[᭕᭙ 59B]
᭕᭙
᭞ᬓᬧᬦᬭᬸᬗᬦ᭄ᬫᬕᬶᬗ᭄ᬲᬶᬭ᭄᭞ᬲᬵᬫ᭄ᬧᬸᬦ᭄ᬭᬳᬸᬄ᭞ᬫᬤᬸᬦᬸᬂᬭᬶᬂᬩᬮᬾᬩᬜ᭄ᬚᬭ᭄᭟ᬩ᭄ᬗᭀᬂᬓᬗᭂᬦ᭄ᬫᬤᭂᬓᭂᬲᬦ᭄᭞ᬧᬓ᭄ᬭᬾᬲᭀᬓ᭄ᬫᬭᬲᬫᬵᬢᬶ᭞ᬢ᭄ᬮᬲ᭄ᬧᬧᬶᬦᭂᬳᬾᬋᬓᭀ᭞ᬭᬾᬄᬲᬸᬩᬓᬤᬸᬂᬮᬫ᭄ᬧᬳᬶᬦ᭄᭞ᬓᬸᬤ᭄ᬬᬂᬚᬦᬶ᭠
ᬫᬶᬦᭂᬳᬶᬦ᭄᭞ᬮᬫᬓᬦᬾᬳ᭄ᬦᬸᬳᬶᬤᬸᬧ᭄᭞ᬢ᭄ᬯᬭᬜᬦ᭄ᬤᬗᭂᬍᬓᬂ᭞ᬤᬤᬶᬓᬓ᭄ᬤᬾᬓᬦ᭄ᬕᬸᬫᬶ᭞ᬢ᭄ᬯᬭᬗᬸᬕᬸ᭞ᬧᬗ᭄ᬭᬯᭀᬲᬾᬤᬶᬧ᭄ᬮᬶᬬᬢᬦ᭄᭟ᬢ᭄ᬯᬭᬜᬦ᭄ᬤᬂᬧᬲᭂᬮ᭄ᬲᭂᬮᬦ᭄᭞ᬯᬶᬭᬾᬄᬲᬸᬩᬓᬤᬸᬂᬧ᭄ᬮᬶᬄ᭞ᬗᬸᬤᬩᬲ᭄ᬮᬶᬬᬸᬫᬓ
ᬦ᭄ᬤ᭞ᬮᬶᬬᬸᬳᬦᬓ᭄ᬧᬥᬳᬸᬦᬶᬂ᭞ᬳᬧᬶᬓᬸᬤ᭄ᬬᬂᬚ᭄ᬯᬚᬦᬶ᭞ᬭᬾᬄᬲᬸᬩᬓᬤᬸᬂᬫᬘᭂᬩᬸᬭ᭄᭞ᬩᬸᬓᬲᬢ᭄ᬬᬤᬶᬢᬶᬗ᭄ᬕ᭞ᬢ᭄ᬯᬭᬤᬤᬶᬩᬦ᭄ᬢᭂᬮᬶᬤᬶᬦ᭄᭞ᬧᬶᬲᬦ᭄ᬢᬸᬢᬸᬕ᭄᭞ᬲᬭᬧᬦᬶᬢᬳᬶᬂᬤᬾᬯ᭟ᬓᬮᬸᬤ᭄ᬕᭂᬩᬕᬶᬦ᭄ᬢᭂᬩᭂᬗ
ᬦ᭄᭞ᬚᭂᬚᭂᬄᬗ᭄ᬢᭀᬃᬫ᭄ᬭᬲᬫᬵᬢᬶ᭞ᬓᬢᬄᬧᬗᬶᬭᬶᬗᬾᬗᬶᬘᬮ᭄᭞ᬧᬥᬫᬗᭂᬮᬶᬤᬂᬳᬸᬭᬶᬧ᭄᭞ᬳᬦᬓᬕᬸᬂᬭᬶᬂᬅᬗᬸᬯᬶ᭞ᬓ᭄ᬬᬢᬶᬗᬸᬭᬄᬫᬘᬾᬳᬕᬸᬂ᭞ᬲᬓᬾᬂᬤ᭄ᬫᬶᬢ᭄ᬧ᭄ᬭᭀᬯᬕ᭞ᬮᬾᬤᬂᬓᬬᬸᬦᬾᬫᬸᬲ᭄ᬩᬸᬲᬶᬦ᭄᭞ᬢ᭄ᬯᬭᬗᬶ
[᭖᭐ 60A]
ᬢᬸᬂ᭞ᬳᬸᬩᬬᬦᬾᬲᬵᬫ᭄ᬧᬸᬦ᭄ᬮᬶᬦ᭄ᬢᬂ᭟ᬫᬶᬭᬶᬩ᭄ᬢ᭄ᬯᬭᬩᬶᬲᬭᬸᬲᬓ᭄᭞ᬩᬦᬾᬕ᭄ᬠᬾᬗ᭄ᬮᬄᬕᬸᬫᬶ᭞ᬢ᭄ᬯᬭᬫᬶᬦᭂᬳᬶᬦ᭄ᬯᭂᬓᬲᬦ᭄᭞ᬧᬦᬗ᭄ᬓᬦᬾᬧᬘᬂᬧᬗ᭄ᬕᬶᬄ᭞ᬤᬤᬶᬦᬸᬳᬸᬢᬂᬫᬸᬜᬶ᭞ᬧᬗᬸᬕᬸᬦᬾᬗᬸᬭᬄᬓᭂᬭᬸᬕ᭄᭞ᬫᬸᬮᬘᬡ᭄ᬠᬮᬓᬃᬫ᭄ᬫ
᭞ᬲᬗ᭄ᬓᬦ᭄ᬩᬶᬬᬸᬃᬤᬶᬫᬗᬸᬯᬶ᭞ᬧᬢᬶᬓᭂᬧᬸᬕ᭄᭞ᬢᬸᬗ᭄ᬓᬲ᭄ᬫᬢᬾᬫ᭄ᬧᬾᬓ᭄ᬢᬾᬫ᭄ᬧᬾᬓᬦ᭄᭟ᬯᬢᬭᬤᬰᬭᬳᬶᬦ᭞ᬯᬢᭂᬓ᭄ᬧ᭄ᬭᬭᬸᬤᬦᬾᬲᬫᬶ᭞ᬓᬩᭂᬩᭂᬂᬭᬶᬂᬧᬦᬭᬸᬗᬦ᭄᭞ᬦᬾᬫᬗ᭄ᬓᬶᬦᬸᬘᬧᬂᬫᬮᬶᬄ᭞ᬦᬓᬕᬸᬂᬕ᭄ᬠᬾᬚ᭄ᬮᬡ᭄ᬝᬶᬓ᭄᭞
ᬭᬶᬂᬓᬭᬗᬲᭂᬫ᭄ᬗᬯᭂᬗ᭄ᬓᬸ᭞ᬕ᭄ᬮᬶᬲᬶᬤᬫᬧᬸᬢᬸᬧᬦ᭄᭞ᬢᬗ᭄ᬓᬶᬮ᭄ᬓᬓ᭄ᬮᬸᬗ᭄ᬓᬸᬂᬦᬾᬫᬗ᭄ᬓᬶᬦ᭄᭞ᬲᬂᬓᬳᬸᬢᬸᬲ᭄᭞ᬩ᭄ᬭᬳ᭄ᬫᬡᬲᬓᬾᬂᬧᬶᬤᬤ᭟ᬳᬶᬤᬓ᭄ᬢᬸᬢ᭄ᬩᬸᬭ᭄ᬯᬦ᭄ᬧᬭᬩ᭄᭞ᬳᬶᬕᬸᬲ᭄ᬢᬶᬮᬦᬂᬜᬋᬗᬶᬦ᭄᭞ᬫᬜ᭄ᬘᬢᬮᬶᬩᭂᬂᬓᬲ᭄ᬢᬯ᭞ᬤᬶᬦ᭄ᬤᬶᬂ
ᬤᬤᬲᬓᬾᬂᬗᬹᬦᬶ᭞ᬲᬢᬢᭂᬩᭂᬗᬦ᭄ᬗᬶᬭᬶᬂ᭞ᬲᬯᬢᬭᬯᬾᬦ᭄ᬢᭂᬦ᭄ᬲᬶᬬᬸ᭞ᬦᬸᬦᬲ᭄ᬧ᭄ᬭᬭᬸᬤᬦ᭄ᬕ᭄ᬬᬜᬭ᭄᭞ᬤᬍᬫ᭄ᬓᬲᭂᬮ᭄ᬓᬦ᭄ᬢᬗ᭄ᬓᬶᬲ᭄᭞ᬜᬮᬶᬢ᭄ᬓᬬᬸᬦ᭄᭞ᬢᬦ᭄ᬧᬜ᭄ᬚᬂᬩᬩᬃᬓᬮᬸᬕ᭄ᬭ᭟ᬲᬂᬓᬳᬸᬢᬸᬲ᭄ᬲᬳᬲᭂᬫ᭄ᬩᬄ᭞ᬫᬧᬫᬶᬢ᭄ᬭ
Kaca:Bali-lontar-gaguritan-rusak-gianyar-02-300ppi.pdf/60
Kaca puniki sampun kauji-wacén
