Kaca:Bali-lontar-gaguritan-rusak-gianyar-02-300ppi.pdf/75

Saking Wikisource
Kaca puniki sampun kauji-wacén

[᭗᭔ 74B]
᭗᭔
ᬳᬯᬶᬦ᭄᭟ᬫᬕᬕᬶᬭᬲ᭄‌ᬢᬸᬫᬸᬮᬶᬜᬶᬗ᭄ᬲᭂᬢ᭄ᬮᬜ᭄ᬘᬶᬗᬦ᭄᭞ᬗᬫᬸᬓ᭄ᬳᬦ᭄ᬧᬧᬓᬾᬭᬶᬂ᭞ᬢᬸᬮ᭄ᬬᬤᬿᬢ᭄ᬬᬭᬵᬚ᭞ᬳᬕᬸᬮᬕᬸᬮᬲᬶᬕ᭞ᬢᬦ᭄ᬤᬗᬾᬧᬦ᭄ᬢᭂᬲ᭄ᬜᭂᬚᭂᬳᬶᬦ᭄᭞ᬭᭀᬫᬕᬫ᭄ᬩᬳᬦ᭄᭞ᬲ᭄ᬓᬃᬧᬸᬘᬸᬓ᭄ᬢᬦ᭄ᬫᬭᬶ᭟ᬯᬯᬸᬫ
ᬚᭀᬕ᭄‌ᬭᬶᬧᬦ᭄ᬤᬸᬓᬦᬾᬗᬋᬧᬂ᭞ᬧᬗᬯᬶᬦ᭄ᬓᭂᬦᬶᬩ᭄ᬤᬶᬮ᭄᭞ᬢᭂᬤᬸᬗᬾᬫᬤ᭄ᬭᬸᬯᬓ᭄᭞ᬘᭀᬓᭀᬃᬤᬢᬦ᭄ᬮᬶᬗᬸᬦᬦ᭄᭞ᬜᬕ᭄ᬚᬕᬂᬧᬘᬂᬫᬧᬸᬮᬶᬄ᭞ᬓᬲᬶᬦᬗ᭄ᬓᬮᬦ᭄᭞ᬧᬸᬧᬸᬦᬾᬓ᭄ᬦᬶᬫᬶᬫᬶᬲ᭄᭟ᬭᬄᬫᬸᬮᬓᬦ᭄‌ᬗ᭄ᬘᭀᬃᬓᬶᬹᬲᬓ
ᬤᬶᬧᬜ᭄ᬘᭀᬭᬦ᭄᭞ᬧᬋᬓᬦ᭄ᬦᭂᬓᭂᬧ᭄ᬓᬦᬶᬦ᭄᭞ᬗ᭄ᬳᬶᬳᬶᬤᬘᭀᬓᭀᬃᬤ᭞ᬲᬾᬗᭂᬄᬭᬶᬂᬧᬦᬫᬬ᭞ᬲᭀᬢ᭠ᬦᬶᬂᬓ᭄ᬱᬢ᭄ᬭᬶᬬᬮᬸᬯᬶᬄ᭞ᬗᬾᬩ᭄ᬭᬲᬂᬭᬕ᭞ᬢᬦ᭄ᬓᬾᬗ᭄ᬕᬸᬄᬫᬧᬕ᭄ᬚᬸᬭᬶᬢ᭄᭟ᬕ᭄ᬭᬶᬕᬄᬕ᭄ᬭᬶᬕᬄᬓᬦ᭄ᬢᬸᬦ᭄ᬗᬫᬹᬓ᭄ᬫᬭᬭᬫ᭄ᬧ
᭞ᬓᬤᬶᬢᬦ᭄ᬫ᭄ᬭᬲᬓᬦᬶᬦ᭄᭞ᬗᬮᬶᬫ᭄ᬧᬸᬂᬗᬋᬧᬂ᭞ᬲᬓᬾᬂᬧᬫᬾᬤᬶᬦ᭄ᬢᬶᬢᬄ᭞ᬩᭀᬬᬧᬦ᭄ᬢᭂᬲ᭄ᬓᭂᬦᬩ᭄ᬤᬶᬮ᭄᭞ᬤᬾᬦᬶᬂᬚᭀᬄᬘᬯᬢ᭄᭞ᬰᬢ᭄ᬭᬸᬦᬾᬫᬫᭂᬤᬶᬮᬶᬦ᭄᭟ᬕ᭄ᬮᬶᬲ᭄ᬭᬳᬸᬄᬘᭀᬓᭀᬃᬤᬗᬸᬭᬄᬫᬭᬫ᭄ᬧ᭞ᬦᬗ᭄ᬓᬶ
[᭗᭕ 75A]
ᬩᬾᬓᬾᬢᬶᬕ᭄ᬢᬶᬕ᭄᭞ᬋᬗᬲ᭄ᬫᬓᬶᬍᬲᬦ᭄᭞ᬚ᭄ᬭᬶᬄᬗ᭄ᬮᬶᬤᬶᬦ᭄ᬘᭀᬓᭀᬃᬤ᭞ᬲ᭄ᬟᭂᬂᬩ᭄ᬘᬶᬓᬓᬧᬗ᭄ᬕᬶᬄ᭞ᬘᭀᬓᭀᬃᬤ᭠ᬳᭀᬓ᭞ᬗᬦ᭄ᬤᬶᬓᬲᬤᬳᬭᬶᬲ᭄᭟ᬤᬸᬕ᭄ᬟᬾᬗᬸᬭᬄᬢᬸᬢᬸᬕᬂᬢᬺᬱ᭄ᬡᬫᬜᬫ᭞ᬕᬢᬶᬬᬂᬚᬦᬶᬫᬸᬮᬶᬄ᭞ᬤᬶᬚᭂᬭᭀ
ᬧᬸᬦ᭄ᬤᬸᬳᬂ᭞ᬳᬶᬧᬳᬤᬶᬫᬓᭂᬚᬂ᭞ᬩ᭄ᬮᬶᬦᬾᬚᬦᬶᬫᬧᬫᬶᬢ᭄᭞ᬫᬗᬜᬸᬢ᭄ᬚᬷᬯ᭞ᬍᬓ᭄ᬤᬤᬶᬳᬸᬘᬧ᭄ᬕᬸᬫᬶ᭟ᬩᬶᬦ᭠ᬯ᭄ᬓᬲ᭄‌ᬩ᭄ᬮᬶᬦᬸᬢᬸᬕᬂᬫᬚᬦ᭄ᬫ᭞ᬩ᭄ᬮᬶᬢᬺᬱ᭄ᬡᬭᬶᬗᬤᬶ᭞ᬲᬂᬓᬶᬘᬾᬦ᭄ᬯᬘᬦ᭞ᬦᭂᬓ᭄ᬢᭀᬂᬤᬤᬶᬗᬦ᭄ᬤᬶᬓ᭞ᬭᬶᬯ᭄ᬓᬲᬦ᭄ᬫᬢᬸᬭᬭᬶ
ᬲ᭄᭞ᬭᬢᬸᬘᬵᬓᭀᬃᬤ᭞ᬲᬵᬫ᭄ᬧᬸᬦᬂᬫᬜ᭄ᬚᬗᬂᬫᬮᬶᬄ᭟ᬩᭀᬬᬯᬾᬦ᭄ᬢᭂᬦ᭄‌ᬫᬦᬄᬢᬶᬢ᭄ᬬᬂᬢᬦ᭄ᬲᬸᬪᬓ᭄ᬢ᭄ᬬ᭞ᬫᬶᬲᬤ᭄ᬬᬯᬦ᭄ᬢᬄᬗᬶᬭᬶᬂ᭞ᬦᬾᬫᬗ᭄ᬓᬶᬦ᭄ᬘᬭᬸᬯᬂ᭞ᬘᬶᬗᬓ᭄ᬭᬢᬸᬘᭀᬓᭀᬃᬤ᭞ᬧᬤᬳᬸᬭᬦᬶᬂᬳᬸᬢᬶᬲᬶᬄ᭞ᬭᬭᬶᬲ᭄ᬫᬕᬶᬭ
ᬲ᭄᭞ᬫᬫᬃᬕ᭄ᬫᬢᬦ᭄ᬧᬦᭀᬮᬶᬄ᭟ᬗᬫᬹᬫ᭄ᬧᬓ᭄‌ᬲᬳᬲᬦᬸᬤᬶᬂᬭᬶᬗᬃᬱ᭞ᬗᬤᬶᬫ᭄ᬧᬸᬂᬢᬸᬃᬮᬸᬫᬶᬦ᭄ᬤᬶᬄ᭞ᬢ᭠ᬦ᭄ᬧᬦᭀᬮᬶᬳᬸᬦ᭄ᬢᬢ᭄᭞ᬢᬦ᭄ᬓᬶᬭᬶᬕᬦ᭄ᬫᬗ᭄ᬕᬮ᭞ᬲᬬᬕᬘᭀᬓᭀᬃᬤᬭᬳᬶ᭞ᬭᬲᬓᬾᬫᭂᬗᬦᬦ᭄᭞ᬫᬧᬲ᭄ᬧ᭠