[᭖᭔ 64B]
ᬤᬢᬦ᭄ᬗᬾᬢᬂᬭᬵᬚᬩ᭄ᬭᬩ᭞ᬫᬤᬦᬤᬦᬲᬳᬶ᭞ᬭᬶᬂᬲᬧᬭᬫᬜ᭄ᬘ᭞ᬓᬬᬂᬧᬓᬳᬶᬓ᭄ᬚᬭᬦ᭄᭞ᬲᬗ᭄ᬓᬦ᭄ᬧᬜ᭄ᬚᬓᬾᬲᬸᬪᬓ᭄ᬢᬶ᭞ᬫᬸᬮᬧᬕᬸᬲ᭄ᬢ᭄ᬬᬦ᭄᭞ᬜᬦ᭄ᬤᬂᬲᬶᬯᬶᬪᬓ᭄ᬢᬶᬦᬶᬦ᭄᭟ᬭᬶᬂᬓᬢᬾᬯᬾᬮ᭄ᬦᬾᬓᬲᬸᬓ᭄ᬱᬭᬳᬶᬕᬶᬦ
᭞ᬕᬸᬦ᭄ᬢᬶᬕᭂᬫ᭄ᬩ᭄ᬭᭀᬂᬫᬓᬤᬶ᭞ᬫᬸᬮᬤᬶᬦ᭄ᬤᬶᬂᬤᬤ᭞ᬢᬦ᭄ᬓᬾᬗ᭄ᬕᬸᬄᬫᬧᬕ᭄ᬤᬬ᭞ᬘᭀᬓᭀᬃᬤᬮᬾᬤᬂᬢᬦ᭄ᬲᬶᬧᬶ᭞ᬫᬗᬸᬦᬗᬸᬦᬦ᭞ᬢᬦ᭄ᬯᬾᬦ᭄ᬢᭂᬦ᭄ᬦᬾᬜᬦ᭄ᬢᬸᬮᬶᬦ᭄᭟ᬢᬦᬶᬦᬸᬘᬧ᭄ᬮ᭄ᬯᬶᬄᬓᬭᬵᬫ᭄ᬬᬦᬶᬂᬚᬕᬢ᭄᭞ᬧᬥᬕᬸᬮᬸ᭠
ᬭᬶᬦ᭄ᬓᬧ᭄ᬢᬶ᭞ᬲᬲᬸᬓᬢ᭄ᬘᭀᬓᭀᬃᬤ᭞ᬳᭀᬓᬲᬓᬾᬂᬦᬵᬕᬭ᭞ᬚᬸᬫ᭄ᬦᭂᬂᬭᬶᬂᬲᬸᬓᬯᬢᬶ᭞ᬮ᭄ᬯᬶᬃᬮᭀᬗ᭄ᬓᬥᬶᬧ᭞ᬢᬦ᭄ᬲᬦ᭄ᬤᬗᬸᬘᬧ᭄ᬫᬫᬮᬶᬄ᭟ᬫᬗ᭄ᬤᬦᬶᬂᬳ᭄ᬬᬂᬯᬲ᭄ᬢᬸᬳᬗ᭄ᬓᬭᬫᬹᬃᬓ᭄ᬓ᭞ᬓᬬᬸᬦᬾᬜᬶᬓ᭄ᬬᬂᬕᬸᬫᬶ᭞ᬭᬯᬸᬄᬓᬧ᭄ᬮᬶᬬᬢᬦ᭄᭞
ᬳᬦ᭄ᬤᭂᬮ᭄ᬢᭂᬓᬾᬦ᭄ᬓᬕᬸᬗᬦ᭄᭞ᬭᬶᬧ᭄ᬮᬶᬬᬢᬦᬮᬶᬢᬮᬶᬢ᭄᭞ᬦᬗ᭄ᬳᬶᬂᬢᬦ᭄ᬲᬶᬤ᭞ᬳᬯᬶᬦᬦ᭄ᬤᬤᭀᬲ᭄ᬲᭂᬗᬶᬢ᭄᭟ᬘᭀᬓᭀᬃᬤᬳᬸᬩᬸᬤ᭄ᬫᬗ᭄ᬕᭂᬄᬳᬶᬤᬲᬸᬪᬓ᭄ᬢ᭄ᬬ᭞ᬫᬧᬸᬗᬸᬲᬵᬫ᭄ᬧᬸᬦᬸᬕᬶ᭞ᬫᬸᬯᬓ᭄ᬓᬦᬵᬕᬭ᭞ᬜᭂᬭᬳᬂᬧ᭄ᬢᬶᬦ᭄ᬚ᭠
[᭖᭕ 65A]
ᬕᬢ᭄ᬤᬸᬭᬸᬂᬯᬦᭂᬄᬲᬓᬾᬗᬹᬦᬶ᭞ᬬᬤᬶᬦ᭄ᬫᬢᬸᬗ᭄ᬓᬲ᭄᭞ᬜᬤ᭄ᬬᬧᬘᬂᬫᬢᬶᬦ᭄ᬤᬶᬄ᭟ᬫᬮᬶᬄᬲᬵᬫ᭄ᬧᬸᬦ᭄ᬜᬶᬓ᭄ᬬᬂᬭᬕᬓᬢ᭄ᬕᬮ᭄ᬮᬮᬂ᭞ᬭᬶᬂᬤᬾᬯᬫᬥᬾᬭᬳᬶ᭞ᬲᬋᬂᬚ᭄ᬮᬾᬫ᭄ᬮᬄ᭞ᬤᬶ᭞ᬬᬤᬶᬦ᭄ᬫᬨᬮᬳᭂᬜᬕ᭄᭞ᬧᬮᬶᬬᬢᬦᬾᬲ
ᬢᬶᬦ᭄ᬤᬶᬳᬶᬦ᭄᭞ᬧᬢᬸᬮᬸᬮᬦ᭄ᬫᬵᬲ᭄᭞ᬜᬤ᭄ᬬᬗ᭄ᬢᭀᬳᬗᬸᬭᬶᬧ᭄᭟ᬲᬧᬸᬦᬓᬧᬚᬦᭀᬲ᭄ᬲᬗ᭄ᬳᬵᬭᬦ᭄ᬚᬕᬢ᭄᭞ᬯᬲ᭄ᬢᬸᬫᬬᬸᬥᬲᬳᬶ᭞ᬓᬯᬶᬢ᭄ᬫᬩ᭄ᬭᬩᬗᬦ᭄᭞ᬢᬸᬃᬲᬵᬫ᭄ᬧᬸᬦ᭄ᬫᬗᬸᬦ᭄ᬕᭂᬮᬭ᭄᭞ᬩᬮᬸᬫ᭄ᬩᬂᬫᬲᬸᬗ᭄ᬕᬧᭀᬮᬶᬂ᭞ᬤ᭄ᬮᭀ
ᬤ᭄ᬤᬾᬰᬫᬵᬲ᭄᭞ᬓ᭄ᬮᬶᬓᬶᬲ᭄ᬲᬵᬫ᭄ᬧᬸᬦ᭄ᬫᬩᬮᬶᬓ᭄᭟ᬢᬦᬶᬦᬸᬘᬧ᭄ᬲᬤᬶᬦᬭᬫᭂᬲ᭄ᬫᬬᬸᬥ᭞ᬩᬶᬮᬶᬄᬯᬾᬦ᭄ᬢᭂᬦ᭄ᬦᭂ᭠ᬫ᭄ᬰᬰᬶᬄ᭞ᬤᬸᬭᬸᬂᬯᬾᬦ᭄ᬢᭂᬦ᭄ᬓᬮᬄ᭞ᬦᭂᬗᬂᬬᬸᬥᬧᬸᬦᬶᬓ᭞ᬭᬶᬂᬫᬗᬸᬘᬶᬳᬸᬘᬧ᭄ᬫᬮᬶᬄ᭞ᬚᬕᬢᬾᬭᬸᬦ᭄ᬤᬄ᭞ᬓᬧ᭄ᬮᬶᬬ
ᬢᬦ᭄ᬫᬓᬦ᭄ᬢᬶ᭟ᬫᬓᬲ᭄ᬭᬣᬶᬘᭀᬓᭀᬃᬤᬳᬸᬩᬸᬤ᭄ᬗᭀᬋᬕᬂ᭞ᬫᬗ᭄ᬯᬶᬧ᭄ᬮᬶᬬᬢᬦ᭄ᬢᬸᬗ᭄ᬕᬶᬮ᭄᭞ᬲᬳᬩᬬᬵᬦ᭄ᬢ᭠ᬓ᭞ᬤᬾᬯᬭᬳᬶᬢ᭄ᬕᬮ᭄ᬙᬮᬂ᭞ᬫᬶᬦᬓᬤᬶᬦᬶᬂᬗ᭄ᬮᬶᬗ᭄ᬲᬶᬭ᭄᭞ᬕᬸᬫᬦ᭄ᬢᬶᬧ᭄ᬭᬚ᭄ᬜᬦ᭄᭞ᬫᬮᬶᬄᬢᬺᬱ᭄ᬡᬳᬶᬦ᭄ᬕᬸᬫᬶ᭟ᬲᬂ᭠
Kaca:Bali-lontar-gaguritan-rusak-gianyar-02-300ppi.pdf/65
Kaca puniki sampun kauji-wacén
