[᭖᭐ 60B]
᭖᭐
ᬭᬶᬲ᭄ᬫᬫᬃᬕ᭄ᬕᬶ᭞ᬧᬫᬃᬕ᭄ᬕᬶᬦᬾᬕᬕᬜ᭄ᬘᬗᬦ᭄᭞ᬲᬵᬫ᭄ᬧᬸᬦ᭄ᬭᬳᬸᬄᬭᬶᬂᬫᬗᬸᬯᬶ᭞ᬭᬭᬶᬲ᭄ᬢᬗ᭄ᬓᬶᬮ᭄ᬓᬧᬸᬭᬷ᭞ᬭᬶᬗᬶᬤᬳ᭠ᬓᬾᬳᬕᬸᬂ᭞ᬩᬩ᭄ᬯᬢᬦ᭄ᬓᬧᬶᬤᬃᬣ᭞ᬗᭀᬤᬮ᭄ᬧᬭᬭᬸᬤᬦ᭄ᬲᬫᬶ᭞ᬳᬦᬓᬕᬸᬂ᭞ᬢᬦ᭄ᬧᬜ᭄ᬚᬂᬳᬃᬱᬩᬸᬯᬓᬂ᭟
ᬤᬾᬦᬶᬂᬧ᭄ᬭᬲᬶᬤᬓᬮᬸᬕ᭄ᬭ᭞ᬲᬂᬤᬸᬢᬫᬳᬸᬮᬓ᭄ᬯᬮᬶ ᬓᬧᬦᬭᬸᬗᬦ᭄ᬯᬗᭀᬚᭀᬕ᭄᭞ᬧᬭᬭᬸᬤᬓᬕᭂᬭᬶ᭠ᬓ᭄᭞ᬫᬫᬃᬕ᭄ᬕᬶᬲᬵᬫ᭄ᬧᬸᬦ᭄ᬮᬶᬗ᭄ᬲᬶᬭ᭄᭞ᬯᬾᬦ᭄ᬢᭂᬦ᭄ᬧᬦᬮᬶᬓ᭄ᬧᬶᬂᬧᬶᬢᬸ᭞ᬭᬳᬸᬄᬭᬶᬂᬧ᭄ᬭᬤᬾᬰᬫᬵᬲ᭄᭞ᬳᬶᬭᬶᬓᬗᬶᬤᭂᬧ
ᬓ᭄ᬭᭂᬂᬫᬫᬃᬕ᭄ᬕᬶ᭞ᬳᬸᬧᬫᬶᬧᬤᬧᬮᬬ᭄ᬯᬦ᭄᭞ᬲ᭄ᬩᬄᬮᬤᭂᬕ᭄ᬓᭂᬘᬸᬤ᭄ᬓᬸᬦᬶᬂ᭞ᬍᬓ᭄ᬚᭂᬗᬄᬢᬶᬤᭀᬂᬕᬶᬕᬶᬲ᭄᭞ᬓᬢᬢᬦ
ᬓᬾᬫᬩᬸᬦ᭄ᬩᬸᬦ᭄᭞ᬫᬶᬭᬶᬩ᭄ᬭᬲᬗ᭄ᬭᬶᬫᬶᬓᬂ᭞ᬢᬦᬓ᭄ᬧᬢᬹᬢ᭄ᬓᬤᬾᬦ᭄ᬩᬗ᭄ᬕᬶ᭞ᬲᬮᬄᬲᭂᬗ᭄ᬕᬸᬄ᭞ᬯᬸᬲ᭄ᬭᬓᬸᬄᬭᬶᬂᬤᬾᬰᬓᬸᬭ᭄ᬯᬦ᭄᭟ᬳᬶᬕᬸᬲ᭄ᬢᬶᬦ᭄ᬗᬄᬲ᭄ᬫᬸᬯᬱ᭄ᬧ᭞ᬓᬗᭂᬦ᭄ᬓᬬᬸᬦᬾᬜᬶᬗᬓᬶᬦ᭄᭞ᬧᬜ᭄ᬤᬓᬾᬲᬫᬶᬧᬦ᭄ᬮᭀᬓ᭄᭞ᬯᬾ
[᭖᭑ 61A]
ᬦ᭄ᬢᭂᬦ᭄ᬗᭂᬧᭂᬲᬶᬧᬸᬦ᭄ᬗᭂᬮᬶᬂ᭞ᬚᬦ᭄ᬢᭀᬲ᭄ᬤᬦᬾᬳᬶᬕᬸᬲ᭄ᬢᬶ᭞ᬫᬓᭀᬘᭀᬕᬦ᭄ᬫᭂᬤᬮ᭄ᬧᬶᬮᬸᬄ᭞ᬳᬾᬮᬶᬂᬭᬶᬂᬧᬜ᭄ᬚᬓ᭄ᬫᬸ᭠ᬮ᭞ᬲᬸᬤᬲ᭄ᬢᬶᬦᬶᬧᬸᬦ᭄ᬢᬦ᭄ᬫᬭᬶ᭞ᬓᬦ᭄ᬢᬶᬮᬘᬸᬭ᭄᭞ᬫᬗ᭄ᬮᭀᬫᬓ᭄ᬮᭀᬦᬫᬬᬂᬚᭂᬗᬄ᭟ᬧᬜ᭄ᬚᬓᬾᬜᬶᬮᬶᬩ᭄ᬫᬭᬸᬬ᭄ᬯᬦ᭄᭞᭠
ᬯᬾᬦ᭄ᬦᬾᬫᬵᬮᬶᬗᬦ᭄ᬓᭀᬭᬶ᭞ᬧᬤ᭄ᬗᭀᬓ᭄ᬭᬶᬂᬤᬸᬳᬸᬃᬢᬾᬫ᭄ᬩᭀᬓ᭄᭞ᬮᬾᬦ᭄ᬜᬶᬮᬶᬩ᭄ᬗᬢᬸᬭᬂᬧᬶᬧᬶᬲ᭄᭞ᬳᬗ᭄ᬕᬾᬦ᭄ᬩᭂᬓᭂᬮ᭄ᬭᬶᬂᬫᬃᬕ᭄ᬕᬶ᭞ᬗ᭄ᬮᬶᬂᬢᬸᬫᬓᬸᬤᬸᬂ᭞ᬧᬜ᭄ᬚᬂᬬᬦ᭄ᬘᬭᬶᬢᬬᬂ᭞ᬫᬾᬄᬲᬵᬫ᭄ᬧᬸᬦ᭄ᬗᬮᬶᬦ᭄ᬢᬂᬓᬗᬶᬦ᭄᭞ᬤᬾᬰᬘ᭄ᬮᬸᬓ᭄᭞ᬫᬸᬗ᭄ᬕᬄ
ᬓᬗᬶᬦ᭄ᬦᬶᬜ᭄ᬘᬧ᭄ᬕ᭄ᬬᬜᬭ᭄᭟ᬲᬯ᭄ᬯᭀᬗᬶᬂᬩᬜ᭄ᬘᬶᬗᬄᬕ᭄ᬬᬜᬭ᭄᭞ᬭᬦ᭄ᬢᬩᬦ᭄ᬭᬯᬸᬄᬫᬩᬮᬶᬄ᭞ᬕᬸᬲ᭄ᬢᬶᬦ᭄ᬗᬄᬫ
ᬥᬾᬋᬓᭀ᭞ᬍᬓ᭄ᬚᭂᬗᬄᬤᬦᬾᬢᬦ᭄ᬲᬶᬧᬶ᭞ᬳᬾᬮᬶᬂᬭᬶᬂᬮᬫ᭄ᬧᬄᬭᬶᬳᬶᬦ᭄᭞ᬳᭀᬕᬦ᭄ᬫᬦᬫᬬᬂᬮᬘᬸᬭ᭄᭞ᬧᬓᬶ
ᬭᬦ᭄ᬗᬸᬭᬄᬳᬵᬓ᭞ᬲᬗ᭄ᬓᬦ᭄ᬫᬗ᭄ᬕᬸᬄᬓᬤᬶᬫᬗ᭄ᬓᬶᬦ᭄᭞ᬓᬾᬄᬬᬦ᭄ᬯᬸᬯᬸᬲ᭄᭞ᬭᬶᬂᬢᬸᬕᬸᬦᬸᬭᬸᬲ᭄ᬫᬭᬵᬃᬬ᭄ᬬᬦ᭄᭟ᬳᬾᬮᬶᬂᬫᬗᬢᬸᬭᬂᬲᭂᬫ᭄ᬩᬄ᭞ᬯᬸᬲ᭄ᬫᬸᬱ᭄ᬧᬭᬭᬶᬲ᭄ᬫᬫᬃᬕ᭄ᬕᬶ᭞ᬧ᭄ᬭᬕᬸᬗᬾᬭᬶᬂᬳᬩ᭄ᬬᬦ᭄ᬲᭂᬤᬄ᭞ᬧᬜ᭄ᬚᬓᬶᬤᬭᬳᬸᬄᬗ᭄ᬮᬶᬂ᭞ᬢᬦ᭄ᬓᬢᬸ᭠
Kaca:Bali-lontar-gaguritan-rusak-gianyar-02-300ppi.pdf/61
Kaca puniki sampun kauji-wacén
