[᭗᭕ 75B]
᭗᭕
ᬘᬂᬫᬳᬦ᭄ᬤᬶᬂ᭟ᬭᬾᬄᬓᬭᬶᬫ᭄ᬭᬕᬳᬢᬸᬭᬾᬩ᭄ᬮᬶᬗᬸᬭᬄ᭞ᬲᬵᬫ᭄ᬧᬸᬦ᭄ᬲᬳᬲᬩ᭄ᬮᬶ᭞ᬧᬶᬦᭂᬳᬶᬦ᭄ᬧᬜ᭄ᬚᬗᬂ᭞ᬮᭀ᭠ᬤ᭄ᬓᬯᬸᬄᬦᬶᬓᬘᬶᬗᬓ᭄᭞ᬳᬦ᭄ᬤᬸᬲᬾᬲᬵᬫ᭄ᬧᬸᬦ᭄ᬦᬶᬓ᭄ᬮᬶᬦ᭄᭞ᬳᬶᬓᬢᬶᬓ᭄ᬮᬦ᭄ᬢᬂ᭞ᬚᬸᬓᬸᬢ᭄ᬧᬓᬸᬯᬸᬲ᭄ᬪᬰ᭄ᬫᬶ᭟ᬲᬵ᭠
ᬫ᭄ᬧᬸᬦ᭄ᬦᬯᭀᬦ᭄ᬭᬳᬸᬳᬶᬂᬓᬓᬾᬮᬓᬭᬂ᭞ᬲᬶᬗ᭄ᬳᬵᬧᬥᬸᬦᬵᬕᬭᬷ᭞ᬮᬸᬢ᭄ᬘᭀᬓᭀᬃᬤᬗᬸᬭᬄ᭞ᬓᬤᬶ᭠ᬳᬾᬭᬂᬫᬶᬋᬗᬂ᭞ᬜᬶᬗ᭄ᬲᭂᬢ᭄ᬮᬜ᭄ᬘᬶᬗᬦ᭄ᬫᬦᬸᬤᬶᬂ᭞ᬭᬳᬶᬩᬢᭂᬓᬂ᭞ᬚᬮᬦ᭄ᬚᬦᬶᬫᬩᬸᬜ᭄ᬘᬶᬂ᭟ᬲᬤᬦᭂᬃᬚᬓ᭄᭠
ᬘᭀᬓᭀᬃᬤᬭᬳᬶᬫᬢᬗ᭄ᬕᬮ᭄᭞ᬳᬦᬓ᭄ᬧᬥᬘᬮᬶᬭᬶᬂ᭞ᬧᬘᬲᬶᬮᬶᬄᬘᬶᬤ᭄ᬭ᭞ᬫᬭᬸᬓᭂᬢ᭄ᬫᬓᬸᬬᭂᬗᬦ᭄᭞ᬓᬤᬶᬘᬓ᭄ᬭᬦᬶᬂᬧᬤᬢᬶ᭞ᬍᬗᭂᬤ᭄ᬫᬬᬸᬥ᭞ᬦᭀᬭᬓᬲᭀᬭᬦ᭄ᬢᬦ᭄ᬤᬶᬂ᭟ᬬᬦ᭄ᬲᬯᬗᬂᬲᬂᬤᬾᬢ᭄ᬬᬲᬸᬦ᭄ᬤᬧᬶᬲᬸᬦ᭄ᬤ
᭞ᬲᬂᬓᬮᬶᬄᬫᬧᬕ᭄ᬚᬸᬭᬶᬢ᭄᭞ᬢᬸᬗ᭄ᬕᭂᬂᬲᬶᬮᬶᬄᬘᬶᬤ᭄ᬭ᭞ᬢᬦ᭄ᬓᬶᬭᬶᬕᬦᬢᬫ᭄ᬧᬓ᭄᭞ᬫᬭᬸᬓᭂᬢ᭄ᬧᬲ᭄ᬮᬾᬂᬧᬦ᭄ᬢᬶᬂ᭞᭠ᬫᭀᬘᬓᭀᬘᬓᬦ᭄᭞ᬲ᭄ᬯᬾᬦᬦ᭄ᬤᬶᬗᬦ᭄ᬓᬯᬦᬶᬦ᭄᭟ᬧᬗᬶᬭᬶᬗᬾᬩ᭄ᬗᭀᬂᬓᬤᬶᬓᬫᭂᬫᭂᬕᬦ᭄᭞᭞ᬢᬸᬫᭀ᭠
[᭗᭖ 76A]
ᬦ᭄ᬲᬂᬫᬧ᭄ᬭᬂᬢᬦ᭄ᬤᬶᬂ᭞ᬢᬸᬮ᭄ᬬᬭᬶᬘᬭᬶᬢ᭞ᬬᬸᬥᬦ᭄ᬲᬂᬓᬧᬶᬭᬵᬚ᭞ᬯᬢᭂᬓ᭄ᬯ᭄ᬭᬾᬍᬕᬫᬩᬮᬶᬄ᭞ᬧᬥᬧᭀᬮᬸᬦᬦ᭄᭞ᬲᬂᬫᬘᬾᬢᬦᬓᬮᬶᬄ᭟ᬢᬦᬶᬦᬸᬘᬧ᭄ᬭᬫᭂᬲ᭄ᬧᬜ᭄ᬚᬓᬾᬫᬬᬸᬥ᭞ᬲᬮᬶᬂᬲᭀᬭᭀᬕ᭄ᬫᬧᬦ᭄ᬢᬶᬂ᭞ᬲᬸᬦ᭄ᬤᬸᬮ᭄ᬓᬲᬸᬦ᭄ᬤᬸ
ᬮᬦ᭄᭞ᬳᬢᭂᬧ᭄ᬩᭂᬮᬲ᭄ᬫᬤᬾᬕ᭄ᬤᬕ᭄᭞ᬢᬦ᭄ᬯᬶᬮᬂᬧᬤᭂᬫ᭄ᬮᬦ᭄ᬓᬦᬶᬦ᭄᭞ᬭᬄᬫᬓᬘᬓᬦ᭄᭞ᬳᬸᬢ᭄ᬧᬢᬲᬩᭂᬄᬭᬶᬭᬶᬲ᭄᭟ᬢᬾᬚᬬᬤᭂᬕ᭄ᬧᭂᬭᬶᬂᬫᬃᬕ᭄ᬕᬮᬦ᭄ᬯᬦ᭄ᬤᬶᬭ᭞ᬲᬢ᭄ᬫᬓᬤᬤᬾᬏᬲ᭄ᬲᬓ᭄ᬱᬶ᭞ᬲᬂᬲ᭄ᬟᭂᬓ᭄ᬫᬬᬸᬥ᭞ᬫᬓᬦ᭄ᬢᭂᬮᬶᬳᬮ᭞
ᬗᬗ᭄ᬓᬲᬗ᭄ᬓᬲ᭄ᬜᬾᬭᬾᬢ᭄ᬕᭂᬢᬶᬄ᭞ᬭᬶᬂᬤᬶᬕᬦ᭄ᬢᬭ᭞ᬫᬓ᭄ᬮᬧ᭄ᬋᬲᬶᬂᬮᬗᬢ᭄᭟ᬓᬤᬶᬗᬃᬕᬃᬲ᭄ᬯᬭ᭄ᬕᭀᬂᬓᭂᬡ᭄ᬟᬂᬗᬕᬶᬮᬓ᭄᭞ᬲᬸᬃᬬ᭄ᬬᬫᬯᬦ᭄ᬢᬶᬯᬦ᭄ᬢᬶ᭞ᬳᬗᭀᬩ᭄ᬲᬂᬦᬸᬫᭀᬦᬂ᭞ᬧᬭᬸᬓᭂᬢ᭄ᬲᬂᬫᬬᬸᬥ᭞ᬧᬕᬸᬍᬢᬶᬤᬲᬂᬓᬮᬶᬄ᭞ᬩᬸ
ᬓ᭄ᬫᬮᬶᬫᬸᬦᬦ᭄᭞ᬫᬓᬦ᭄ᬢᭂᬦ᭄ᬲᬕᬾᬢᬶᬮᬶᬤ᭄᭟ᬫᬕᭂᬦ᭄ᬢᬸᬭᬦ᭄ᬓᬤᬶᬳᬸᬮᬫ᭄ᬭᬂᬲᬵᬕᬭ᭞ᬲᬮᬶᬂᬤᭂᬤᭂᬲ᭄ᬫᬕᬢᬶᬓ᭄᭞ᬲᬮᬶᬂᬲᬸᬤᬢ᭄ᬚᬤ᭞ᬲᬂᬓᬮᬶᬄᬫᬤᬦᬕᬦ᭄᭞ᬤᬸᬭᬸᬲ᭄ᬲᬾᬤᬫᬓᬓᬮᬶᬄ᭞ᬭᬄᬫᬓᬘᬓᬦ᭄᭞᭠
Kaca:Bali-lontar-gaguritan-rusak-gianyar-02-300ppi.pdf/76
Kaca puniki sampun kauji-wacén
