[᭖᭘ 68B]
᭖᭘
ᬕᭂᬫ᭄ᬲᬫ᭄ᬧᬦᬲᬫᬶ᭟ᬲᬯᬸᬃᬫᬦᬸᬓ᭄ᬲᬂᬓᬳᬶᬘ᭄ᬙᬾᬦ᭄ᬧᬗᬦ᭄ᬤᬶᬓ᭞ᬲᬵᬫ᭄ᬧᬸᬦ᭄ᬲᬬᬕᬲᬫᬶ᭞ᬭᬶᬂᬢᭂᬧᬦ᭄ᬩᬮᬸᬫ᭄ᬩᬂ᭞᭠ᬫᬕ᭄ᬮᬃᬓᬸᬝᬫᬭ᭞ᬯᬦ᭄ᬢᬸᬦᬶᬦ᭄ᬘᬭᬶᬢᬫᬮᬶᬄ᭞ᬧᬗ᭄ᬓᬢ᭄ᬦᬵᬕᬦᬭ᭞ᬢᬦ᭄ᬧᬾᬦ᭄ᬤᬄᬕᬸᬦᬸᬗᭂᬫ᭄ᬩᬶᬤ᭄᭟ᬧᬕᬭᬸᬤᬸ᭠
ᬕ᭄ᬲᬶᬓᭂᬧᬾᬦᭀᬤᭀᬲ᭄ᬗᬄᬮᭀᬤᬂ᭞ᬤᬾᬯᬓ᭄ᬢᬸᬢ᭄ᬲᬦ᭄ᬤᬢ᭄ᬦᬭᬶᬓ᭄᭞ᬫᬓᬵᬯᬓᬶᬂᬬᬸᬥ᭞ᬲᬶᬗ᭄ᬳᬵᬧᬤᬸᬓᬮ᭠ᬯᬦ᭄᭞ᬩᬢᬸᬩᬸᬮᬦ᭄ᬤᬤᭀᬲ᭄ᬲᬶᬓᬶ᭞ᬲᬳᬳᭀᬭᭀᬗᬦ᭄᭞ᬚᬕᬢ᭄ᬳᬸᬩᬸᬤᬵᬗ᭄ᬓᬢᬶᬦ᭄᭟ᬤᬾᬯᬲᬦ᭄ᬤᬢ᭄᭠
ᬲᬸᬫ᭄ᬩᬃᬳᭀᬂᬓᬦ᭄ᬢᬶᬳᬓᬶᬚᬧ᭄᭞ᬳᬸᬩᬸᬤᬾᬲᬶᬤᬪᬰ᭄ᬫᬶ᭞ᬘᭀᬓᭀᬃᬤᬩᬸᬯᬢᬂ᭞ᬮᬓᬃᬳᬗᭀᬦ᭄ᬮᬬᬗᬦ᭄᭞ᬧ᭄ᬭᬲᬶᬤᬦᬯᬸᬃᬲᬲᬗᬶ᭞ᬘᭀᬓᭀᬃᬤᬳᭀᬓ᭞ᬢ᭄ᬕᬸᬮᬗ᭄ᬕᭀᬦ᭄ᬧᬓᬢᬶᬓ᭄᭟ᬬᬬᬶᬦᬤᬘᭀᬓᭀᬃᬤ᭠
ᬭᬳᬶᬚᬸᬂᬚᬸᬗᬂ᭞ᬳᬦᬓ᭄ᬩᭂᬮᭀᬕ᭄ᬦᬸᬘ᭄ᬦᬶᬓ᭄᭞ᬢᭀᬂᬮᬓᬃᬜᭂᬗᬳᬂ᭞ᬦᬄᬚᬸᬓᬗ᭄ᬕᭀᬧᬋᬓᬦ᭄᭞ᬳᬶᬲᬶᬦ᭄ᬫᭂᬭᬾᬕᬕᬸᬭᬳᬶᬦ᭄᭞ᬧ᭄ᬭᬭᬩᬶᬩᬚᬂ᭞ᬳᬗ᭄ᬕᭀᬦ᭄ᬚᭀᬕᬾᬤ᭄ᬲᬸᬓ᭄ᬯᬢᬶ᭟ᬤᬸᬭᬸᬂᬧᬸᬧᬸᬢ᭄ᬤᬾᬯᬲᬦ᭄ᬤᬢ᭄ᬫᬲᬲᬸᬫ᭄ᬩ
[᭖᭙ 69A]
ᬭ᭄᭞ᬓᬮᬗᬦ᭄ᬲ᭄ᬯᬭᬦ᭄ᬩᭂᬤᬶᬮ᭄᭞ᬲᬸᬃᬬ᭄ᬬᬓ᭄ᬲᬮᬶᬂᬢᬶᬫ᭄ᬩᬮ᭄᭞ᬳᬦ᭄ᬤᬸᬲᬾᬫᬮᬶᬕᭂᬤᬦ᭄᭞ᬕ᭄ᬦᬶᬦᬾᬗᬮᬗᬶᬦ᭄ᬮᬗᬶᬢ᭄᭞ᬳᬶᬓᬢᬶᬓ᭄ᬮᬦ᭄ᬢᬂ᭞ᬮᬦ᭄ᬚᬸᬓᬸᬢ᭄ᬧᬓᬸᬪᬰ᭄ᬫᬶ᭟ᬤᬾᬯᬓ᭄ᬢᬸᬢ᭄ᬲᬦ᭄ᬤᬢ᭄ᬓᬢ᭄ᬓᬤᬶᬤᬫᭂᬫᭂᬕᬦ᭄᭞ᬜᬶᬗᬓ᭄ᬧᬜ᭄ᬚᬓᬾᬮᬶ᭠
ᬮᬶᬄ᭞ᬚᭂᬭᬶᬄᬫᬕᬸᬮᬸᬗᬦ᭄᭞ᬮᬦ᭄ᬫ᭄ᬯᬦᬶᬩᬚᬂᬢᬸᬯ᭞ᬭᬭᬸᬤ᭄ᬜᬶᬗᬮ᭄ᬧ᭄ᬬᬦᬓ᭄ᬘᭂᬦᬶᬓ᭄᭞ᬮᬾᬦ᭄ᬦᭂᬓᭂᬧ᭄ᬢᬗ᭄ᬓᬄ᭞ᬫ᭄ᬤᬮ᭄ᬭᬄᬓ᭄ᬦᬶᬫᬶᬫᬶᬲ᭄᭟ᬯᬾᬦ᭄ᬢᭂᬦ᭄ᬮᭂᬍᬄᬫᬭᬭᬫ᭄ᬧᬓ᭄ᬦᬶᬢᬸᬫ᭄ᬩᬓ᭄᭞ᬮᬾᬦ᭄ᬓᭂᬦᬶᬲᬸᬗ᭄ᬕᬧᭀᬮᬶᬂ᭞ᬧᬾᬢᭀᬢ᭄ᬜᬸᬫ᭄ᬩᬄᬜᬸᬫ᭄ᬩᬄ
᭞ᬢᬸᬮᬸᬂᬕᭂᬮᬶᬲᬂᬧᬶᬲᬦ᭄᭞ᬤᬾᬰᬦ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬪᬰ᭄ᬫᬶ᭞ᬲᬶᬕᭂᬫ᭄ᬩ᭄ᬭᭀᬂᬚᭂᬗᬄ᭞ᬫᬗ᭄ᬲᭂᬄᬫᬲᬸᬓ᭄ᬢᬸᬃᬦᬸᬤᬶᬂ᭟᭠ᬦᭀᬮᬾᬓ᭄ᬧᬜ᭄ᬚᬓ᭄ᬳᬶᬄᬘᬳᬶᬲᬶᬓᭂᬧ᭄ᬦᬵᬕᬭ᭞ᬳᬳᬧᬓ᭄ᬭᬡᬤᬤᬶᬚ᭄ᬭᬶᬄ᭞ᬢ᭄ᬯᬭᬗᬾᬤᬍᬫᬂ᭞ᬫᬸᬲᬸᬳᬓᭂᬧᭂᬮ᭄ᬓᬸ
ᬯᬂ᭞ᬲᬜ᭄ᬘᬓᬾᬫᬮᬶᬄᬫᬩᬮᬶᬓ᭄᭞ᬗᬫᬹᬓ᭄ᬭᬦ᭄ᬢᬩᬦ᭄᭞ᬳᬸᬫᬸᬂᬫᬲᬸᬃᬬ᭄ᬬᬓ᭄ᬲᬫᬶ᭟ᬧᬕᬭᬸᬤᬸᬕ᭄ᬳᬯᭀᬃᬲ᭄ᬯᬭᬦ᭄ᬢᬢᬩᬸᬳᬦ᭞ᬢᬸᬮ᭄ᬬᬓᭂᬭᬸᬕᬦ᭄ᬧᬲᬶᬄ᭞ᬫᬸᬩᬸᬭᬂᬢ᭄ᬭᬶᬪ᭄ᬯᬦ᭞ᬲ᭄ᬯᬭᬦ᭄ᬩᭂᬤᬶᬮ᭄ᬢᬦ᭄ᬧ᭄ᬕᬢ᭄᭞ᬗ᭄ᬭᬾᬧᬾᬤ᭄ᬭᬲᬩ᭄ᬤᬄ᭠
Kaca:Bali-lontar-gaguritan-rusak-gianyar-02-300ppi.pdf/69
Kaca puniki sampun kauji-wacén
