[᭖᭕ 65B]
᭖᭕
ᬭᬢᬸᬫᬗ᭄ᬯᬶᬯᬸᬲ᭄ᬫᬦ᭄ᬢᬓᬶᬗᬵᬚ᭄ᬜᬦ᭞ᬤ᭄ᬯᬦᬶᬂᬲᬓᬤᬶᬫᬗ᭄ᬓᬶᬦ᭄᭞ᬧᬸᬗ᭄ᬕᬯᬦᬾᬢᬸᬗ᭄ᬓᬲ᭄᭞ᬲᬓᬾᬂᬤ᭄ᬯᬕᬸᬂᬗᬃᬤᬶᬬᬂ᭞ᬫᬓ᭄ᬚᬂᬧᬥᬳᬜ᭄ᬘᬸᬓᬶᬦ᭄᭞ᬲᬓᬾᬂᬫᬓᬃᬱ᭞ᬫᬸᬘᭂᬄᬚᬕᬢ᭄ᬫᬗᬸᬯᬶ᭟ᬚᬦ᭄ᬢᭀᬲᬵᬫ᭄ᬧᬸᬦ᭄ᬤ᭄ᬯᬕᬸᬂᬩ᭄ᬬᬂ
ᬮᬸᬗ᭄ᬳᬵᬓᬲᬶᬩᬂ᭞ᬫᬳᬸᬫᬂᬫᬜ᭄ᬘᬫᬗ᭄ᬯᬶ᭞ᬧᬸᬦᬶᬓᬗ᭄ᬭᬦᬬᬂ᭞ᬲᬬᬕᬜᬶᬓ᭄ᬬᬂᬭᬕ᭞ᬲᬓᬶᬂᬢᬶᬦ᭄ᬤᬶᬄᬫᬦᬢᬓᬶᬦ᭄᭞ᬓᬬᬸᬦ᭄ᬦᬭᬾᬦ᭄ᬤ᭄ᬭ᭞ᬲᬂᬫᬸᬮᭂᬃᬚᬕᬢ᭄ᬩᬮᬶ᭟ᬧᬗᬤᬸᬦ᭄ᬳ᭄ᬬᬂᬧᬗᬢᬕ᭄ᬲᬗ᭄ᬳᬵᬭᬦ᭄ᬚᬩᬕᬢ᭄᭞ᬳᬦᬓ᭠
ᬕᬸᬂᬭᬶᬂᬫᬗ᭄ᬯᬶ᭞ᬗᬾᬫᬦ᭄ᬢᬸᬃᬗᬋᬧᬂ᭞ᬳᬶᬕᬸᬲ᭄ᬢᬶᬫᬥᬾᬗᬸᬭᬄ᭞ᬦᬾᬫᬸᬮᬕᭂᬤᭂᬕᬶᬦ᭄ᬕᬸᬫᬶ᭞ᬫᬶᬜ᭄ᬘᭂᬭᬂᬚ᭠ᬕᬢ᭄᭞ᬢᬸᬃᬢᬸᬗ᭄ᬓᬲ᭄ᬭᬶᬗᬶᬳᬚᬶ᭟ᬚᬦ᭄ᬢᭀᬲᬚᬶᬕᬸᬲ᭄ᬢᬶᬳᬕᬸᬂᬫᬾᬥᬾᬭᬓ᭞ᬗᬫ᭄ᬩᬸᬮ᭄ᬓᬩᬤᬸᬂᬜᬶᬮᬶᬩ᭄᭞ᬲᬫ
ᬮᬶᬄᬭᬶᬂᬲᬶᬩᬂ᭞ᬕᬸᬲ᭄ᬢᬶᬳᬕᬸᬂᬓᬫᬲᬦ᭄᭞ᬫᬢᬸᬗ᭄ᬓᬲ᭄ᬭᬶᬂᬗᬸᬭᬄᬋᬱᬶ᭞ᬚᬦ᭄ᬢᭀᬲ᭄ᬫᬬᬸᬥ᭞ᬭᬫᭂᬲ᭄ᬫᬫᬢᬶᬫ᭠ᬢᬶ᭟ᬬᬦ᭄ᬢᬓᭀᬘᬧ᭄ᬤᬸᬭᬸᬲ᭄ᬧᬮᬶᬂᬧᬶᬱᬸᬦᬬᬂ᭞ᬭᬶᬂᬲᬗᬶᬂᬫᬸᬢᭂᬃᬩᬮᬶ᭞ᬤᬍᬫ᭄ᬲᬮᬶᬢᬵᬃᬱ᭟ᬳᬯᬤᬦ᭄ᬤᬾ
[᭖᭖ 66A]
ᬯᬕᬸᬂᬩ᭄ᬬᬂ᭞ᬮᬸᬗ᭄ᬳᬵᬫᬦ᭄ᬢᬸᬓ᭄ᬓᬫᬗᬸᬯᬶ᭞ᬭᬭᬶᬲ᭄ᬓᬲᬶᬩᬂ᭞ᬫᬜ᭄ᬘᬫᬗ᭄ᬯᬶᬳᬜ᭄ᬘᬸᬓᬶᬦ᭄᭟ᬬᬦᬸᬧᬫᬶᬲᬓᬤᬶᬫᬢᬢᬦ᭄ᬤᬸᬭᬦ᭄᭞ᬲᬂᬫᬫᬸᬮᬫᬸᬧᭀᬦᬶᬦ᭄᭞ᬩᭀᬬᬳᬦᬓ᭄ᬮᬶᬬᬦ᭄᭞ᬫᬫᭂᬲᭂᬄᬓᬤᬂᬢᬸᬗ᭄ᬕᬮ᭄᭞ᬧᬜ᭄ᬚᬂᬬᬦ᭄ᬢᬸᬢᬸᬭᬂ᭠
ᬲᬫᬶ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭞ᬫᬋᬩᬢ᭄ᬤᬤᭀᬲ᭄ᬓᬮᬶ᭟ᬤᬸᬓ᭄ᬭᬶᬂᬤᬶᬦᬩᬸᬤᬧᭀᬦ᭄ᬢᭀᬮᬸᬭᬶᬂᬓᬸᬦ᭞ᬰᬰᬶᬄᬜ᭠ᬓᬾᬢ᭄ᬭᬶᬡᬶ᭞ᬢᬸᬃᬧᬗ᭄ᬮᭀᬂᬳᬧᬶᬲᬦ᭄᭞ᬦ᭄ᬫᭀᬦᬶᬦ᭄ᬢᭂᬗ᭄ᬕᭂᬓ᭄ᬢᬸᬗ᭄ᬕᬮ᭄᭞ᬉ᭞ᬭᬄᬓᬮᬶᬄᬤᬸᬓ᭄ᬦᬶᬓᬧᬲ᭄ᬢᬶ᭞ᬇᬰᬓᬯᬃᬱ᭞ᬲ᭄ᬬ
ᬩᬗ᭄ᬲᬶᬢ᭄ᬭᭀᬭᬲ᭄ᬧᬲ᭄ᬢᬶ᭟ᬤᬸᬓ᭄ᬧᬸᬦᬶᬓᬬᬸᬥᬲᬶᬩᬂᬳᬗᬦ᭄ᬢᬓ᭞ᬩᬤᬸᬂᬭᬯᬸᬄᬫᭀᬗ᭄ᬓᭀᬮᬶᬦ᭄᭞ᬫᬤᬾᬕ᭄ᬟᬕ᭄ᬫᬬᬸᬥ᭞ᬲᬢᬸᬲᬦ᭄ᬓᬩᬜ᭄ᬘᬦᬦ᭄᭞ᬳᬦᬾᬧᬤᭂᬫ᭄ᬩᬦ᭄ᬦᬾᬓᬦᬶᬦ᭄᭞ᬩᭀᬬᬮᬶᬗᬸᬦᬦ᭄᭞ᬲ᭄ᬯᬭᬦ᭄ᬕᭀᬂᬲᬗ᭄ᬓ
ᬪᬾᬭᬶ᭟ᬓᬸᬫᬭᬸᬢᬸᬩ᭄ᬲ᭄ᬯᬭᬦ᭄ᬩᭂᬤᬶᬮᬢᬦ᭄ᬧ᭄ᬕᬢ᭄᭞ᬲᬸᬃᬬ᭄ᬬᬓ᭄ᬫᬯᬦ᭄ᬢᬶᬯᬦ᭄ᬢᬶ᭞ᬭᬲᬕᭂᬧᬾᬄᬚᬕᬢ᭄᭞ᬳᬦ᭄ᬤᬸᬲᬾ᭠ᬫᬮᬶᬫᬸᬦᬦ᭄᭞ᬧᬜ᭄ᬚᬂᬬᬦ᭄ᬢᬸᬢᬸᬭᬂᬲᬫᬶ᭞ᬢᬶᬗ᭄ᬓᬳᬶᬬᬸᬤ᭞ᬤᬸᬭᬂᬫᬓᬯᭀᬦ᭄ᬧᭀᬮᬶᬄ᭟ᬦᬶᬕᬂᬤᬶᬦᬬᬸᬥᬦ᭄ᬦᬵ
Kaca:Bali-lontar-gaguritan-rusak-gianyar-02-300ppi.pdf/66
Kaca puniki sampun kauji-wacén
