃᬦᬾᬫ᭄ᬩᬮ᭄᭞ᬤᬾᬯᬦ᭄ᬧᬢᬹᬢᬾᬧᬸᬦᬶᬓᬶ᭞ᬲᬓᬤᬶᬩᬯᭀᬲᬶᬩᬶᬬᬂ᭞ᬳᬃᬲᬬᬂᬮᬬᭀᬦᬶᬳᬚᬶ᭞ᬗᬶᬭᬶᬂᬤᬩ᭄ᬤᬩᬂᬫᬗ᭄ᬓᬶᬦ᭄᭞ᬮᬫᬓᬦᬾᬲᬶᬤᬫᬦ᭄ᬢᬸ
Kaca:Bali-lontar-gaguritan-rusak-gianyar-02-300ppi.pdf/78
Kaca puniki sampun kauji-wacén
