[᭖᭑ 61B]
᭖᭑
ᬭᬶᬦ᭄ᬫᬫᬃᬕ᭄ᬕᬶ᭞ᬓ᭄ᬤᭂᬄᬗᬢᬸᬭᬶᬦ᭄ᬗᬮᬶᬗ᭄ᬓᬸᬂ᭞ᬤᬾᬯᬕ᭄ᬠᬾᬳᬩ᭄ᬬᬦ᭄ᬲᭂᬤᬄ᭞ᬫᬯᬗ᭄ᬲᬶᬢ᭄ᬫᬗ᭄ᬤᬫᬕ᭄ᬤᬶ᭞ᬲᬶᬓᭂᬧ᭄ᬮᬶᬬᬸ᭞ᬓ᭄ᬭᬗᬲᭂᬫ᭄ᬗᬋᬂᬫᬚᬮᬦ᭄᭟ᬧᬘ᭄ᬭᬸᬗᬸᬂᬭᬳᬸᬄᬫᬢᬸᬭᬦ᭄᭞ᬘᬦᬂᬩ᭄ᬓᭂᬮᬂᬤᬶᬫᬃᬕ᭄ᬕᬶ᭞ᬢ᭄ᬕᬮ᭄ᬓᭀᬲ᭄ᬬᬦ᭄ᬓᬮᬶᬦ᭄ᬢᬗᬦ᭄᭞ᬗ
ᬮᭀᬤᬂᬜᬸᬚᬸᬃᬓᬮ᭄ᬩᬶᬄ᭞ᬮᬸᬤ᭄ᬧᭂᬢᭂᬗᬸᬚᬦᬗᬶᬦ᭄᭞ᬓᬶᬮᬧ᭄ᬢᬫᬶᬢ᭄ᬲᬤᬓᭂᬭᬸᬕᬓ᭞ᬤᬸᬳᬸᬢ᭄ᬧᬶᬗ᭄ᬕᬶᬃᬲᬵᬕᬭ᭞᭠ᬭᬳᬸᬄᬭᬶᬂᬕᬾᬮ᭄ᬕᬾᬮ᭄ᬦᬾᬗ᭄ᬓᬶᬓ᭄᭞ᬩ᭄ᬮᬢ᭄ᬕᬦ᭄ᬢᬸᬄ᭞ᬫ᭄ᬩᬳᬕᭃᬂᬭᬶᬂᬢᬸᬓᬦᬸᬡ᭄ᬠ᭞ᬓᬤᬶᬧᬫᬾᬤᬶᬦᬶᬂᬢᬶᬢᬄ᭞ᬗᬯᬾᬚ᭄ᬗᬄ
ᬩᬸᬓᬫᬵᬢᬶ᭞ᬭᬶᬂᬩᬄᬮᬩᬜ᭄ᬚᬃᬫᬭᬵᬃᬬ᭄ᬬᬦ᭄᭞ᬳᬶᬭᬶᬓᬗᬶᬦᭂᬧᬯ᭄ᬗᬶ᭞ᬯ᭄ᬯᭀᬂᬕᬾᬮ᭄ᬕᬾᬮ᭄ᬢᭂᬤᬸᬦ᭄ᬲᬫᬶ᭞ᬩᬾᬩᬾᬓᬶᬫᬾᬗᭀᬭᬶᬦ᭄ᬓᬸᬗᬸᬢ᭄᭞ᬯᬾᬦ᭄ᬢᭂᬦ᭄ᬫᬓ᭄ᬢᬓᭂᬧ᭄ᬩᬸᬕᬦ᭄᭞ᬓ᭄ᬮᬾᬢᬾᬓ᭄ᬮᬶᬫᬗᬸᬮᭂᬂᬢᬮᬶ᭞ᬕᬸᬲ᭄ᬢᬶᬩᬢᬸᬄ᭞ᬉ᭞ᬕᬸ᭠
ᬘᬾᬳᬾᬕᬾᬭᬂᬦᬕᬶᬄᬦ᭄ᬭᬚᬂ᭟ᬬᬦ᭄ᬢᬦ᭄ᬘᭂᬧᭂᬢᬶᬤᬧᬬᬄ᭞ᬲᬋᬗᬶᬤᬓ᭄ᬢᬸᬢ᭄ᬓᬸᬦ᭄ᬢᬶᬮ᭄᭞ᬜᬳᬸᬧ᭄ᬲᬤᬗ᭄ᬮᬸᬢ᭄ᬯᬗ᭄ᬓᭀᬂ᭞ᬳᬢᬸᬭᬾᬕᬸᬲ᭄ᬢᬶᬧᬶᬦᭂᬗ᭄ᬕᬶᬄ᭞ᬳᬶᬦ᭄᭞ᬲᬵᬫ᭄ᬧᬸᬦ᭄ᬲᬝᭀᬲᬕᬸᬲ᭄ᬢᬶ᭞ᬳᬾᬮᬶᬗᬂᬭᬕᬦᬾᬮᬘᬸᬭ᭄᭞ᬤᬸᬭᬸᬲ᭄ᬓ
[᭖᭒ 62A]
ᬤᬶᬪᬤᬯᬂ᭞ᬧᬤᭂᬫ᭄ᬩᬦ᭄ᬜᭂᬗᬳᬂᬫᬸᬜᬶ᭞ᬩᬗ᭄ᬕ᭄ᬭᬲ᭄ᬲᬳᬸᬭ᭄᭞ᬕᬸᬲ᭄ᬢᬶᬘᬾᬳᬾᬕ᭄ᬗᬧᬓᬧᬓ᭄᭟ᬮᬶᬬᬸᬩᬦᬶᬤ᭠ᬫᬕ᭄ᬩᬕᬶ᭞ᬲᬶᬂᬫᬫᬤᬢᬸᬮᬶᬢᬸᬦᬶ᭞ᬳᬢᬕ᭄ᬯᬂᬕᬾᬮ᭄ᬕᬾᬮ᭄ᬫᬓ᭄ᬚᬂ᭞ᬦᬄᬋᬩᬸᬢ᭄ᬳᬶᬘᬾᬳᬾᬤᬶᬹᬕ᭄ᬤᬶᬦᬶ᭞ᬫᬲᬮᬓᬃ᭠
ᬫᬓᬶᬭᬶᬕ᭄᭞ᬗᬸᬭᬄᬫᬥᬾᬳᬕᬵᬓᭂᬢᬸᬭ᭄᭞ᬘᬾᬳᬾᬕ᭄ᬤᬗᬫᬂᬗᬫᬂ᭞ᬤᬶᬕᬸᬫᬶᬦᬦᬓᬾᬧ᭄ᬮᬶᬄ᭞ᬗᬶᬫᬸᬭᬶᬫᬸ᭠ᬭ᭄᭞ᬢᬳᭂᬦᬂᬳᬯᬓ᭄ᬩᬩᬦ᭄ᬤᬦ᭄᭟ᬓᭀᬘᬧ᭄ᬲᬵᬫ᭄ᬧᬸᬦ᭄ᬢᬢᬲ᭄ᬕᬮᬂ᭞ᬢᭀᬬᬦᬸᬦ᭄ᬟᬲᬵᬫ᭄ᬧᬸᬦᬮᬶᬢ᭄᭞ᬗᬭᬭᬶᬲ᭄ᬫ᭠
ᬮᬶᬄᬫᬫᬃᬕ᭄ᬕ᭞ᬲᭂᬓᭂᬧ᭄ᬓᬭᬗᬲᭂᬫ᭄ᬗᬩᬶᬄ᭞ᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂᬓᬗᬶᬦ᭄᭞ᬭᬶᬂᬤᬾᬰᬲᬫ᭄ᬧᬮᬦ᭄ᬭᬳᬸᬄ᭞ᬗ᭠ᬮᬶᬦ᭄ᬢᬂᬤᬾᬰᬲᬢ᭄ᬭ᭄ᬬ᭞ᬢᬦ᭄ᬓᬘᬭᬶᬢᬭᬶᬫᬃᬕ᭄ᬕᬶ᭞ᬕ᭄ᬮᬶᬲ᭄ᬭᬳᬸᬄ᭞ᬗᭂᬦ᭄ᬢᬲ᭄ᬧ᭄ᬭᬤᬾᬰᬲᬶᬤᭂᬫᭂᬦ᭄᭟ᬤᬾᬯᬕ᭄ᬟᬾᬳᬕᬸᬂ᭠
ᬘᬦᬂ᭞ᬲᬲᬋᬂᬤᬾᬯᬲᬸᬓᬯᬢᬶ᭞ᬫᬲᬦ᭄ᬤᭂᬓᬦ᭄ᬭᬶᬂᬲᬶᬤᭂᬫᬦ᭄᭞ᬕᬸᬲ᭄ᬢᬶᬳᬮᬶᬢ᭄ᬗᬸᬭᬄᬫᬮᬶᬄ᭞ᬫᬭᬶᬂᬦᭀᬗᬦ᭄ᬫᬮᬶᬗ᭄ᬕᬶᬄ᭞ᬓ᭄ᬭ᭄ᬬᬦ᭄ᬫᬥᬾᬭᬶᬂᬲ᭄ᬮᬢ᭄ᬫᬸᬗ᭄ᬕᬸᬄ᭞ᬳᬶᬕᬸᬲ᭄ᬢᬶᬳᬮᬶᬢ᭄ᬳᭀᬓ᭞ᬫᬲᬋᬗᬦ᭄ᬭᬶᬗᬶᬳᬚᬶ᭞ᬗᬸᬭᬄᬓ᭄ᬢᬸᬢ᭄᭞ᬭᬶᬂᬢᬮᬶ᭠
Kaca:Bali-lontar-gaguritan-rusak-gianyar-02-300ppi.pdf/62
Kaca puniki sampun kauji-wacén
