[᭖᭖ 66B]
᭖᭖
ᬕᬭᬧ᭄ᬮᬶᬬᬢᬦ᭄᭞ᬤᬸᬓ᭄ᬲᬦᬶᬲ᭄ᬘᬭᬫᬦᬶᬲ᭄᭞ᬢᭀᬮᬸᬧᬯᬸᬓᭀᬦ᭄ᬜ᭞ᬢᬍᬃᬰᬰᬶᬄᬓᬢᬶᬕ᭞ᬧᬗ᭄ᬮᭀᬂᬧᬶ᭠ᬲᬦ᭄ᬢᭂᬗ᭄ᬕᭂᬓ᭄ᬲᬶᬓᬶ᭞ᬭᬄᬓᬮᬶᬄᬓᭀᬘᬧ᭄᭞ᬇᬰᬓᬓᬤᬶᬗᬹᬦᬶ᭟ᬘᭀᬓᭀᬃᬤᬦᬵᬕᬭᬜᬶᬓ᭄ᬬᬂᬩᬩᬯᭀᬲ᭠
ᬦ᭄᭞ᬭᬶᬂᬩᬢᬸᬄᬓᭀᬃᬤᬮᬶᬗ᭄ᬲᬶᬭ᭄᭞ᬧ᭄ᬭᬬᬗᬭᬦ᭄ᬢᭂᬓᬂ᭞ᬧᬗ᭄ᬓᬢᬶᬓᬧ᭄ᬮᬶᬬᬢᬦ᭄᭞ᬩᬢᬸᬄᬗᬩᭀᬕ᭄ᬲᬓᬾᬂᬓᬗᬶᬦ᭄᭞ᬩᭀᬬᬗᬾᬮᬶᬗᬂ᭞ᬧᭀᬮᬶᬄᬋᬘᭂᬄᬦᬾᬗᬹᬦᬶ᭟ᬓᭀᬃᬤᬮᬶᬗ᭄ᬲᬶᬃᬲᬵᬫ᭄ᬧᬸᬫ᭄ᬲᬸᬫ᭄ᬓᭂᬦ᭄ᬜᬗ᭄ᬕᬸᬧᬂ᭞ᬲ᭠
ᬋᬂᬫᬤᬾᬤᬾᬲᬶᬗ᭄ᬕᬶᬄ᭞ᬦᬗ᭄ᬓᭂᬧᬶᬦ᭄ᬧ᭄ᬮᬶᬬᬢᬦ᭄᭞ᬤ᭄ᬯᬦᬶᬂᬘᭀᬓᭀᬃᬤᬳᭀᬓ᭞ᬳᬦ᭄ᬤᭂᬮ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬲᬵᬫ᭄ᬧᬸᬦ᭄ᬫᬥᬩ᭄ᬤᬩ᭄᭞ᬫᬗ᭄ᬓᬢ᭄ᬫᬬᬸᬥᬕᭂᬮᬶᬲ᭄᭟ᬬᬤᬶᬦᬯᬳᬸᬢ᭄ᬧᬢᬭᬶᬂᬚ᭄ᬭᭀᬦᬵᬕᬭ᭞ᬢᬗᬶᬲ᭄ᬳ᭄ᬬᬂᬳ᭄ᬬᬗᬶ᭠
ᬧᬸᬭᬷ᭞ᬫ᭄ᬯᬗᬸᬚᬦᬵᬫ᭄ᬩᭂᬗᬦ᭄᭞ᬮᬶᬦᬸᬲ᭄ᬗᬫ᭄ᬧ᭄ᬯᬂᬧᬕᬫᭀᬯᬦ᭄᭞ᬓᬶᬮᬧ᭄ᬢᬯᬶᬳᬸᬚᬦ᭄ᬕᭂᬦᬶᬦᬶᬸ᭞ᬫ᭄ᬯᬂᬓᬮᬶᬳᬮ᭞ᬗᬶᬦᬸᬫ᭄ᬢᭀᬬᬓᬧᬸᬭᬷ᭞ᬲᬤᬸᬓ᭄ᬫᬤᬮ᭄ᬳᬶᬤᬘᬾᬓᭀᬃᬤᬦᬵᬕᬭ᭞ᬓ᭞ᬲᬓᬾᬂᬧᬸᬭᬷᬲᬸᬓ᭄ᬯᬢᬶ᭞ᬢᭂᬤᬸᬂ
[᭖᭗ 67A]
ᬲᬦ᭄ᬤᭂᬃᬕᭀᬯᬓ᭄᭞ᬫᬘᬶᬭᬶᬧᬘᬂᬢ᭄ᬮᬲ᭄᭞ᬓᬯᬶᬪᬯᬦᬾᬗᬕᬸᬗᬶᬦ᭄᭞ᬢᬦᬸᬭᬸᬂᬲᬾᬤ᭞ᬭᬶᬂᬭᬡᬬᬚ᭄ᬜᬫᬗ᭄ᬓᬶᬦ᭄᭟ᬦᬗ᭄ᬳᬶᬂᬘᭀᬓᭀᬃᬤᬢᬦ᭄ᬓᬾᬗ᭄ᬕᬸᬄᬭᬶᬂᬧᬘᬂᬩᬬ᭞ᬓ᭄ᬱᬢ᭄ᬭᬶᬬᬦᬾᬮᬸᬫᬶᬦ᭄ᬤᬶᬄ᭞ᬕᬸᬫᬦ᭄ᬢᬶᬧᬸᬭᬸᬱ᭞ᬳ᭠
ᬕᬸᬮᬕᬸᬮᬲᬶᬕ᭞ᬓᬤᬶᬫᬸᬪᬶᬫᬲᬾᬦᬜᭂᬗ᭄ᬓᬶᬂ᭞ᬳᬲᬶᬦ᭄ᬫᬲᭂᬓᬭ᭄᭞ᬧᬸᬘᬸᬓ᭄ᬩᬗᬾᬳᬓᬢᬶᬄ᭟ᬧᬗᬶᬭᬶᬗᬾᬓᬤᬶᬕᬃᬕᬃᬫᬢᭂᬮᬲᬦ᭄᭞ᬭᬲᬢᬦ᭄ᬢᬺᬱ᭄ᬡᬗᬸᬭᬶᬧ᭄᭞ᬓᬮᬶᬄᬧ᭄ᬬᬦᬓ᭄ᬲᭀᬫᬄ᭞ᬗᬋᬧ᭄ᬘᭀᬓᭀᬃᬤᬗᬸ᭠
ᬭᬄ᭞ᬲᬸᬓᬯᬢᬶᬦᬾᬫᬸᬘᬸᬓᬶᬦ᭄᭞ᬢ᭄ᬭᬸᬩᬧᬋᬓᬦ᭄᭞ᬓᬢᬾᬯᬾᬮᬾᬫᭀᬗ᭄ᬓᭀᬮᬶᬦ᭄᭟ᬧᬗᬺᬫ᭄ᬧᭂᬕᬾᬭᬶᬗᬚᭂᬗᬶᬤᬘᭀᬓᭀᬃᬤ᭞ᬲᬶᬓᭂᬧ᭄ᬦᬵᬕᬭᬲᬫᬶᬫᬜ᭄ᬘᬕ᭄ᬯᬂᬩᬢᬸᬳ᭄ᬬᬂ᭞ᬳᬦᬓ᭄ᬫᬸᬮᬓᬭᬕ᭞ᬤᬾᬯᬓ᭄ᬢᬸ᭠
ᬢ᭄ᬭᬳᬶᬢᭂᬗ᭄ᬓᬶᬂ᭞ᬧᬗᬜ᭄ᬚᬸᬃᬮᬫ᭄ᬧᬄ᭞ᬩᬕᬸᬲ᭄ᬚᬂᬚᬂᬘᬮᬶᬭᬶᬂ᭟ᬲᬵᬫᬫ᭄ᬧᬸᬦ᭄ᬧᬸᬧᬸᬢ᭄ᬫᬤᬩ᭄ᬤᬩ᭄ᬭᬭᬶᬲ᭄ᬫᬫᬃᬕ᭄ᬕ᭞ᬢᬦ᭄ᬧᬾᬦ᭄ᬤᬄᬕᬸᬦᬸᬗᬧᬶ᭞ᬲᬸᬢᬾᬚᬤᬸᬫᬶᬮᬄ᭞ᬋᬲ᭄ᬋᬲᬧᬶᬂᬗᬦ᭄ᬢᭂᬦᬂ᭞ᬓᬾᬩᬾᬭᬦ᭄ᬩᬦ᭄ᬤᬾᬭᬗᭂᬤᬶᬭ᭄᭞ᬕ᭄ᬭᬾᬕᬾ᭠
Kaca:Bali-lontar-gaguritan-rusak-gianyar-02-300ppi.pdf/67
Kaca puniki sampun kauji-wacén
